ລາຍງານຂ່າວຈາກກຳປູເຈຍເມື່ອບໍ່ດົນມານີ້ໃຫ້ຮູ້ວ່າ:ບຸນພະຈັນ ບຸນກອງນັກກິລາບານເຕະທິມຊາດລາວແມ່ນໜຶ່ງດຽວຂອງສປປລາວທີ່ໄດ້ແຊ້ມລີກກຳປູເຈຍກັບສະໂມສອນ Preah Khan Reach Svay Rieng FC.ໂອກາດນີ້ຕາງໜ້າສະຫະພັນບານເຕະແຫ່ງຊາດລາວກໍຄືແຟນບານທົ່ວສປປລາວຂໍສະແດງຄວາມຊົມເຊີຍແລະຍິນດີນຳ ບຸນພະຈັນ ບຸນກອງ ກອງຫນ້າທີມຊາດລາວ ກາຍເປັນນັກກິລາລາວຄົນທຳອິດທີ່ ໄດ້ແຊ້ມລີກກຳປູເຈຍ🏆 ກັບ ສະໂມສອນ Preah Khan Reach Svay Rieng FC ຢ່າງເປັນທາງການ. ກ່ອນຫນ້ານັ້ນ ບຸນພະຈັນ ໄດ້ແຊ້ມລາຍການ Hun Sen Cup 2024.

ບຸນພະຈັນໄດ້ໃຫ້ສຳພາດວ່າ: " ດີໃຈ ແລະ ພູມໃຈ ຫລາຍທີ່ໄດ້ 2 ແຊ້ມເປັນຄັ້ງທໍາອິດທີ່ປະເທດກໍາປູເຈຍ ແລະ ເປັນຄັ້ງທຳອິດທີ່ໄດ້ມາຫລິ້ນຢູ່ ສະໂມສອນນີ້.ກ່ອນອື່ນ,ຢາກຂໍຂອບໃຈສະຫະພັນບານເຕະແຫ່ງຊາດລາວແລະສະໂມສອນຊ້າງນ້ອຍທີ່ໃຫ້ໂອກາດໃຫ້ຕົນເອງໄດ້ມາຫລິ້ນຢູ່ຕ່າງປະເທດ,ກໍຄືສະແດງຄວາມຂໍຂອບໃຈອີກເທື່ອຫນຶ່ງຕໍ່ສະໂມສອນ Preah Khan Reach Svay Rieng ທີ່ໃຫ້ໂອກາດຕົນເອງໄດ້ຫລິ້ນກັບສະໂມສອນນີ້ແລະຂອບໃຈທຸກຄົນທີ່ໃຫ້ການສະຫນັບສະຫນູນ ແລະ ເປັນກຳລັງໃຈໃຫ້".

ສຳລັບປະຫວັດ ບຸນພະຈັນ ບຸນກອງ ແມ່ນເກີດວັນທີ 29 ພະຈິກ 2000 ສູງ 168 ຊັງຕີແມັດ ແລະ ນ້ຳໜັກ 60 ກິໂລກຣາມ ເກີດທີ່ບ້ານນາແກ ນະຄອນໄກສອນພົມວິຫານ ແຂວງສະຫວັນນະເຂດ ເປັນລູກຊາຍຂອງ ທ່ານ ບຸນກອງ ແລະ ທ່ານ ນາງ ບຸນລັບ ມີນ້ອງຊາຍ 1 ຄົນ.

     ບຸນພະຈັນ ເລີ່ມຫຼິ້ນກີລາເຕະບານມາຕັ້ງແຕ່ນ້ອຍໃນສະໄໝຮຽນປະຖົມ ດ້ວຍໃຈຮັກມັກ ແລະ ຕິດພັນກັບກີລາບານເຕະ ເນື່ອງຈາກຜູ້ເປັນພໍ່ເຄີຍຫຼິ້ນມາກ່ອນ, ບຸນພະຈັນ ເປັນນັກເຕະອາຍຸນ້ອຍທີ່ສຸດພຽງ 15 ປີ ໃນບານເຕະລາວ ພຣີເມຍລີກ ໂດຍເລີ່ມຕົ້ນຫຼິ້ນໃຫ້ກັບຊຸດເຍົາວະຊົນຂອງ ສະຫວັນ ເອັຟຊີ ໂດຍຄູຝຶກຂອງ ສະຫວັນ ເອັຟຊີ ທ່ານ ເອກກະພົບ ໂພທິໃສ ເຫັນວ່າຜູ້ກ່ຽວມີແວວ ມີພອນສະຫວັນໃນດ້ານກິລາບານເຕະ,ຈິ່ງສົ່ງເສີມໃຫ້ໂອກາດຜູ້ກ່ຽວເຂົ້າມາທົດລອງຫຼິ້ນໃນຊຸດໃຫຍ່ລົງສະໜາມນັດທໍາອິດພົບກັບ ຊ້າງນ້ອຍໃນປີ 2015 ແລະ ໃນເວລາຕໍ່ມາຜູ້ກ່ຽວຍິງ 1 ປະຕູທໍາອິດໄດ້ໃນນັດທີ່ ສະຫວັນ ເອັຟຊີ ເສຍໃຫ້ ທີມໄຟຟ້າລາວ 2-3.

ບຸນພະຈັນ ບຸນກອງ ເຄີຍເຂົ້າຮວ່ມເປັນນັກກິລາຂອງສູນຝຶກ(Academy) ແຂວງສະຫວັນນະເຂດ,ສູນຝຶກລັດຕະນະວົງທ່ອງທ່ຽວ,ສູນຝຶກຟຸກໂມບາຍ,ສູນຝຶກບ້ານນາແກ ແລະ ເຄີຍຫລິ້ນໃຫ້ກັບ ສະໂມສອນ ສະຫວັນ ເອັຟຊີ, ສະໂມສອນ ສະຫວັນ ຢູໄນເຕັດ, ສະໂມສອນ ທິບສະຫວັນ ເອັຟຊີ ແລະ ສະໂມສອນ ຊ້າງນ້ອຍ ເອັຟຊີ, ຕິດທີມຊາດລາວ ໃນແຕ່ລະຮຸ່ນອາຍຸນັບຕັ້ງແຕ່ U16, U18, U19, U21, U23 ແລະ ຕິດທີມຊາດລາວຊຸດໃຫຍ່ໃນປີ 2018.

ສຳລັບຜົນງານທີ່ຫລິ້ນໃຫ້ກັບຊ້າງນ້ອຍ ແມ່ນສາມາດຄວ້າແຊ້ມ 4 ລາຍການຄື: ເປບຊີ ລາວລີກ 1 ໃນປີ 2022, 2023, ການແຂ່ງຂັນບານເຕະຊີງຂັນ ສຕລ ໃນປີ 2020 ແລະ ປີ 2022. ບຸນພະຈັນ ບຸນກອງເປັນນັກກິລາທີ່ຖະນັດຫຼີ້ນໃນກອງກາງ, ແລະກອງໜ້າ.

ວັນທີ 09 ພຶດສະພາ 2024 ຢູ່ທີ່ນະຄອນຫຼວງ ໂຮຈີມິນ ປະເທດຫວຽດນາມ ໄດ້ມີການຈັບສະຫລາກການແຂ່ງຂັນບານເຕະຊີງແຊ້ມສະໂມສອນ ອາຊຽນ ລະດູການ 2024-2025,ໃນນັ້ນຊ້າງນ້ອຍທີມກິລາບານເຕະໜຶ່ງດຽວຂອງສປປລາວໄດ້ສິດເຂົ້າຮ່ວມການແຂ່ງຂັນໃນຖານະ ແຊ້ມເປບຊີ ລາວລີກ1 ປີ2023.

ຜົນການຈັບສະຫລາກ(Play Off) ສະໂມສອນ ຊ້າງນ້ອຍຈະພົບກັບ ສະໂມສອນ ສະວາຍຣຽງ ຈາກປະເທດກຳປູເຈຍ ຂະນະທີ່ອີກຄູ່ຄື ຊານ ຢູໄນເຕັດ ຈາກ ປະເທດມຽນມາ ພົບກັບ ກາສູກາ ເອັຟຊີ ຈາກປະເທດບຣູໄນ

ຫາກທີມໃດຊະນະ ແມ່ນຈະໄດ້ຜ່ານເຂົ້າສູ່ຮອບແບ່ງກຸ່ມໂດຍ ມີ 12 ທີມເຂົ້າຮ່ວມການແຂ່ງຂັນ.

 ຂະນະທີ່ຜົນຈັບສະຫລາກຮອບແບ່ງກຸ່ມມີ 12 ທີມ ໂດຍແບ່ງອອກເປັນ 2 ກຸ່ມ , ກຸ່ມລະ 6 ທີມປະກອບມີ:

- ກຸ່ມA: ບີຈີ ປະທຸມ ຢູໄນເຕັດ ເອັຟຊີ ຈາກ ໄທ, ຕຣັງການູ ເອັຟຊີ ຈາກ ມາເລເຊຍ, ພີເອັສເອັມ ມາຄັດຊາ ຈາກ ອິນໂດເນເຊຍ, ດົງເອ ທັນຫົວ ຈາກ ຫວຽດນາມ, ທີມຊະນະຈາກ ຮອບເພລອອຟ 1 ແລະ ທີມຊະນະຈາກຮອບເພລອອຟ 2.

- ກຸ່ມB: ບູຣິຣຳ ຢູໄນເຕັດ , ກົວລຳເປີ ຊິດຕີ້ ເອັຟຊີ, ກົງອັນ ຮ່າໂນ້ຍ, ບອສນຽວ ຊາມຣິນດາ ຈາກ ອິນໂດເນເຊຍ, ຄາຢາ ເອັຟຊິ ຈາກ ຟີລິບປິນ, ໄລອອນ ຊິດຕີ້ ເຊເລີ້ ຈາກ ສິງປະໂປ.

   ນັດ​ທີ 1 (Play Off) ວັນ​ທີ 17/07/2024 ຊ້າງ​ນ້ອຍ ພົບ ສະວາຍ​ຣຽງ ແຂ່ງ​ຂັນ​ຢູ່​ທີ່​ສະ​ຫນ​າ​ມ​ກິ​ລາ​ແຫ່ງ​ຊາດ​ຫຼັກ 16 ແລະ ນ​ັດ​ທີ 2 ວັນ​ທີ 24/07/2024 ສວາຍ​ຣຽງ ພົບ ຊ້າງ​ນ້ອຍ ແຂ່ງ​ຂັນ​ຢູ່​ທີ່​ປະ​ເທດ​ກຳ​ປູ​ເຈຍ.

#ShopeeCup

#ASEANUtdFC

#LaoLeague1

          ສະຫະພັນບານເຕະແຫ່ງຊາດລາວ(ສຕລ)ກຽມຈັດກິດຈະກຳຝຶກສອນຄວາມຮູ້ເບື້ອງຕົ້ນຂັ້ນພື້ນຖານການເຕະບານໃຫ້ກັບເຍົາວະຊົນແຂວງຜົ້ງສາລີ ພາຍໃຕ້ໂຄງການ ‘’ The AFC Grassroots Football Day”ຂື້ນໃນວັນທີ 15 ພຶດສະພາ 2024 ຢູ່ທີ່່ສະໜາມບານເຕະເມືອງຜົ້ງສາລີ ແຂວງຜົ້ງສາລີ,ເຊິ່ງກິດຈະກຳດັ່ງກ່າວຈັດຂື້ນໃນໂອກາດລະນຶກຄົບຮອບ 11 ປີ ທີ່ສະຫະພັນບານເຕະອາຊີ(AFC)ໄດ້ສະເຫລີມສະຫລອງງານດັ່ງກ່າວພ້ອມກັນກັບທຸກປະເທດທີ່ເປັນສະມາຊິກ.

          ສຳລັບຈຸດປະສົງຫຼັກຂອງການຈັດຝຶກສອນຄັ້ງນີ້ແມ່ນເລັ່ງໃສ່ສອນຄວາມຮູ້ເບື້ອງຕົ້ນຂັ້ນພື້ນຖານການເຕະບານໃຫ້ກັບເຍົາວະຊົນທີ່ຢູ່ເຂດຫ່າງໄກສອກຫຼີກ ແນໃສ່ໃຫ້ເຂົາເຈົ້າໄດ້ຮຽນຮູ້ທັງພາກທິດສະດີແລະພາກປະຕິບັດຕົວຈິງໃນການຫຼີ້ນກິລາບານເຕະ,ກໍຄືພັດທະນານັກກິລາບານເຕະໃຫ້ມີຄວາມກ້າວໜ້າ ແລະສົ່ງເສີມຂະຫຍາຍກວ້າງອອກໄປໃນຂອບເຂດທົ່ວປະເທດ,ລວມທັງພັດທະນາກິລາບານເຕະໃຫ້ມີຄວາມສອດຄ່ອງ ແລະ ເອກກະພາບກັນໃນຂອບເຂດທົ່ວປະເທດ,ທັງເປັນການຝືກສອນດ້ານກິລາບານເຕະໃຫ້ມີມາດຕະຖານ ຮັບປະກັນທາງດ້ານປະລິມານ ແລະ ຄຸນນະພາບ.ນອກນັ້ນ,ການຫຼີ້ນກິລາຍັງເປັນການສ້າງໃຫ້ນັກຮຽນໄດ້ມີສຸຂະພາບແຂງແຮງ ແລະ ມັກຮັກໃນກິລາບານເຕະ, ໃຫ້ມີຄວາມຮັກແພງ, ມີນ້ຳໃຈນັກກິລາ,ມ່ວນຊື່ນ ກັບການຫຼີ້ນກີລາ ແລະ ຫ່າງໄກຈາກສີ່ງເສບຕິດ,ອະບາຍຍະມຸກຕ່າງໆ,ກ້າວຂື້ນໃຫ້ເດັກນ້ອຍມີຄວາມມຸ້ງຫວັງແລະມີຄວາມບຸກບືນກາຍເປັນນັກກິລາອາຊີບທີ່ດີເດັ່ນໃນເວທີພາຍໃນກໍ່ຄືນາໆປະເທດຢ່າງມີປະສິດທິພາບໃນອະນາຄົດ.

ສູນພັດທະນານັກກິລາບານເຕະ ຈຳປີ - ຈຳປາ ຮັບສະຫມັກ ເຍົາວະຊົນ ທີ່ມັກໃນກິລາບານເຕະ ສົນໃຈ ຝຶກຊ້ອມທາງດ້ານເຕັກນິກ, ທັກສະຕ່າງໆ ເຊິ່ງມີຮຸ່ນອາຍຸ 8 ປິ, 10 ປີ, 12 ປີ, 14 ປິ.

ຝຶກຊ້ອມທຸກໆຕອນເຊົ້າ ວັນເສົາ ແລະ ອາທິດ

ເວລາ 07:30 – 09:00

  ພິເສດ: ເພື່ອເປັນການຊຸກຍູ້ແມ່ຍິງໃຫ້ມາຫລິ້ນກິລາ ສຳລັບຜູ້ຍິງແມ່ນຫຼຸດຄ່າຝຶກຊ້ອມ 50 %

ຕິດຕໍ່ລົງທະບຽນຫນ້າງານ: 020 52116190 (ຄຳຫລ້າ)

                                     020 97744940 (ສຸດທະນີ)

👉ຊ່ອງທາງຕິດຕາມຂໍ້ມູນຂ່າວສານ:

🌐 www.laoff.org.la

FB: ສະຫະພັນບານເຕະແຫ່ງຊາດລາວ Lao Football Federation

TikTok: Lff_official

IG: Lff_official

Youtube: LAOFF TV ສະຫະພັນບານເຕະແຫ່ງຊາດລາວ

#FIFATalentDevelopmentScheme

ສະຫະພັນບານເຕະແຫ່ງຊາດລາວ ຂໍຖືເປັນກຽດແຈ້ງມາຍັງບັນດາສະໂມສອນກິລາບານເຕະ, ສະຫະພັນບານເຕະແຂວງ ແລະ ສູນຝຶກບານເຕະເຍົາວະຊົນ ຊາບວ່າ: ສຕລ ຈະໄດ້ເປີດຮັບສະໝັກຜູ້ສົນໃຈເຂົ້າຮ່ວມຝຶກອົບຮົມຄູຝຶກບານເຕະລະດັບເຍົາວະຊົນ LFF/Elite Youth Coaching Diploma, ໂດຍວິທະຍາກອນຕ່າງປະເທດແມ່ນໄດ້ຖືກຮັບຮອງຈາກ ສະຫະພັນບານເຕະອາຊີ (AFC), ດັ່ງມີລາຍລະອຽດ ແລະ ເງື່ອນໄຂລຸ່ມນີ້:

+ ກຳນົດການ

- ການຝຶກອົບຮົມແມ່ນຈະຈັດຂື້ນ ໃນລະຫວ່າງ 2 ໄລຍະ, ໄລຍະທີ 1 ວັນທີ 30-31 ພຶດສະພາ - 1 ມີຖຸນາ 2024 ແລະ ໄລຍະທີ 2 ວັນທີ 12-14 ສິງຫາ 2024

- ປິດຮັບສະໝັກ ວັນທີ 24 ພຶດສະພາ 2024

+ ສະຖານທີ່

- ຫ້ອງການ ສະຫະພັນບານເຕະແຫ່ງຊາດລາວ (ບ.ຫ້ວຍຫົງ) ເມືອງຈັນທະບູລີ ນະຄອນຫຼວງວຽງຈັນ, ສປປ ລາວ

+ ເງື່ອນໄຂ:

- ຜູ້ເຂົ້າຮ່ວມອົບຮົມແມ່ນຕ້ອງມີໃບປະກາດ AFC B license ຂື້ນໄປ.

- ຕິດຕໍ່ເອົາແບບຟອມສະໝັກໄດ້ທີ່ ຫ້ອງການເຕັກນິກ ຂອງ ສະຫະພັນບານເຕະແຫ່ງຊາດລາວ.

- ການຢື່ນໃບສະໝັກຕ້ອງມີ: ຟອມສະໝັກຂອງ ສຕລ, ກ໋ອບປີ້ສີ ບັດປະຈໍາຕົວ, ປື້ມພັດສະປອດ ແລະ ຮູບສີ 2 ໃບ.

- ໃນເວລາມາຢື່ນໃບສະໝັກເຂົ້າຮ່ວມຝຶກອົບຮົມຕ້ອງຈ່າຍຄ່າສະໝັກພ້ອມ.

- ຜູ້ສະໝັກເຂົ້າຮ່ວມຕ້ອງຝຶກອົບຮົມຕ້ອງມີອາຍຸ 18ປີຂື້ນໄປ.

- ຕ້ອງຮູ້ຈັກວິທີການເຕະບານ ແລະ ຮັບປະກັນຄວາມພ້ອມຂອງຮ່າງກາຍຕະຫຼອດການຝຶກໃນໄລຍະການຮຽໜ

- ຕ້ອງປະຕິບັດຕາມກົດລະບຽບການຝຶກອົບຮົມທີ່ວາງອອກຢ່າງເຂັ້ມງວດ.

+ ຄວາມຮັບຜິດຊອບຂອງ ສຕລ:

- ສະຖານທີ່ການຝຶກອົບຮົມ (ຫ້ອງຮຽນ ແລະ ສະໜາມຝຶກແອບ).

- ອຸປະກອນຮັບໃຊ້, ເຄື່ອງນຸ່ງສໍາລັບການຝຶກອົບຮົມ 2 ຊຸດ.

- ອາຫານຫວ່າງ, ນໍ້າດື່ມ ແລະ ນໍ້າກ້ອນ ຮັບໃຊ້ການຝຶກອົບຮົມ.

+ ຄວາມຮັບຜິດຊອບຂອງຜູ້ເຂົ້າຮ່ວມຝຶກອົບຮົມ:

- ການເດີນທາງໄປ-ກັບ ສຳລັບຜູ້ເຂົ້າຮ່ວມການຝຶກອົບຮົມ.

- ທີ່ພັກ ແລະ ອາຫານ ນັກສຳມະນາກອນ ນະຄອນຫລວງ, ຕ່າງແຂວງ ແລະ ຕ່າງປະເທດ ແມ່ນ ຮັບຜິດຊອບຕົນເອງ.

- ຄ່າສະໝັກເຂົ້າຮ່ວມຝຶກອົບຮົມຈຳນວນ 750,000 ກີບ/ຄົນ (ສໍາລັບຄົນລາວ) ແລະ 200 ໂດລ້າ (ສໍາລັບຄົນຕ່າງປະເທດ).

- ເກີບສຳລັບເຕະບານ ແລະ ອຸປະກອນຮັບໃຊ້ສ່ວນຕົວ ເວລາເຂົ້າຮ່ວມການຝຶກອົບຮົມ.

ໝາຍເຫດ:

- ກະລຸນາສົ່ງລາຍຊື່ ແລະ ແບບຟອມສະໝັກເຂົ້າຮ່ວມການຝຶກອົບຮົມໃຫ້ ສະຫະພັນບານເຕະແຫ່ງຊາດລາວ ກ່ອນວັນປິດຮັບສະໝັກເພື່ອລົງທະບຽນ

- ຜູ້ທີ່ຜ່ານການຄັດເລືອກເທົ່ານັ້ນທີ່ຈະສາມາດເຂົ້າຮ່ວມການຝຶກອົບຮົມໄດ້, ໂດຍອີງໃສ່ເງື່ອນໄຂ ແລະ ຄຸນນະສົມບັດຂອງຜູ້ສະໝັກ.

- ຜູ້ສະໝັກທີ່ສົ່ງແບບຟອມເຂົ້າຮ່ວມຫຼັງຈາກວັນທີປິດຮັບແລ້ວແມ່ນຈະບໍ່ໄດ້ຮັບການພິຈາລະນາໃນການເຂົ້າຮ່ວມຝຶກອົບຮົມ.

ຕິດຕໍ່ສອບຖາມຂໍ້ມູນໄດ້ທີ່ ເບີໂທ:

ເບີ Whatapp: 020 98578918

ເບີໂທ: 020 51109530

ທ່ານ ນາງ ບຸນມີ ສົມພະສິດ (ຜູ້ປະສານງານ)

Email: [email protected]

[email protected]

#LaoFootballFederation

#CoachingCourse

#LFFTechnical

          ທີມຊາດລາວ ຜ່ານເຂົ້າຮອບຄັດເລືອກ ການແຂ່ງຂັນບານເຕະ ຊີງແຊ້ມອາຊີ 2027 AFC Asian Cup Saudi Arabia 2027™ Qualifiers Final Round ໂດຍບໍ່ໄດ້ແຂ່ງຂັນຮອບ Play off, ສຳລັບຮອບນີ້ແມ່ນຈະເອົາທີມທີ່ໄດ້ອັນດັບ 3 ແລະ ອັນດັບ 4 ຈາກການແຂ່ງຂັນບານໂລກ & ຊີງແຊ້ມອາຊີ ຮອບຄັດເລືອກ ຈາກ 9 ກຸ່ມ ລວມທັງຫມົດ 18 ທີມ ແລະ 6 ທີມຈາກຮອບຄັດເລືອກ Play off .

          ການຈັບສະຫລາກແບ່ງກຸ່ມຈະໄດ້ຈັດຂຶ້ນໃນຕົ້ນເດືອນທັນວາ 2024.

               ລະຫວ່າງວັນທີ 22-27 ເມສາ 2024 ສະຫະພັນບານເຕະແຫ່ງຊາດລາວ(ສຕລ)ໄດ້ສົ່ງບຸກຄະລາກອນໜຶ່ງທ່ານຄືທ່ານ ນາງຕິກຕ້າ ດວງພະຈັນ ເຂົ້າຮ່ວມຝຶກອົບຮົມວຽກງານການແພດດ້ານກິລາ(AFC PRESIDENT’S TRAVELLING FELLOWS FOR FOOTBALL MEDICINE PROGRAMME 2024) ຢູ່ນະຄອນຫຼວງບາງກອກ ປະເທດໄທ ໂດຍມີ ບຸກຄະລາກອນຈາກປະເທດຈໍແດນ,ອິນໂດເນເຊຍ, ສປປລາວ ແລະ ເຂດປົກຄອງພິເສດມາເກົາສປຈີນເຂົ້າຮວ່ມ.

             ທ່ານ ນາງ ຕິກຕ້າ ດວງພະຈັນໄດ້ກ່າວວ່າ: ‘’ ໃນຖານະນັກກາຍຍະພາບຂອງທີມຊາດບານເຕະລາວສະແດງຄວາມດີໃຈທີ່ການຈັດຕັ້ງສຕລໄດ້ເປີດໂອກາດໃຫ້ຕົນເອງເຂົ້າຮວ່ມຝຶກອົບຮົມໃນໂຄງການຂອງສະຫະພັນບານເຕະອາຊີ ໃນຄັ້ງນີ້,ເຊິ່ງຈະເປັນໂອກາດທີ່ດີໄດ້ຮຽນຮູ້ເພີ່ມເຕີມເພື່ອພັດທະນາທັກສະໃນດ້ານກາຍຍະພາບບຳບັດ,ການຝຶກ ແລະ ພັດທະນາຮ່າງກາຍ,ທັງຈະເປັນການພັດທະນາຕົນເອງໃນການປະຕິບັດຫນ້າທີ່ດ້ານວິຊາສະເພາະຊວ່ຍນັກກິລາທີ່ຖືກບາດເຈັບໃນເວລາແຂ່ງຂັນໃຫ້ທັນການມີຄຸນນະ ພາບສູງຂື້ນ.

ທ່ານ ນ. ຕິກຕ້າ ດວງພະຈັນກ່າວຕື່ມວ່າ: ການເຂົ້າຮ່ວມໂຄງການນີ້,ນອກຈາກເຮັດໃຫ້ຕົນເອງໄດ້ຮຽນຮູ້ປະສົບການດ້ານການປິ່ນປົວກາຍຍະພາບບຳບັດເຂົ້າຊ່ວຍນັກກິລາທີ່ບາດເຈັບແລ້ວ,ກໍຍັງໄດ້ຮຽນຮູ້ແລະແລກປ່ຽນບົດຮຽນດ້ານເທັກໂນໂລຊີດ້ານ ອື່ນໆຕື່ມອີກຈາກຜູ້ເຂົ້າຮວ່ມການຝຶກອົບຮົມ.

            ສຳລັບ ປະຫວັດຂອງ ທ່ານ ນ. ຕິກຕ້າ ດວງພະຈັນ ເຂົ້າສູ່ວົງການບານເຕະເປັນແພດ ການແຂ່ງຂັນບານເຕະ ລາວພຣີເມຍລີກ 2016, ໄດ້ເຂົ້າຮ່ວມເຄື່ອນໄຫວທີມຊາດລາວ ໃນຫລາຍໆລາຍການ ແລະ ເຂົ້າເຮັດວຽກຢູ່ຫນ່ວຍງານແພດຂອງ ສະຫະພັນບານເຕະອາຊີ 2019.

⚽️ ການແຂ່ງຂັນກິລາບານເຕະເຍົາວະຊົນ LFF-YOUTH FOOTBALLCOMPETITIONS

➡️ ເງື່ອນໄຂການສະໝັກເຂົ້າຮ່ວມການແຂ່ງຂັນ

📌 ກຳນົດທີມເຂົ້າຮ່ວມການແຂ່ງຂັນ U12 ຈໍາ ນວນ 24 ທີມ ແລະ U14 ຈຳ ນວນ 16 ທີມ.

📌 ການແຂ່ງຂັນຈັດແບບ Play Off ເພື່ອຄັດເລືອກ 8 ທີມສຸດທ້າຍເຂົ້າຮ່ວມການແຂ່ງຂັນ.

➡️ U12 ປີ(ຊາຍ) ແມ່ນກໍານົດປີເກີດ 2012/2013.

➡️ U14 ປີ (ຊາຍ) ແມ່ນກຳນົດປີເກີດ 2010/2011.

➡️ U12 ປີ ແມ່ນແຂ່ງຂັນໃນ 🗓 ວັນທີ 18/5/2024 

🏟 ສະໜາມສູນຝຶກຫຍ້າທຽມຫ້ວຍຫົງ ສຕລ.

➡️ U14 ແມ່ນແຂ່ງຂັນໃນ 🗓 ວັນທີ 19/5/2024 

🏟 ສະ​ຫນາມສູນຝຶກຈໍາປີ- ຈໍາປາ ຫຼັກ16.

(ໝາຍເຫດ) ກໍານົດສົ່ງເອກະສານບໍ່ໃຫ້ກາຍ 🗓 ວັນທີ 8/5/2024 ປິດຮັບສະໝັກ 17:00pm

📱+856 2094178792 ທ່ານ ບຸນເຊິ່ນ ໝອນອາລັກ

📱 +856 2098232882 ທ່ານ ທິບພະຈັນ ສອນທະວີ

#LFFYOUTHFOOTBALLCOMPETITIONS

#LFFU12

#LFFU14

#LFFU15GIRLS

ສະຫະພັນບານເຕະແຫ່ງຊາດລາວ (ສຕລ) ໄດ້ສຳເລັດການຝຶກອົບຮົມຜູ້ປະສານງານການແຂ່ງຂັນບານເຕະ LFF Local General Coordinators’ Course ໃນວັນທີ 26 ເມສາ 2024 ທີ່ຜ່ານມາ ຢູ່ທີ່ຫ້ອງປະຊຸມຂອງສຕລ,ໂດຍການເປັນປະທານແລະກ່າເປີດພິທີຂອງ ທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສະຫະພັນບານເຕະແຫ່ງຊາດລາວ.

 ທ່ານ ຈັນທະວົງ ສິລິມະໂນທຳ ໄດ້ກ່າວວ່າ: ການຈັດຝຶກອົບຮົມວຽກງານການຈັດການແຂ່ງຂັນຂອງ ສຕລ ແມ່ນວຽກງານທີ່ສຳຄັນຫລາຍໃນແຕ່ລະປີ ສະຫະພັນບານເຕະແຫ່ງຊາດລາວ ໄດ້ຈັດການແຂ່ງຂັນຫລາຍລາຍການຕ້ອງໄດ້ຝຶກອົບຮົມຍົກລະດັບບຸກຄະລາກອນ , ຂໍຂອບໃຈ ສະຫະພັນບານເຕະອາຊີ ທີ່ເຫັນຄວາມສຳຄັນຂອງວຽກງານຈັດການແຂ່ງຂັນ ໄດ້ສົ່ງບຸກຄະລາກອນກໍຄື ທ່ານ ໂຕ ເຊັນນີ ( TOH SEN NEE ) ເປັນຜູ້ບັນລະຍາຍ, ທ່ານ ຍັງກ່າວຕື່ມອີກວ່າ: ຖ້າຫາກບຸກຄະລາກອນຄົນໃດທີ່ມີຜົນງານດີກໍມີໂອກາດເຂົ້າຮ່ວມຝຶກອົບຮົມລະດັບອາຊີໃນຕໍ່ຫນ້າ.

ສຳລັບຈຸດປະສົງໃນການຈັດຝຶກອົບຮົມໃນຄັ້ງນີ້ກໍເພື່ອຍົກລະດັບວຽກງານຈັດແຂ່ງຂັນຢູ່ ສປປລາວ, ອັບເດດກົດລະບຽບການແຂ່ງຂັນຂອງFIFA, AFC ທັງນີ້ກໍເພື່ອກະກຽມໃສ່ ການແຂ່ງຂັນລາຍການແຂ່ງຂັນຕ່າງໆຂອງ ສຕລ ຈັດຂຶ້ນປະຈຳປີ 2024 , ເພື່ອສົ່ງເສີມ ແລະ ຂະຫຍາຍວຽກງານຈັດການແຂ່ງຂັນບານເຕະພາຍໃນປະເທດ ເປົ້າໝາຍຍົກລະດັບການບໍລິຫານຈັດການແຂ່ງຂັນໂດຍເປັນການເປີດກ້ວາງໃຫ້ກັບບຸກຄະລາກອນຮຸ່ນສືບທອດໃນໜ້າວຽກດັ່ງກ່າວ.

    ການຈັດຝຶກອົບຮົມຄັ້ງນີ້ແມ່ນໄດ້ໃຊ້ເວລາ 3 ວັນ(24-26 ເມສາ 2024 ),ເຊິ່ງຜູ້ເຂົ້າຮ່ວແມ່ນໄດ້ຮຽນຮູ້ທາງດ້ານທິດສະດີ ແລະ ການປະຕິບັດຕົວຈິງຢູ່ສະຫນາມ,ລວມທັງວິທີການຈັດການແຂ່ງຂັນຕ່າງໆ ລະບຽບການແຂ່ງຂັນຂອງລາຍການແຂ່ງຂັນ ສະຫະພັນບານເຕະອາຊີ, ແຕ່ລະວຽກງານ ທຸກຂັ້ນຕອນ.

 ໃນທ້າຍພິທີຍັງມີພິທີມອບໃບຢັ້ງຢືນເຂົ້າຮ່ວມໃຫ້ກັບຜູ້ເຂົ້າຮ່ວມຝຶກອົບຮົມ ຜູ້ປະສານງານການແຂ່ງຂັນບານເຕະ LFF Local General Coordinators’ Cours

  ໃຫ້ກຽດເຂົ້າຮວ່ມໃນງານນີ້ຍັງມີທ່ານ ສົມສະນຸກ ລຽນສະຫວັນ ຮອງເລຂາທິການ ສະຫະພັນບານເຕະແຫ່ງຊາດລາວ, ທ່ານ ໂຕ ເຊັນນີ ( TOH SEN NEE ) ສັນຊາດມາເລເຊຍ ວິທະຍາກອນຈາກ ສະຫະພັນບານເຕະອາຊີ, ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ ພ້ອມດ້ວຍວິຊາການຈັດການແຂ່ງຂັນທີ່ກ່ຽວຂ້ອງ ແລະ ນັກສໍາມະນາກອນຈຳນວນ 35 ທ່ານ ເປັນຍິງ 9 ທ່ານ ທີ່ມາຈາກຫລາຍພາກສ່ວນເຂົ້າຮ່ວມ.

#LaoFootballFederation

#LFFLOCALGENERALCOORDINATORSCOURSE2024

#LFFCOMPETITION

                          ສະຫະພັນບານເຕະແຫ່ງຊາດລາວ (ສຕລ) ໄດ້ຈັດພິທີເປີດການຝຶກອົບຮົມຜູ້ປະສານງານການແຂ່ງຂັນບານເຕະ LFF Local General Coordinators’ Course ຂື້ນໃນຕອນເຊົ້າ ວັນທີ 24 ເມສາ 2024 ຢູ່ທີ່ຫ້ອງປະຊຸມຂອງສຕລ,ໂດຍການເປັນປະທານແລະກ່າວເປີດພິທີຂອງ ທ່ານ ນາງ ກັນຍາ ແກ້ວມະນີ ຮອງປະທານ ສະຫະພັນບານເຕະແຫ່ງຊາດລາວ.

 ທ່ານ ນາງ ກັນຍາ ແກ້ວມະນີໄດ້ກ່າວວ່າ: ການຈັດຝຶກອົບຮົມວຽກງານການຈັດການແຂ່ງຂັນຂອງ ສຕລ ແມ່ນວຽກງານທີ່ສຳຄັນ,ຂໍໃຫ້ຜູ້ເຂົ້າຮ່ວມຈົ່ງຕັ້ງຫນ້າເກັບກຳບົດຮຽນໃຫ້ໄດ້ຫລາຍທີ່ສຸດ ເພື່ອເປັນບຸກຄະລາກອນຈັດການແຂ່ງຂັນບານເຕະ ສຕລ ແລະ ກ້າວໄປສູ່ບຸກຄະລາກອນຈັດການແຂ່ງຂັນລະດັບນາໆຊາດ.

ສຳລັບຈຸດປະສົງໃນການຈັດຝຶກອົບຮົມໃນຄັ້ງນີ້ກໍເພື່ອຍົກລະດັບວຽກງານຈັດແຂ່ງຂັນຢູ່ ສປປລາວ, ອັບເດດກົດລະບຽບການແຂ່ງຂັນຂອງFIFA, AFC ທັງນີ້ກໍເພື່ອກະກຽມໃສ່ ການແຂ່ງຂັນລາຍການແຂ່ງຂັນຕ່າງໆຂອງ ສຕລ ຈັດຂຶ້ນປະຈຳປີ 2024 , ເພື່ອສົ່ງເສີມ ແລະ ຂະຫຍາຍວຽກງານຈັດການແຂ່ງຂັນບານເຕະພາຍໃນປະເທດ ເປົ້າໝາຍຍົກລະດັບການບໍລິຫານຈັດການແຂ່ງຂັນໂດຍເປັນການເປີດກ້ວາງໃຫ້ກັບບຸກຄະລາກອນຮຸ່ນສືບທອດໃນໜ້າວຽກດັ່ງກ່າວ.

  ການຈັດຝຶກອົບຮົມຄັ້ງນີ້ແມ່ນໃຊ້ເວລາ 3 ວັນ(24-26 ເມສາ 2024 ),ເຊິ່ງຜູ້ເຂົ້າຮ່ວມຈະໄດ້ຮຽນຮູ້ທາງດ້ານທິດສະດີ ແລະ ການປະຕິບັດຕົວຈິງຢູ່ສະຫນາມ,ລວມທັງວິທີການຈັດການແຂ່ງຂັນຕ່າງໆ ລະບຽບການແຂ່ງຂັນຂອງລາຍການແຂ່ງຂັນ ສະຫະພັນບານເຕະອາຊີ, ແຕ່ລະວຽກງານ ທຸກຂັ້ນຕອນ ນັບຕັ້ງແຕ່ການຈັດກອງປະຊຸມເຕັກນິກ, ການຄວບຄຸມການແຂ່ງຂັນ, ວຽກງານປ້ອງກັນຄວາມສະຫງົບ, ວຽກງານການແພດ, ວຽກງານສື່ມວນຊົນ, ວຽກງານການຕະຫຼາດ, ວຽກງານພິທີການ, ການລາຍງານຫຼັງຈົບເກມການແຂ່ງຂັນ ແລະ ວຽກງານປິ່ນອ້ອມອື່ນໆໃນການຈັດການແຂ່ງຂັນ.

ໃຫ້ກຽດເຂົ້າຮວ່ມໃນງານນີ້ຍັງມີທ່ານ ຈັນທະວົງ ສິລິມະໂນທຳ ຮັກສາການເລຂາທິການ ສະຫະພັນບານເຕະແຫ່ງຊາດລາວ, ທ່ານ ໂຕ ເຊັນນີ ( TOH SEN NEE ) ສັນຊາດມາເລເຊຍ ວິທະຍາກອນຈາກ ສະຫະພັນບານເຕະອາຊີ, ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ ພ້ອມດ້ວຍວິຊາການຈັດການແຂ່ງຂັນທີ່ກ່ຽວຂ້ອງ ແລະ ນັກສໍາມະນາກອນຈຳນວນ 35 ທ່ານ ເປັນຍິງ 9ທ່ານ ທີ່ມາຈາກຫລາຍພາກສ່ວນເຂົ້າຮ່ວມ.

ຄໍລຳທີ2ຂອງສະກຸບພິເສດອາທິດນີ້ ຜູ້ຂຽນຂໍນຳສະເຫນີ ‘’ ວີໄລພອນ ສີນວນຄຳ ຫລື ວີ ກອງໜ້າດາວຍິງປະຕູດີເດັ່ນຂອງ‘’ສະໂມສອນ ຟຸດຊໍ ຈັນສີ.

             ວິໄລພອນ ສີນວນຄຳ ເກີດເມື່ອວັນທີ 12 ຕຸລາ 2002 ຢູ່ທີ່ບ້ານຊ້າງ ເມືອງຄູນ ແຂວງຊຽງຂວາງ, ລວງສູງ 167 ຊັງຕີແມັດ, ນ້ຳໜັກ 60 ກິໂລກຣາມ, ເລີ້ມຫລິ້ນກິລາບານເຕະຕັ້ງແຕ່ອາຍຸ 13 ປີ, ຜົນງານດ້ານກິລາບານເຕະແມ່ນເຄີຍຫລິ້ນໃຫ້ກັບ ສະໂມສອນຊ້າງແກ້ວ ( ລາວລີກ 2 ແຂວງຊຽງຂວາງ ) ໃນປີ2022 ແລະ ກໍຕິດທີມແຂວງ ຊຽງຂວາງໃນປີ 2022 ແລະ ຈົບດ້ວຍການເປັນຮອງແຊັມ ( ໃນລາຍການ ຊິງຂັນ ກິລາບານເຕະແຫ່ງຊາດປະຈຳປີ 2022) ແລະ ໃນປີ2023 ໄດ້ມາຫຼິ້ນໃຫ້ກັບສະໂມສອນ ຈັນສີ ເອັຟຊີ (ລາຍການ ນະຄອນຫຼວງລີກ2) ໂດຍໄດ້ຮັບລາງວັນ ນັກກິລາດີເດັ່ນ 2 ນັດ.

             ເມື່ອຖືກຖາມເຖິງຄວາມທ້າທາຍໃໝ່ໃນການຫລິ້ນກິລາຟຸດຊໍ ວິໄລພອນ ໄດ້ກ່າວວ່າ:ການມາຫຼິ້ນກິລາຟຸດຊໍຄັ້ງນີ້ນ້ອງເອງຄິດວ່າມັນເປັນສິ່ງທ້າທາຍ ແລະ ເປັນຄັ້ງທຳອິດຂ້ອງນ້ອງທີ່ໄດ້ມາຮ່ວມລາຍການນີ້ ຮູ້ສຶກຕື່ນເຕັ້ນຫຼາຍ ແຕ່ເຮັດໃຫ້ນ້ອງໄດ້ຮຽນຮູ້ໃນການຫຼີ້ນແບບລວມໝູ່ຫຼືເປັນທີມເວີກຫຼາຍຂຶ້ນ,ການເອົາຕົວລອດໃນພື້ນທີ່ແຄບ, ການຈົບສະກໍ,ຕ້ອງຄິດໄວເຮັດໄວ ແລະ ພາລະກຳລັງຕ້ອງດີ.ກ່ອນທີ່ຈະມາຫຼິ້ນກິລາບານເຕະ ຫຼື ຟຸດຊໍ ນ້ອງໄດ້ມີຄວາມຮັກ ແລະ ມັກໃນກິລາບານເຕະມາແຕ່ນ້ອຍແລ້ວ ໂດຍມີຄອບຄົວສະໜັບສະໜູນ ແຕ່ບໍ່ໄດ້ເຂົ້າຝຶຶກຊ້ອມຢູ່ສະໂມສອນຫຼືອາຄາເດມີໃດໆ ເພາະວ່າຢູ່ ພາຍໃນແຂວງຕອນນັ້ນຍັງບໍ່ທັນມີອາຄາເດມີເທື່ອ,

           ວິໄລພອນ ສີນວນຄຳ ຍັງກ່າວຕື່ມວ່າ: ຄວາມໄຝ່ຝັນ ຂອງນ້ອງແມ່ນຢາກເປັນນັກກິລາອາຊີບ, ນ້ອງເອງຄິດວ່າ ການທີ່ໄດ້ມາຫຼີ້ນກິລາຟຸດຊໍ ໃນຄັ້ງນີ້ ເປັນ1ໃນການຮຽນຮູ້ແລະໄດ້ໃຊ້ທັກສະຂອງຕົນເອງຫຼາຍຂຶ້ນ, ຜົນງານສ່ວນໂຕແມ່ນ ລົງທັງໝົດ 6 ນັດ ຍິງ 12 ປະຕູ.

           ສຸດທ້າຍນີ້ນ້ອງຂໍ ເຊີນຊວນແຟນບານ ແລະ ກອງເຊຍ ທີ່ມາໃຫ້ກຳລັງໃຈທີມຂອງພວກເຮົາ ແລະກໍຂໍຂອບໃຈ ກອງເຊຍຂອງສະໂມສອນ ຈັນສີເອັບຊີ ທີ່ໃຫ້ກຳລັງໃຈທີມຂອງພວກເຮົາ.

           ສຳລັບການແຂ່ງຂັນ ລາວ ຟຸດຊໍ ລີກ 2024 ແມ່ນໄດ້ດຳເນີນການແຂ່ງຂັນມາໄດ້ 6 ອາທິດແລ້ວ ເຊິ່ງມີ 12 ທີມເຂົ້າຮ່ວມການແຂ່ງຂັນ ປະກອບມີ: ເບ ສະຫວັນ ( ແຊ້ມເກົ່າ ), ລະຊະຕະ , ມາສະດາ ຈີບີ, ເຫນືອ - ໃຕ້, ຊີທີເອ ພາວເວີ້ , ນະຄອນຫຼວງ, ວີເຊີນ, ອາສາ ພາວເວີ້, ເຄເອັມທີ, ເອັສທີທີ, ຈັນສີ ແລະ ຊີໄອທີ. ໂດຍໄດ້ເລີ່ມແຂ່ງຂັນມາແຕ່ ວັນທີ 02 ມີນາ 2024 ຫາ 02 ມິຖຸນາ 2024.

        ຮູບແບບການແຂ່ງຂັນຄັ້ງນີ້ແມ່ນແຂ່ງຂັນແບບລີກພົບກັນຫມົດ 1 ຮອບ ສະສົມຄະແນນ,ແລ້ວຄັດເລືອກເອົາສະໂມສອນ ອັນດັບ 1 ແລະ 2 ເຂົ້າຮອບ 4 ທີມໂດຍອັດຕະໂນມັດ. ສ່ວນອັນດັບ 3-6 ແມ່ນປະຄົບຄູ່ແຂ່ງຂັນຮອບຕົກແລ້ວຄັດອອກ( Play-off) ນັດດຽວ.ສວ່ນສະໂມສອນ ທີ່ຊະນະຈະໄດ້ຜ່ານເຂົ້າສູ່ຮອບ 4 ທີມ ໂດຍຈະພົບກັບທີມອັນດັບ 1 ແລະ ອັນດັບ 2 ທີ່ເປັນທີມຢືນ, ຮອບ 4 ທີມ ແລະ ຮອບຊີງຊະນະເລີດ ຕາມລຳດັບ, ສ່ວນເງິນລາງວັນຊະນະເລີດ ແມ່ນຈະໄດ້ຮັບເງິນ 50 ລ້ານກີບ, ຮອງຊະນະເລີດ ອັນດັບ 1 ໄດ້ຮັບເງິນ 25 ລ້ານກີບ ແລະ ຮອງຊະນະເລີດອັນດັບ 2 ໄດ້ຮັບເງິນ 10 ລ້ານກີບ ຂະນະທີ່ລາງວັນປະເພດບຸກຄົນ ມີລາງວັນຜູ້ຮັກສາປະຕູດີເດັ່ນ, ລາງວັນນັກກິລາດີເດັ່ນ, ລາງວັນຄູຝຶກດີເດັ່ນ ແລະ ລາງວັນຜູ້ຍິງປະຕູສູງສຸດ.

ພາບ: ຈອນ​ນີ້

ກ​ຣາ​ຟ​ຟິກ: ບິນ

ຂຽນ: ຫມີ ອາ​ເຊ​ເນ​ລ

#LAOFOOTBALLFEDERATION

#LAOFUTSALLEAGUE2024

#LAOFORDCITY

#LAOTELECOM

#CAVALAOS

                  ສະຫະພັນບານເຕະແຫ່ງຊາດລາວ ຂໍແຈ້ງມາຍັງບັນດາທ່ານທີ່ມີຄວາມສົນໃຈກ່ຽວກັບວຽກງານຈັດການແຂ່ງຂັນກິລາບານເຕະ ສະໝັກເຂົ້າຮ່ວມການຝຶກອົບຮົມຜູ້ປະສານງານການແຂ່ງຂັນ LFF LOCAL GENERAL COORDINATOR COURSE 2024 ລະຫວ່າງ ວັນທີ 24-26 ເມສາ 2024 ໂດຍມີຊ່ຽວຊານ ທີ່ມີຄວາມຮູ້ ແລະ ປະສົບການ ຈາກສະຫະພັນບານເຕະອາຊີ (AFC) ເປັນວິທະຍາກອນ. ລາຍລະອຽດການຝຶກອົບຮົມໃນຄັ້ງນີ້ ມີຄືດັ່ງລຸ່ມນີ້:

1. ວັນເວລາ ແລະ ສະຖານທີ່

- ວັນທີ: 24-26 ເມສາ 2024

- ເວລາ: 9:00 – 16:00 ໂມງ

- ສະຖານທີ່: ຫ້ອງປະຊຸມ ຊັ້ນ 3, ສະຫະພັນບານເຕະແຫ່ງຊາດລາວ

2. ເງື່ອນໄຂຜູ້ເຂົ້າຮ່ວມ

- ຜູ້ເຂົ້າຮ່ວມຕ້ອງມີອາຍຸ 22 ປີຂື້ນໄປ ທີ່ມີຄວາມສົນໃຈໃນວຽກງານບານເຕະທົ່ວໄປ.

- ຜູ້ທີ່ເຄີຍຜ່ານການຝຶກອົບຮົມ ຜູ້ຄວບຄຸມການແຂ່ງຂັນ (Match Commissioner) ແລະ ຜູ້ຊ່ວຍຜູ້ຄວບຄຸມການແຂ່ງຂັນ (General Coordinator) ຂອງ ສຕລ ໃນໄລຍະຜ່ານມາ.

3. ນະໂຍບາຍຕໍ່ຜູ້ເຂົ້າຮ່ວມຝຶກອົບຮົມ

- ເຂົ້າຮ່ວມຝຶກອົບຮົມ ໂດຍບໍ່ເສຍຄ່າ.

- ອຸປະກອນເຄື່ອງຂຽນ.

- ອາຫານວ່າງ ແລະ ນໍ້າດື່ມທີ່ໃຊ້ໃນການຝຶກອົບຮົມ.

- ອາຫານທ່ຽງສຳຫຼັບຜູ້ເຂົ້າຮ່ວມຝຶກອົບຮົມ.

4. ຂັ້ນຕອນການສະໝັກຝຶກອົບຮົມ

                ຜູ້ທີ່ສົນໃຈ ສາມາດສົ່ງຟອມສະໝັກ, ໃບຊີວະປະຫວັດ (CV) ແລະ ຮູບພາບຕິດບັດ ໃຫ້ກັບຄະນະຮັບຜິດຊອບ ຜ່ານອີເມວ [email protected] ນັບຕັ້ງແຕ່ມື້ນີ້ ຈົນເຖິງ ວັນທີ 22 ເມສາ 2024.

ລິ້ງດາວໂຫລດແບບຟອມ: https://drive.google.com/drive/folders/1NQr3QKqnsmumgqCwHaGImn4TsfphrfKo?usp=sharing.

                ສອບຖາມຂໍ້ມູນເພີ່ມເຕີມ

ທ. ສູກພະໄຊ ສູລະສິນ 020 55591916; W.A +856 20 56425845

ນ. ທິດາພອນ ອູໄທຍະວົງ 020 76662200; W.A +856 20 76662200