ສະຫະພັນບານເຕະແຫ່ງຊາດລາວ (ສຕລ) ໄດ້ຮັບຄວາມໄວ້ວາງໃຈຈາກ ສະຫະພັນບານເຕະອາຊີ (AFC) ໃຫ້ເປັນເຈົ້າພາບຈັດການແຂ່ງຂັນນັດສຳຄັນຂອງ ການແຂ່ງຂັນບານເຕະຍິງ ຊີງແຊ້ມສະໂມສອນອາຊີ ລະດູການ 2025/26 ຮອບຕັດເຊືອກ (AFC Women’s Champions League 2025/26 - Quarter Finals) ເຊິ່ງເປັນເກມພົບກັນລະຫວ່າງ ສະໂມສອນບານເຕະຍິງ Naegohyang Women's FC (ສປປ ເກົາຫລີ) ພົບກັບ Ho Chi Minh City Women's FC (ສສ ຫວຽດນາມ), ນັດຊີ້ສະຕານີ້ ຈະໄດ້ຈັດຂຶ້ນໃນ ວັນອາທິດ ທີ 28 ມີນາ ເວລາ 15:00 ໂມງ ທີ່ ສະໜາມກິລາ ຫຼັກ 16.

      ສຳລັບແຟນບານຍິງທີ່ມີຄວາມຈຳດີ ກໍ່ອາດຈະຈື່ໄດ້ວ່າໃນປີ 2025 ຜ່ານມາ, ສຕລ ກໍ່ໄດ້ເປັນເຈົ້າພາບຮອບແບ່ງກຸ່ມຂອງການແຂ່ງຂັນດັ່ງກ່າວ ເຊິ່ງແມ່ນ ກຸ່ມ D ປະກອບໄປດ້ວຍ: ທິມ Kaosiung Attackers FC (ໄຕ້ຫວັນ), Naegohyang Women's FC (ສປປ ເກົາຫລີ) ແລະ RTC FC (ພູຖານ) ພ້ອມດ້ວຍຕົວແທນຈາກ ສປປ ລາວ ແມ່ນ ສະໂມສອນບານເຕະຍິງ ມາສເຕີ (Master FC).