ຫົວຂໍ້ | ປະເພດ | ລົງວັນທີ |
ສູນຝຶກຈຳປີ-ຈຳປາ ຫຼັກ16 ເປີດເທີມໃຫມ່ 27/04/2024 | ໂຄສະນາ | 26/03/2024 |
ເປິດເທີມໃຫມ່ ສູນຝຶກຈຳປີ - ຈຳປາ ວັນທີ 27/04/2024 | ໂຄສະນາ | 25/03/2024 |
ປະກາດຮັບສະຫມັກພະນັກງານ | ໂຄສະນາ | 25/03/2024 |
ມາຮູ້ກັບ ວິໄລພອນ ສີນວນຄຳ ກອງຫນ້າດາວຍິງປະຕູດີເດັ່ນ ຈາກ ສະໂມສອນ ຟຸດຊໍ ຈັນສີ
ຄໍລຳທີ2ຂອງສະກຸບພິເສດອາທິດນີ້ ຜູ້ຂຽນຂໍນຳສະເຫນີ ‘’ ວີໄລພອນ ສີນວນຄຳ ຫລື ວີ ກອງໜ້າດາວຍິງປະຕູດີເດັ່ນຂອງ‘’ສະໂມສອນ ຟຸດຊໍ ຈັນສີ.
ວິໄລພອນ ສີນວນຄຳ ເກີດເມື່ອວັນທີ 12 ຕຸລາ 2002 ຢູ່ທີ່ບ້ານຊ້າງ ເມືອງຄູນ ແຂວງຊຽງຂວາງ, ລວງສູງ 167 ຊັງຕີແມັດ, ນ້ຳໜັກ 60 ກິໂລກຣາມ, ເລີ້ມຫລິ້ນກິລາບານເຕະຕັ້ງແຕ່ອາຍຸ 13 ປີ, ຜົນງານດ້ານກິລາບານເຕະແມ່ນເຄີຍຫລິ້ນໃຫ້ກັບ ສະໂມສອນຊ້າງແກ້ວ ( ລາວລີກ 2 ແຂວງຊຽງຂວາງ ) ໃນປີ2022 ແລະ ກໍຕິດທີມແຂວງ ຊຽງຂວາງໃນປີ 2022 ແລະ ຈົບດ້ວຍການເປັນຮອງແຊັມ ( ໃນລາຍການ ຊິງຂັນ ກິລາບານເຕະແຫ່ງຊາດປະຈຳປີ 2022) ແລະ ໃນປີ2023 ໄດ້ມາຫຼິ້ນໃຫ້ກັບສະໂມສອນ ຈັນສີ ເອັຟຊີ (ລາຍການ ນະຄອນຫຼວງລີກ2) ໂດຍໄດ້ຮັບລາງວັນ ນັກກິລາດີເດັ່ນ 2 ນັດ.
ເມື່ອຖືກຖາມເຖິງຄວາມທ້າທາຍໃໝ່ໃນການຫລິ້ນກິລາຟຸດຊໍ ວິໄລພອນ ໄດ້ກ່າວວ່າ:ການມາຫຼິ້ນກິລາຟຸດຊໍຄັ້ງນີ້ນ້ອງເອງຄິດວ່າມັນເປັນສິ່ງທ້າທາຍ ແລະ ເປັນຄັ້ງທຳອິດຂ້ອງນ້ອງທີ່ໄດ້ມາຮ່ວມລາຍການນີ້ ຮູ້ສຶກຕື່ນເຕັ້ນຫຼາຍ ແຕ່ເຮັດໃຫ້ນ້ອງໄດ້ຮຽນຮູ້ໃນການຫຼີ້ນແບບລວມໝູ່ຫຼືເປັນທີມເວີກຫຼາຍຂຶ້ນ,ການເອົາຕົວລອດໃນພື້ນທີ່ແຄບ, ການຈົບສະກໍ,ຕ້ອງຄິດໄວເຮັດໄວ ແລະ ພາລະກຳລັງຕ້ອງດີ.ກ່ອນທີ່ຈະມາຫຼິ້ນກິລາບານເຕະ ຫຼື ຟຸດຊໍ ນ້ອງໄດ້ມີຄວາມຮັກ ແລະ ມັກໃນກິລາບານເຕະມາແຕ່ນ້ອຍແລ້ວ ໂດຍມີຄອບຄົວສະໜັບສະໜູນ ແຕ່ບໍ່ໄດ້ເຂົ້າຝຶຶກຊ້ອມຢູ່ສະໂມສອນຫຼືອາຄາເດມີໃດໆ ເພາະວ່າຢູ່ ພາຍໃນແຂວງຕອນນັ້ນຍັງບໍ່ທັນມີອາຄາເດມີເທື່ອ,
ວິໄລພອນ ສີນວນຄຳ ຍັງກ່າວຕື່ມວ່າ: ຄວາມໄຝ່ຝັນ ຂອງນ້ອງແມ່ນຢາກເປັນນັກກິລາອາຊີບ, ນ້ອງເອງຄິດວ່າ ການທີ່ໄດ້ມາຫຼີ້ນກິລາຟຸດຊໍ ໃນຄັ້ງນີ້ ເປັນ1ໃນການຮຽນຮູ້ແລະໄດ້ໃຊ້ທັກສະຂອງຕົນເອງຫຼາຍຂຶ້ນ, ຜົນງານສ່ວນໂຕແມ່ນ ລົງທັງໝົດ 6 ນັດ ຍິງ 12 ປະຕູ.
ສຸດທ້າຍນີ້ນ້ອງຂໍ ເຊີນຊວນແຟນບານ ແລະ ກອງເຊຍ ທີ່ມາໃຫ້ກຳລັງໃຈທີມຂອງພວກເຮົາ ແລະກໍຂໍຂອບໃຈ ກອງເຊຍຂອງສະໂມສອນ ຈັນສີເອັບຊີ ທີ່ໃຫ້ກຳລັງໃຈທີມຂອງພວກເຮົາ.
ສຳລັບການແຂ່ງຂັນ ລາວ ຟຸດຊໍ ລີກ 2024 ແມ່ນໄດ້ດຳເນີນການແຂ່ງຂັນມາໄດ້ 6 ອາທິດແລ້ວ ເຊິ່ງມີ 12 ທີມເຂົ້າຮ່ວມການແຂ່ງຂັນ ປະກອບມີ: ເບ ສະຫວັນ ( ແຊ້ມເກົ່າ ), ລະຊະຕະ , ມາສະດາ ຈີບີ, ເຫນືອ - ໃຕ້, ຊີທີເອ ພາວເວີ້ , ນະຄອນຫຼວງ, ວີເຊີນ, ອາສາ ພາວເວີ້, ເຄເອັມທີ, ເອັສທີທີ, ຈັນສີ ແລະ ຊີໄອທີ. ໂດຍໄດ້ເລີ່ມແຂ່ງຂັນມາແຕ່ ວັນທີ 02 ມີນາ 2024 ຫາ 02 ມິຖຸນາ 2024.
ຮູບແບບການແຂ່ງຂັນຄັ້ງນີ້ແມ່ນແຂ່ງຂັນແບບລີກພົບກັນຫມົດ 1 ຮອບ ສະສົມຄະແນນ,ແລ້ວຄັດເລືອກເອົາສະໂມສອນ ອັນດັບ 1 ແລະ 2 ເຂົ້າຮອບ 4 ທີມໂດຍອັດຕະໂນມັດ. ສ່ວນອັນດັບ 3-6 ແມ່ນປະຄົບຄູ່ແຂ່ງຂັນຮອບຕົກແລ້ວຄັດອອກ( Play-off) ນັດດຽວ.ສວ່ນສະໂມສອນ ທີ່ຊະນະຈະໄດ້ຜ່ານເຂົ້າສູ່ຮອບ 4 ທີມ ໂດຍຈະພົບກັບທີມອັນດັບ 1 ແລະ ອັນດັບ 2 ທີ່ເປັນທີມຢືນ, ຮອບ 4 ທີມ ແລະ ຮອບຊີງຊະນະເລີດ ຕາມລຳດັບ, ສ່ວນເງິນລາງວັນຊະນະເລີດ ແມ່ນຈະໄດ້ຮັບເງິນ 50 ລ້ານກີບ, ຮອງຊະນະເລີດ ອັນດັບ 1 ໄດ້ຮັບເງິນ 25 ລ້ານກີບ ແລະ ຮອງຊະນະເລີດອັນດັບ 2 ໄດ້ຮັບເງິນ 10 ລ້ານກີບ ຂະນະທີ່ລາງວັນປະເພດບຸກຄົນ ມີລາງວັນຜູ້ຮັກສາປະຕູດີເດັ່ນ, ລາງວັນນັກກິລາດີເດັ່ນ, ລາງວັນຄູຝຶກດີເດັ່ນ ແລະ ລາງວັນຜູ້ຍິງປະຕູສູງສຸດ.
ພາບ: ຈອນນີ້
ກຣາຟຟິກ: ບິນ
ຂຽນ: ຫມີ ອາເຊເນລ
#LAOFOOTBALLFEDERATION
#LAOFUTSALLEAGUE2024
#LAOFORDCITY
#LAOTELECOM
#CAVALAOS
ປະກາດຮັບສະຫມັກ ຜູ້ຝຶກອົບຮົມການຝຶກອົບຮົມຜູ້ປະສານງານການແຂ່ງຂັນ LFF LOCAL GENERAL COORDINATOR COURSE 2024
ສະຫະພັນບານເຕະແຫ່ງຊາດລາວ ຂໍແຈ້ງມາຍັງບັນດາທ່ານທີ່ມີຄວາມສົນໃຈກ່ຽວກັບວຽກງານຈັດການແຂ່ງຂັນກິລາບານເຕະ ສະໝັກເຂົ້າຮ່ວມການຝຶກອົບຮົມຜູ້ປະສານງານການແຂ່ງຂັນ LFF LOCAL GENERAL COORDINATOR COURSE 2024 ລະຫວ່າງ ວັນທີ 24-26 ເມສາ 2024 ໂດຍມີຊ່ຽວຊານ ທີ່ມີຄວາມຮູ້ ແລະ ປະສົບການ ຈາກສະຫະພັນບານເຕະອາຊີ (AFC) ເປັນວິທະຍາກອນ. ລາຍລະອຽດການຝຶກອົບຮົມໃນຄັ້ງນີ້ ມີຄືດັ່ງລຸ່ມນີ້:
1. ວັນເວລາ ແລະ ສະຖານທີ່
- ວັນທີ: 24-26 ເມສາ 2024
- ເວລາ: 9:00 – 16:00 ໂມງ
- ສະຖານທີ່: ຫ້ອງປະຊຸມ ຊັ້ນ 3, ສະຫະພັນບານເຕະແຫ່ງຊາດລາວ
2. ເງື່ອນໄຂຜູ້ເຂົ້າຮ່ວມ
- ຜູ້ເຂົ້າຮ່ວມຕ້ອງມີອາຍຸ 22 ປີຂື້ນໄປ ທີ່ມີຄວາມສົນໃຈໃນວຽກງານບານເຕະທົ່ວໄປ.
- ຜູ້ທີ່ເຄີຍຜ່ານການຝຶກອົບຮົມ ຜູ້ຄວບຄຸມການແຂ່ງຂັນ (Match Commissioner) ແລະ ຜູ້ຊ່ວຍຜູ້ຄວບຄຸມການແຂ່ງຂັນ (General Coordinator) ຂອງ ສຕລ ໃນໄລຍະຜ່ານມາ.
3. ນະໂຍບາຍຕໍ່ຜູ້ເຂົ້າຮ່ວມຝຶກອົບຮົມ
- ເຂົ້າຮ່ວມຝຶກອົບຮົມ ໂດຍບໍ່ເສຍຄ່າ.
- ອຸປະກອນເຄື່ອງຂຽນ.
- ອາຫານວ່າງ ແລະ ນໍ້າດື່ມທີ່ໃຊ້ໃນການຝຶກອົບຮົມ.
- ອາຫານທ່ຽງສຳຫຼັບຜູ້ເຂົ້າຮ່ວມຝຶກອົບຮົມ.
4. ຂັ້ນຕອນການສະໝັກຝຶກອົບຮົມ
ຜູ້ທີ່ສົນໃຈ ສາມາດສົ່ງຟອມສະໝັກ, ໃບຊີວະປະຫວັດ (CV) ແລະ ຮູບພາບຕິດບັດ ໃຫ້ກັບຄະນະຮັບຜິດຊອບ ຜ່ານອີເມວ [email protected] ນັບຕັ້ງແຕ່ມື້ນີ້ ຈົນເຖິງ ວັນທີ 22 ເມສາ 2024.
ລິ້ງດາວໂຫລດແບບຟອມ: https://drive.google.com/drive/folders/1NQr3QKqnsmumgqCwHaGImn4TsfphrfKo?usp=sharing.
ສອບຖາມຂໍ້ມູນເພີ່ມເຕີມ
ທ. ສູກພະໄຊ ສູລະສິນ 020 55591916; W.A +856 20 56425845
ນ. ທິດາພອນ ອູໄທຍະວົງ 020 76662200; W.A +856 20 76662200
ດາວພະຫັດ ນັກກິລາຟຸດຊໍດາວຮຸ່ງ
ສະກຸບພິເສດອາທິດນີ້ ເຊິ່ງເປັນຄໍລໍາທຳອິດ, ຜູ້ຂຽນຂໍນຳສະເຫນີ ນັກກິລາດາວຮຸ່ງ ຟຸດຊໍ ດາວພະຫັດ ກໍ່າກາຊົມພູ ຫຼື ໂທນີ້ ອາຍຸ 16 ປີ ຫລິ້ນໃຫ້ກັບ ສະໂມສອນ ຟຸດຊໍ ເຄເອັມທີ, ປະຫວັດກ່ອນມາຫລີ້ນກິລາບານເຕະ ຫລື ຟຸດຊໍ ດາວພະຫັດໄດ້ກ່າວວ່າ: ‘’ ຂ້າພະເຈົ້າມີໃຈຮັກໃນການຫລີ້ນກິລາບານເຕະມາແຕ່ນ້ອຍ,ເລີ່ມຈຳຄວາມໄດ້ ໂດຍມີພໍ່ແມ່ແລະຄອບຄົວເປັນກຳລັງໃຈໃຫ້ການສະໜັບສະໜູນ ແລະ ເປັນແຮງບັນດານໃຈໃຫ້ ຈື່ງເລີ່ມເຂົ້າຝືກຊ້ອມກິລາບານ ເຕະ ອາຄາເດີມີ ມາສເຕີ້ ເຊເວັ້ນ ຕອນອາຍຸໄດ້ 7 ປີ ແລະ ມີໃຈຮັກມັກຈົນຮອດທຸກມື້ນີ້. ການມາຫລີ້ນກິລາຟຸດຊໍ ນ້ອງເອງຄິດວ່າ ມັນເປັນສິ່ງທ້າທາຍ ແລະ ເປັນລາຍການໃໝ່ສຳຫລັບນ້ອງທີ່ຈະໄດ້ນຳໃຊ້ ທັກສະ ຄວາມສາມາດໃນການຫລີ້ນກິລາ ເຊັ່ນ: ການເອົາຕົວຫລອດຈາກຄູ່ຕໍ່ສູ້ ການລ້ຽງບານ, ລອກບານ,ການຍິງບານໃຫ້ເຂົ້າປະຕູ(ການຈົບສະກໍ) ລວມທັງພາລະກໍາລັງຕ້ອງດີ ທຸກຢ່າງຕ້ອງຄິດໄວເຮັດໄວ ຍ້ອນແນວນີ້ນ້ອງເອງຈື່ງມີໃຈຢາກສະແຫວງຫາຄວາມທ້າທາຍໃໝ່ຈາກການເຕະຟຸດຊໍ.
ດາວພະຫັດ ແມ່ນເຄີຍຫລິ້ນໃຫ້ກັບ ສະໂມສອນ ມາສເຕີ້ ເຊເວັ້ນ ໃນຮຸ່ນອາຍຸບໍ່ເກີນ 15 ປີ ໃນປີ 2022 – 2023 ໂດຍປີ 2023 ຍິງໄດ້ 6 ປະຕູ, ພ້ອມທັງຫລິ້ນໃຫ້ກັບ ສະໂມສອນ ເຄເອັມທີ ເຂົ້າຮ່ວມ ລາວລີກ 2 ນະຄອນຫຼວງວຽງຈັນ ໃນປີ 2023 ໂດຍໄດ້ຮັບລາງວັນນັກກິລາດີເດັ່ນ ແລະ ຍິງໄດ້ທັງຫມົດ 13 ປະຕູ.
ດາວພະຫັດກ່າວວ່າ:ຄວາມໄຝ່ຝັນແມ່ນຢາກເປັນນັກກິລາ ແລະ ຮັບໃຊ້ທີມຊາດເຕະບານເດີ່ນໃຫຍ່ ເພາະວ່າເປັນຄວາມໄຝ່ຝັນມາແຕ່ນ້ອຍ ແລະ ເຮັດຜົນງານໃຫ້ດີທີ່ສຸດ ນ້ອງເອງຄິດວ່າ ການມາຫລີ້ນກິລາຟຸດຊໍ ເປັນ 1 ໃນອົງປະກອບທີ່ໃຫ້ໄດ້ຮຽນຮູ້ທັກສະການເອົາຕົວຫລອດຫລາຍຂື້ນ ແລະ ຖ້າມີໂອກາດນ້ອງກໍຢາກຫຼີ້ນໃນນາມທີມຊາດບານເຕະ ແລະ ຟຸດຊໍ.
ສ່ວນຜົນງານໃນການຫລີ້ນຟຸດຊໍ ເຖິງຈະເປັນປີທຳອິດທີ່ດາວພະຫັດໄດ້ລົງຫລີ້ນລາຍການນີ້,ແຕ່ຜ່ານການຝຶກຝົນຫລໍ່ຫລອມ,ປະຕິບັດຕາມການແນະນຳຂອງຄູຝຶກສອນແລະອ້າຍໆເພື່ອນຮ່ວມທີມໃຫ້ການສະໜັບສະໜູນ,ເຮັດໃຫ້ການຫຼີ້ນຂອງດາວພະຫັດກໍຄືທຸກຄົນຮູ້ສືກວ່າມີຄວາມສຸກ ແລະ ເປັນຄອບຄົວດຽວກັນ.ດາວພະຫັດ ລົງສະຫນາມໃຫ້ກັບ ເຄເອັມທີ ທັງຫມົດ 4 ນັດ ຍິງໄດ້ 4 ປະຕູ.
ສຸດທ້າຍ ດາວພະຫັດ ຍັງກ່າວຕື່ມ ຂໍເຊີນຊວນແຟນບານ ແລະ ກອງເຊຍ ມາໃຫ້ກໍາລັງໃຈພວກເຮົາ ແລະ ຂອບໃຈສຳລັບກຳລັງໃຈຈາກກອງເຊຍສະໂມສອນ ເຄເອັມທີ ທີ່ເຂົ້າມາໃຫ້ກຳລັງໃຈພວກເຮົາ ຢູຂ້າງສະໜາມ ແລະ ທາງໄລ້ສົດ ຫວັງຢ່າງຍິ່ງວ່າພວກທ່ານຄືກຳລັງໃຈທີ່ດີ ແລະ ເປັນຫນຶ່ງໃນອົງປະກອບຂອງພວກເຮົາ.
ສຳລັບການແຂ່ງຂັນ ລາວ ຟຸດຊໍ ລີກ 2024 ແມ່ນໄດ້ດຳເນີນການແຂ່ງຂັນມາໄດ້ 5 ອາທິດແລ້ວ ເຊິ່ງມີ 12 ທີມເຂົ້າຮ່ວມການແຂ່ງຂັນ ປະກອບມີ: ເບ ສະຫວັນ ( ແຊ້ມເກົ່າ ), ລະຊະຕະ , ມາສະດາ ຈີບີ, ເຫນືອ - ໃຕ້, ຊີທີເອ ພາວເວີ້ , ນະຄອນຫຼວງ, ວີເຊີນ, ອາສາ ພາວເວີ້, ເຄເອັມທີ, ເອັສທີທີ, ຈັນສີ ແລະ ຊີໄອທີ. ໂດຍໄດ້ເລີ່ມແຂ່ງຂັນມາແຕ່ ວັນທີ 02 ມີນາ 2024 ຫາ 02 ມິຖຸນາ 2024.
ຮູບແບບການແຂ່ງຂັນຄັ້ງນີ້ແມ່ນແຂ່ງຂັນແບບລີກພົບກັນຫມົດ 1 ຮອບ ສະສົມຄະແນນ,ແລ້ວຄັດເລືອກເອົາສະໂມສອນ ອັນດັບ 1 ແລະ 2 ເຂົ້າຮອບ 4 ທີມໂດຍອັດຕະໂນມັດ. ສ່ວນອັນດັບ 3-6 ແມ່ນປະຄົບຄູ່ແຂ່ງຂັນຮອບຕົກແລ້ວຄັດອອກ( Play-off) ນັດດຽວ.ສວ່ນສະໂມສອນ ທີ່ຊະນະຈະໄດ້ຜ່ານເຂົ້າສູ່ຮອບ 4 ທີມ ໂດຍຈະພົບກັບທີມອັນດັບ 1 ແລະ ອັນດັບ 2 ທີ່ເປັນທີມຢືນ, ຮອບ 4 ທີມ ແລະ ຮອບຊີງຊະນະເລີດ ຕາມລຳດັບ, ສ່ວນເງິນລາງວັນຊະນະເລີດ ແມ່ນຈະໄດ້ຮັບເງິນ 50 ລ້ານກີບ, ຮອງຊະນະເລີດ ອັນດັບ 1 ໄດ້ຮັບເງິນ 25 ລ້ານກີບ ແລະ ຮອງຊະນະເລີດອັນດັບ 2 ໄດ້ຮັບເງິນ 10 ລ້ານກີບ ຂະນະທີ່ລາງວັນປະເພດບຸກຄົນ ມີລາງວັນຜູ້ຮັກສາປະຕູດີເດັ່ນ, ລາງວັນນັກກິລາດີເດັ່ນ, ລາງວັນຄູຝຶກດີເດັ່ນ ແລະ ລາງວັນຜູ້ຍິງປະຕູສູງສຸດ.
ໂດຍ: MEE ARSENAL PHAKASY
ສະໂມສອນ ເຄເອັມທີ 4-6 ສະໂມສອນ ເອັສທີທີ
ຈົບການແຂ່ງຂັນ:
ສະໂມສອນ ເຄເອັມທີ 4-6 ສະໂມສອນ ເອັສທີທີ
⚽️ເຄເອັມທີ ໄດ້ປະຕູຈາກ: ເບີ 41 ຊີດີ ພົມສະຫວັນ ນາທີ 5, 39, ເບີ 99 ຈິ່ມມີ້ ສີໄຊງາມ ນາທີ 19, ເບີ 77 ເສີມສຸກ ສູນດາລາ ນາທີ 32
⚽️ເອັສທີທີ ໄດ້ປະຕູຈາກ: ເບີ 44 ນະລິນ ຫລວງສີສົມບັດ ນາທີ 7, ເບີ 8 ຈັນສະຫມອນ ພົມມະລີວົງ ນາທີ 2, 25, 33, ເບີ 9 ຈິ່ວ ນົນມະນີ ນາທີ 19, ເບີ 11 ສິງທອງ ສີຍາວົງ ນາທີ 24.
📌⚽️ ຕາຕະລາງ ການແຂ່ງຂັນ ລາວ ຟຸດຊໍ ລີກ 2024 LAO FUTSAL LEAGUE 2024 ອາທິດ ທີ 6
- 🗓 ວັນອາທິດ 7 ເມສາ 2024
⏱ ເວລາ 18:00 ເຄເອັມທີ ພົບ ເອັສທີທີ
🏟 ທຸກໆຄູ່ແມ່ນແຂ່ງຂັນຢູ່ທີ່ສະຫນາມກິລາໃນຮົ່ມ ສູນຝຶກຫ້ວຍຫົງ ສຕລ
📺 ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມຟຣີ ແລະ ສາມາດຕິດຕາມຮັບຊົມ ການຖ່າຍທອດສົດໄດ້ຜ່ານທາງເພສ ເຟສບຸກ LAO FUTSAL LEAGUE, LAOFF TV ສະຫະພັນບານເຕະແຫ່ງຊາດລາວ ແລະ ເວບໄຊ ສະຫະພັນບານເຕະແຫ່ງຊາດລາວ www.laoff.org.la
#LAOFOOTBALLFEDERATION
#LAOFUTSALLEAGUE2024
#LAOFORDCITY
#LAOTELECOM
#CAVALAOS
ສະໂມສອນຟຸດຊໍ ວີເຊີ້ນ 1-5 ສະໂມສອນຟຸດຊໍ ເບ ສະຫວັນ
ຈົບການແຂ່ງຂັນ:
ສະໂມສອນຟຸດຊໍ ວີເຊີ້ນ 1-5 ສະໂມສອນຟຸດຊໍ ເບ ສະຫວັນ
⚽️ ວີເຊີ້ນ ໄດ້ປະຕູຈາກ: ເບີ 89 ພອນສະຫວັນ ມີໂຊກ ນາທີ 28
⚽️ ເບ ສະຫວັນ ໄດ້ປະຕູຈາກ: ເບີ 9 ສຸລິວັນ ພະສະແຫວງ ນາທີ 14, 25, ເບີ 7 ຄຳຜາ ພິພັກຂະວົງ ນາທີ 15, ເບີ 26 ນິລັນ ຫລວງສີສົມບັດ ນາທີ 30, ເບີ 27 ຂຸນຫວັງ ສູນດາລາ ນາທີ 38
...............................................
ການແຂ່ງຂັນ ລາວ ຟຸດຊໍ ລີກ 2024 LAO FUTSAL LEAGUE 2024 ອາທິດ ທີ 5
- 🗓 ວັນອາທິດ 7 ເມສາ 2024
🏟 ທຸກໆຄູ່ແມ່ນແຂ່ງຂັນຢູ່ທີ່ສະຫນາມກິລາໃນຮົ່ມ ສູນຝຶກຫ້ວຍຫົງ ສຕລ
📺 ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມຟຣີ ແລະ ສາມາດຕິດຕາມຮັບຊົມ ການຖ່າຍທອດສົດໄດ້ຜ່ານທາງເພສ ເຟສບຸກ LAO FUTSAL LEAGUE, LAOFF TV ສະຫະພັນບານເຕະແຫ່ງຊາດລາວ ແລະ ເວບໄຊ ສະຫະພັນບານເຕະແຫ່ງຊາດລາວ www.laoff.org.la
#LAOFOOTBALLFEDERATION
#LAOFUTSALLEAGUE2024
#LAOFORDCITY
#LAOTELECOM
#CAVALAOS
ສະໂມສອນຟຸດຊໍ ອາສາ ພາວເວີ້ 2-14 ສະໂມສອນຟຸດຊໍ ຊີໄອທີ
ຈົບການແຂ່ງຂັນ:
ສະໂມສອນຟຸດຊໍ ອາສາ ພາວເວີ້ 2-14 ສະໂມສອນຟຸດຊໍ ຊີໄອທີ
⚽️ ອາສາ ພາວເວີ້ ໄດ້ປະຕູຈາກ: ເບີ 3 ວິໄຊ ພອນສິລີ ນາທີ 19 ( OG ), ເບີ 25 ວັນປະເສີດ ວົງຈຳປາ ນາທີ 29, ເບີ 6 ພູທອນ ແກ້ວສະຫວ່າງ ນາທີ 30
⚽️ ຊີໄອທີ ໄດ້ປະຕູຈາກ: ເບີ 33 ສີນວນ ຊາມຸນຕີ ນາທີ 8, 11, 40, ເບີ 44 ມິນສະດາ ເວດສະວົງ ນາທີ 13, 15, ເບີ 29 ຊະນະສຸກ ປະວັນນາ ນາທີ 19, 24, ເບີ 10 ຄຳແພງ ພັນທອງຄຳ ນາທີ 20, 20, ເບີ 17 ສຸກສະຫວັນ ໄຊຍະລີນ ນາທີ 24, ເບີ 99 ຈັນທະລາດ ວົງສົມບັດ ນາທີ 25, ເບີ 77 ວິໄລສຸກ ພັນທອງຄຳ ນາທີ 32, ເບີ 14 ພຸດທະສິນ ພານຸສິດ ນາທີ 38
...............................................
ການແຂ່ງຂັນ ລາວ ຟຸດຊໍ ລີກ 2024 LAO FUTSAL LEAGUE 2024 ອາທິດ ທີ 5
- 🗓 ວັນອາທິດ 7 ເມສາ 2024
🏟 ທຸກໆຄູ່ແມ່ນແຂ່ງຂັນຢູ່ທີ່ສະຫນາມກິລາໃນຮົ່ມ ສູນຝຶກຫ້ວຍຫົງ ສຕລ
📺 ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມຟຣີ ແລະ ສາມາດຕິດຕາມຮັບຊົມ ການຖ່າຍທອດສົດໄດ້ຜ່ານທາງເພສ ເຟສບຸກ LAO FUTSAL LEAGUE, LAOFF TV ສະຫະພັນບານເຕະແຫ່ງຊາດລາວ ແລະ ເວບໄຊ ສະຫະພັນບານເຕະແຫ່ງຊາດລາວ www.laoff.org.la
#LAOFOOTBALLFEDERATION
#LAOFUTSALLEAGUE2024
#LAOFORDCITY
#LAOTELECOM
#CAVALAOS