ໄຊສະຫວາດ ສຸວັນນະໂຊກ ຜູ້ຮັກສາປະຕູ ທີມຊາດລາວ ຍ້າຍຮ່ວມ ສະໂມສອນ ທັບຫຼວງ ໄທລີກ 3 ປະເທດໄທ
03/08/2025
ວັນທີ 03 ສິງຫາ 2025 ເຟສບຸກປະຈຳ ສະໂມສອນ ທັບຫຼວງ ຢູໄນເຕັດ ( THAPLUANG UNITED ) ສະໂມສອນ ຈາກໄທລີກ 3 ປະເທດໄທ ໄດ້ບັນລຸຂໍ້ຕົກລົງຄ້ວາຕົວ ໄຊສະຫວາດ ສຸວັນນະໂຊກ ຜູ້ຮັກສາປະຕູ ທີມຊາດລາວ ເຂົ້າຮ່ວມທີມ.
ໄຊຊະຫວາດ ສຸວັນນະໂຊກ ເກີດວັນທີ 03 ສິງຫາ 1999 ຢູ່ທີ່ ບ້ານຖິ່ນ ເມືອງໄຊ ແຂວງອຸດົມໄຊ , ເລີ່ມຫລິ້ນກິລາບານເຕະຕັ້ງແຕ່ ອາຍຸ 5 ປີ ມີແຮງບັນດານໃຈ ຍ້ອນພໍ່ເປັນນັກກິລາທີມປະສົມແຂວງອຸດົມໄຊ , ເຄີຍຫລິ້ນໃຫ້ກັບ ສະໂມສອນ ລາວໂຕໂຢຕ້າ, ສະໂມສອນ ວຽງຈັນ ຢູໄນເຕັດ, ສະໂມສອນ ຊ້າງນ້ອຍ ແລະ ສະໂມສອນ ນໍ້າທາ ຢູໄນເຕັດ .
ສ່ວນຜົນງານລະດັບທີມຊາດລາວ ແມ່ນເຄີຍຕິດທີມຊາດລາວ ຮຸ່ນອາຍຸບໍ່ເກີນ 23 ປີ ແລະ ທີມຊາດລາວ ຊຸດໃຫຍ່.
ໄຊສະຫວາດ ຖືວ່າເປັນຜູ້ຮັກສາປະຕູຄົນທີ 2 ຂອງ ທີມຊາດລາວ ທີ່ໄດ້ຫລິ້ນຢູ່ສໂມສອນ ໄທລີກ ກ່ອນຫນ້ານັ້ນ ແມ່ນ ອຸດທິລັດ ນາມມະໂຄດ ຫລິ້ນໃຫ້ກັບ ສະໂມສອນ ລະຢອງ ເອັຟຊີ ຈາກ ໄທ.
