ການແຂ່ງຂັນ “FIFA Day” ຫຼື “International Match Calendar” ແມ່ນການແຂ່ງຂັນອຸ່ນເຄື່ອງລະຫວ່າງທີມຊາດ ຍິງ-ຊາຍ ໂດຍການແຂ່ງຂັນດັ່ງກ່າວຈະຕ້ອງຈັດຂຶ້ນຕາມກຳນົດໄລຍະເວລາ ທີ່ທາງ FIFA ວາງໄວ້ໃນແຕ່ລະປີ. ຈຸດປະສົງເພື່ອເກັບສະສົມຄະແນນໄວ້ຈັດອັນດັບໂລກ ແລະ ຖືເປັນໂອກາດໃນການທົດສອບທີມ ພາຍຫຼັງທີ່ທີມຊາດນັ້ນໆ ໄດ້ມີການເກັບໂຕຝຶກຊ້ອມໄດ້ໄລຍະໃດໜຶ່ງ.

ເຊິ່ງໃນຄັ້ງນີ້, ທີມຊາດຍິງລາວ ໄດ້ຮັບການເຊື່ອເຊີນຈາກ ທີມຊາດຍິງ ຊາອຸດິ ອາຣາເບຍ ໂດຍການແຂ່ງຂັນ ຈະມີຢູ່ສອງນັດຄື: ໃນວັນທີ 10 ແລະ 13 ມິຖຸນາ 2026, ເວລາ 19:00 ໂມງ ທີ່ ສະໜາມກິລາ Windmill Football Club, Racha Thewa ທັງສອງເກມ.

ໂດຍໃນຕອນເຊົ້າຂອງ ວັນທີ 8 ມີຖຸນາ 2026, ທາງຄະນະຄູຝຶກ ແລະ ນັກກິລາທີມຊາດຍິງລາວ ຊຸດໃຫຍ່ ກໍ່ໄດ້ອອກເດີນທາງໄປປະເທດໄທ ເຊິ່ງມີລາຍຊື່ດັ່ງຕໍ່ໄປນີ້:

- ຄະນະຄູຝຶກ:

1) ທ່ານ ນາງ ພອນທິບ ແສງມະນີ (ຫົວໜ້າຄູຝຶກ)

2) ທ່ານ ພຸດທະສັກ ສິລິກຸນ (ຜູ້ຊ່ວຍຄູຝຶກ)

3) ທ່ານ ຈັນທະຄາດ ສ່ຽນຟອງໃສ (ຄູຝຶກຜູ້ຮັກສາປະຕູ)

4) ທ່ານ ສອນເພັດ ສີແສງເມກ (ຜູ້ຊ່ວຍຄູຝຶກ)

5) ທ່ານ ປາດຖະໜາ ຂັນຕິຍະວົງ (ຜູ້ຈັດການທີມ)

6) ທ່ານ ນາງ ເຄືອວັນ ເມັງວິໄລ (ແພດກາຍະບໍາບັດ)

7) ທ່ານ ສອນໄຊ ລາດສະອາດ (ສື່ມວນຊົນ)

8) ທ່ານ ເກສັນ ເພີບບຸດດາ (ພະນັກງານຊວ່ຍວຽກ)

- ລາຍຊື່ນັກກິລາ 23 ຄົນ ມີດັ່ງລຸ່ມນີ້:

+ ຜູ້ຮັກສາປະຕູ:

1) ນາງ ພັດທະລະວະດີ ສໍໂພທີຣາຊ ຈາກ ສະໂມສອນ ມັດສະດ້າ ຈີບີ

2) ນາງ ຕຸ່ນ ອິນທະວົງ ຈາກ ສະໂມສອນ ເມດີຄໍ ເອັຟຊີ

3) ນາງ ຕາມົນ ສຸກທິວົງ ຈາກ ສະໂມສອນ ເມດີຄໍ ເອັຟຊີ

+ ກອງຫຼັງ:

1) ນາງ ແຈັກ ວົງຕາແສງ ຈາກ ສະໂມສອນ ເມດີຄໍ ເອັຟຊີ

2) ນາງ ແສງເດືອນ ພົງໄພລັດ ຈາກ ສະໂມສອນ ເມດີຄໍ ເອັຟຊີ

3) ນາງ ນິຊາ ສຸມາລູ ຈາກ ສະໂມສອນ ມັດສະດ້າ ຈີບີ

4) ນາງ ຄໍາຫຼ້າ ແກ້ວມະນີ ຈາກ ສະໂມສອນ ກອງທັບ

5) ນາງ ວິລີນທອນ ວົງແສງທອງ ຈາກ ສະໂມສອນ ກອງທັບ

6) ນາງ ທິບປະກອນ ສີວົງລາດ ຈາກ ສະໂມສອນ ມັດສະດ້າ ຈີບີ

7) ນາງ ສາຍສະໝອນ ອິນທະພອນ ຈາກ ສະໂມສອນ ເມດີຄໍ ເອັຟຊີ

+ ກອງກາງ

1) ນາງ ປຸ້ຍ ໄຊຍະຊວງ ຈາກ ສະໂມສອນ ເມດີຄໍ ເອັຟຊີ

2) ນາງ ຫຼ້ານ້ອຍ ວົງສິງຄຳ ຈາກ ສະໂມສອນ ກອງທັບ

3) ນາງ ດາລາວອນ ສໍພາບມີໄຊ ຈາກ ສະໂມສອນ ກອງທັບ

4) ນາງ ອະນຸຕາ ຈັນທິທອງ ຈາກ ສະໂມສອນ ເມດີຄໍ ເອັຟຊີ

5) ນາງ ພານິກອນ ວັນນະລາດ ຈາກ ສະໂມສອນ ບໍລິຄໍາໄຊ

6) ນາງ ລັດດາ ວໍລະຈິດ ຈາກ ສະໂມສອນ ມັດສະດ້າ ຈີບີ

7) ນາງ ແມັກຈັນທາ ພິມມະສອນ ຈາກ ສະໂມສອນ ມາສເຕີ

😎 ນາງ ຈີນດາ ສີຫາລາດ ຈາກ ສະໂມສອນ ມັດສະດ້າ ຈີບີ

9) ນາງ ຄອນສະຫວັນ ຈຸມມະນີວົງ ຈາກ ສະໂມສອນ ກອງທັບ

10) ນາງ ໃຈຄຳ ໄຊຍະປະເສີດ ຈາກ ສະໂມສອນ ມັດສະດ້າ ຈີບີ

+ ກອງໜ້າ

1) ນາງ ເກມມີ ພັດດາລາ ຈາກ ສະໂມສອນ ເມດີຄໍ ເອັຟຊີ

2) ນາງ ແຫລ້ ອີນທະວົງ ຈາກ ສະໂມສອນ ກອງທັບ

3) ນາງ ອັນນ່າ ແກ້ວອ່ອນສີ ຈາກ ສະໂມສອນ ມັດສະດ້າ ຈີບີ

ທີມຊາດລາວຊຸດໃຫຍ່(ຍິງ) ພາຍໃຕ້ການຄຸມທີມຂອງ ທ່ານ ນາງ ພອນທິບ ແສງມະນີ ໄດ້ປະກາດລາຍຊື່ນັກກິລາ 23 ຄົນ ເຂົ້າຮ່ວມ ການແຂ່ງຂັນລາຍການ "FIFA DAY" ລະຫວ່າງ ວັນທີ 10-13 ມີຖຸນາ 2026 ທີ່ ບາງກອກ, ປະເທດໄທ, ນັກກິລາ 23 ຄົນ ມີລາຍຊື່ດັ່ງລຸ່ມນີ້:

+ ຜູ້ຮັກສາປະຕູ

- ພັດທະລະວະດີ ສໍໂພທີຣາຊ ຈາກ ສະໂມສອນ ມັດສະດ້າ ຈີບີ

- ຕຸ່ນ ອິນທະວົງ ຈາກ ສະໂມສອນ ເມດີຄໍ ເອັຟຊີ

- ຕາມົນ ສຸກທິວົງ ຈາກ ສະໂມສອນ ເມດີຄໍ ເອັຟຊີ

+ ກອງຫຼັງ

- ແຈັກ ວົງຕາແສງ ຈາກ ສະໂມສອນ ເມດີຄໍ ເອັຟຊີ

- ແສງເດືອນ ພົງໄພລັດ ຈາກ ສະໂມສອນ ເມດີຄໍ ເອັຟຊີ

- ນິຊາ ສຸມາລູ ຈາກ ສະໂມສອນ ມັດສະດ້າ ຈີບີ

- ຄຳຫຼ້າ ແກ້ວມະນີ ຈາກ ສະໂມສອນ ກອງທັບ

- ວິລີນທອນ ວົງແສງທອງ ຈາກ ສະໂມສອນ ກອງທັບ

- ທິບປະກອນ ສີວົງລາດ ຈາກ ສະໂມສອນ ມັດສະດ້າ ຈີບີ

- ສາຍສະໝອນ ອິນທະພອນ ຈາກ ສະໂມສອນ ເມດີຄໍ ເອັຟຊີ

+ ກອງກາງ

- ປຸ້ຍ ໄຊຍະຊວງ ຈາກ ສະໂມສອນ ເມດີຄໍ ເອັຟຊີ

- ຫຼ້ານ້ອຍ ວົງສິງຄຳ ຈາກ ສະໂມສອນ ກອງທັບ

- ດາລາວອນ ສໍພາບມີໄຊ ຈາກ ສະໂມສອນ ກອງທັບ

- ອະນຸຕາ ຈັນທິທອງ ຈາກ ສະໂມສອນ ເມດີຄໍ ເອັຟຊີ

- ພານິກອນ ວັນນະລາດ ຈາກ ສະໂມສອນ ບໍລິຄໍາໄຊ

- ລັດດາ ວໍລະຈິດ ຈາກ ສະໂມສອນ ມັດສະດ້າ ຈີບີ

- ແມັກຈັນທາ ພິມມະສອນ ຈາກ ສະໂມສອນ ມາສເຕີ

- ຈີນດາ ສີຫາລາດ ຈາກ ສະໂມສອນ ມັດສະດ້າ ຈີບີ

- ຄອນສະຫວັນ ຈຸມມະນີວົງ ຈາກ ສະໂມສອນ ກອງທັບ

- ໃຈຄຳ ໄຊຍະປະເສີດ ຈາກ ສະໂມສອນ ມັດສະດ້າ ຈີບີ

+ ກອງໜ້າ

- ເກມມີ ພັດດາລາ ຈາກ ສະໂມສອນ ເມດີຄໍ ເອັຟຊີ

- ແຫລ້ ອີນທະວົງ ຈາກ ສະໂມສອນ ກອງທັບ

- ອັນນ່າ ແກ້ວອ່ອນສີ ຈາກ ສະໂມສອນ ມັດສະດ້າ ຈີບີ

ຕາຕະລາງ ການແຂ່ງຂັນ ທີມຊາດລາວ ມີດັ້ງນີ້:

- ວັນທີ 10 ມີຖຸນາ 2026 ທີມຊາດຊາອຸດິ ອາຣັບເບຍ ພົບ ທີມຊາດລາວ ເວລາ 19:00

- ວັນທີ 13 ມີຖຸນາ 2026 ທີມຊາດຊາອຸດິ ອາຣັບເບຍ ພົບ ທີມຊາດລາວ ເວລາ 19:00

ແຂ່ງຂັນທີ່ສະໜາມກິລາ Windmill Football Club, Racha Thewa, Thailand

ລາຍຊື່ນັກກິລາຄັດເລືອກ ທີມຊາດລາວ ຊຸດໃຫຍ່

ທີມຊາດລາວ ຊຸດໃຫຍ່ ພາຍໃຕ້ການຄຸມທີມ ທ່ານ ວຣາກິຊາ ກຣູຈິກ (Vladica Grujic) ສັນຊາດ ສ. ເຊີເບຍ ໄດ້ເລີ່ມຝຶກຊ້ອມນັບຕັ້ງແຕ່ ວັນທີ 25 ພຶດສະພາ 2026 ເປັນຕົ້ນມາ ເພື່ອກະກຽມກຽມພ້ອມຂອງທີມເຂົ້າຮ່ວມ ການແຂ່ງຂັນບານເຕະ ຊີງແຊ້ມອາຊຽນ ປະຈຳປີ 2026 AFF Hyundai Cup 2026 ໂດຍໄດ້ເອີ້ນນັກກິລາມາທັງຫມົດ 31 ຄົນ ແລະ ຈະຕັດໃຫ້ເຫລືອ 26 ຄົນ ເພື່ອເຂົ້າຮ່ວມການແຂ່ງຂັນລາຍການດັ່ງກ່າວນີ້.

 ສຳລັບລາຍຊື່ນັກກິລາທັງ31ຄົນທີ່ເຂົ້າແຄ້ມຝຶກຊ້ອມມີດັ່ງນີ້:

+ ຜູ້ຮັກສາປະຕູ

- ແກ້ວອຸດອນ ສຸວັນນະສັງໂສ ຈາກ ສະໂມສອນ ກອງທັບ

- ກົບ ໂລກພະທິບ ຈາກ ສະໂມສອນ ເອສະຣາ

- ອານຸລັກ ວິລະຜົນ ຈາກ ສະໂມສອນ ມັດສະດ້າ ຈີບີ

- ສຸລິສັກ ສຸວັນຄໍາ ຈາກ ສະໂມສອນ ຫຼວງພະບາງ ຟຟລ

+ ກອງຫລັງ

- ພຸດທະວົງ ສັງວິໄລ ຈາກ ສະໂມສອນ ເອສະຣາ

- ໄຊຍະສິດ ສິງສະຫວ່າງ ຈາກ ສະໂມສອນ ນໍ້າທາ ຢູໄນເຕັດ

- ວຽງໄຊ ສິດດາວົງ ຈາກ ສະໂມສອນ ສາລະວັນ ຢູໄນເຕັດ

- ເພັດດາວັນ ສົມສະນິດ ຈາກ ສະໂມສອນ ເອສະຣາ

- ວົງສັກດາ ຈັນທະລືໄຊ ຈາກ ສະໂມສອນ ມັດສະດ້າ ຈີບີ

- ສອນວິໄລ ເພັດວຽງສີ ຈາກ ສະໂມສອນ ມັດສະດ້າ ຈີບີ

- ໂອຄໍາ ລາດຊະຈັກ ຈາກ ສະໂມສອນ ກອງທັບ

- ບຸນແພງ ໄຊສົມບັດ ຈາກ ສະໂມສອນ ຫຼວງພະບາງ ຟຟລ

- ກ້າຫານ ເພັດສີວິໄລ ຈາກ ສະໂມສອນ ຫຼວງພະບາງ ຟຟລ

- ພົນສັກ ສີສະຫວາດ ຈາກ ສະໂມສອນ ຊ້າງນ້ອຍ

+ ກອງກາງ

- ອານຸສອນ ໄຊປັນຍາ ຈາກ ສະໂມສອນ ຊ້າງນ້ອຍ

- ພະຫັດໄຊ ແກ້ວມະນີ ຈາກ ສະໂມສອນ ຊ້າງນ້ອຍ

- ສົມລິດ ແສງວັນນີ ຈາກ ສະໂມສອນ ກອງທັບ

- ສົມຫວັງ ຈຸມມະລີ ຈາກ ສະໂມສອນ ມັດສະດ້າ ຈີບີ

- ໂຈນີ້ ແຫວນປະເສີດ ຈາກ ສະໂມສອນ ເອສະຣາ

- ຈັນທະວີໄຊ ຂຸນທຸມພອນ ຈາກ ສະໂມສອນ ເອສະຣາ

- ອາວິໄລ ສີພາວັນ ຈາກ ສະໂມສອນ ສາລະວັນ ຢູໄນເຕັດ

- ວິໄລ ກຸລັງສີ ຈາກ ສະໂມສອນ ບີໄອເອັສ

- ຈັນສະຫມອນ ເພັດສົມພອນ ຈາກ ສະໂມສອນ ບີໄອເອັສ

- ຄອນສະຫວັນ ແກ້ວຫນູຈັນ ຈາກ ສະຖາບັນກິລາ Rome City Institute ປະເທດອີຕາລີ

- ດາຫມົດ ທອງຄໍາສະຫວັດ ຈາກ ສະໂມສອນ ແທັງຮວາ ( ປະເທດຫວຽດນາມ )

+ ກອງຫນ້າ

- ບຸນພະຈັນ ບຸນກອງ ຈາກ ສະໂມສອນ ຊ້າງນ້ອຍ

- ກ້ວຍເຈັ໋ງ ຫນູພັກດີ ຈາກ ສະໂມສອນ ຈຳປາສັກ ອາເວເນຍ

- ປີເຕີ້ ພັນທະວົງ ຈາກ ສະໂມສອນ ເອສະຣາ

- ສຸກພະຈັນ ເລື່ອນທະລາ ຈາກ ສະໂມສອນ ສາລະວັນ ຢູໄນເຕັດ

- ບຸນໄຊ ເຊີນວັງລຽງ ຈາກ ສະໂມສອນ ນໍ້າທາ ຢູໄນເຕັດ

- ພະຍັກ ສີພານົມ ຈາກ ສະໂມສອນ ໄຊນາດ ( ລີກ 2 ປະເທດໄທ )

ການແຂ່ງຂັນບານເຕະ ຊີງແຊ້ມອາຊຽນ ປະຈຳປີ 2026 AFF Hyundai Cup 2026, ສຳລັບປີນີ້ຖືເປັນການສະເຫຼີມສະຫຼອງຄົບຮອບ 30 ປີ ຂອງການແຂ່ງຂັນບານເຕະຊັ້ນນຳຂອງອາຊຽນ, ການແຂ່ງຂັນຈະດຳເນີນແຕ່ ວັນທີ 24 ກໍລະກົດ ຫາ 26 ສິງຫາ ໂດຍມີ 10 ທີມຊາດເຂົ້າຮ່ວມການແຂ່ງຂັນພາຍໃຕ້ຕາຕະລາງການແຂ່ງຂັນປັບປຸງໃໝ່ ຈາກລະບົບເກົ່າທີ່ຈະຈັດໃສ່ຖືກຊ່ວງທ້າຍປີໃນເດືອນທັນວາ. ພ້ອມດຽວກັນນັ້ນ, ປີນີ້ຖືເປັນປີທຳອິດ ທີ່ກຸ່ມບໍລິສັດ Hyundai Motor ໄດ້ກາຍເປັນຜູ້ສະໜັບສະໜູນຫຼັກໃຫ້ແກ່ AFF ພາຍຫລັງທີ່ໄດ້ຕົກລົງເຊັນສັນຍາຜູ້ສະໜັບສະໜູນຫຼັກຢ່າງເປັນທາງການ ໃນ ປີ 2025 ຜ່ານມາ ໂດຍກໍານົດສັນຍາປັດຈຸບັນຮອດປີ 2028. ສຳລັບຮູບແບບການແຂ່ງຂັນ ASEAN Hyundai Cup ຈະແບ່ງອອກເປັນ 2 ກຸ່ມ ໂດຍແຕ່ລະກຸ່ມຈະມີ 5 ທີມ ແລະ ໃນຮອບແບ່ງກຸ່ມແຕ່ລະທີມຈະໄດ້ແຂ່ງຂັນທັງໝົດ 4 ນັດ ໂດຍແບ່ງອອກ 2 ນັດຈັດການແຂ່ງຂັນໃນປະເທດຕົນເອງ ແລະ ອີກ 2 ນັດຕ້ອງໄປແຂ່ງຢູ່ນອກບ້ານ. ການແຂ່ງຂັນແມ່ນພົບກັນໝົດຮອບດຽວ ແລ້ວເອົາແຕ່ອັນດັບ 1 ແລະ ອັັນດັບ 2 ຂອງກຸ່ມ ເພື່ອເຂົ້າຮອບ 4 ທີມສຸດທ້າຍ, ເຊິ່ງໃນຮອບ 4 ທີມສຸດທ້າຍ ແຕ່ລະທີມຈະໄດ້ເຕະແບບ ເຍົ້າ-ເຍືອນ ຈົນໄປຮອດຮອບຊີງຊະເລີດ.

ຕາຕະລາງ ການແຂ່ງຂັນຂອງ ທີມຊາດລາວ

- ວັນທີ 25/07/2026 ທີມຊາດລາວ ພົບ ທີມຊາດໄທ

- ວັນທີ 28/07/2026 ທີມຊາດມາເລເຊຍ ພົບ ທີມຊາດລາວ

- ວັນທີ 01/08/2026 ທີມຊາດລາວ ພົບ ທີມຊາດຟີລິບປິນ

- ວັນທີ 04/08/2026 ທີມຊາດມຽນມາ ພົບ ທີມຊາດລາວ

      ສະຫະພັນບານເຕະແຫ່ງຊາດລາວ (ສຕລ) ໄດ້ສຳເລັດການຝຶກອົບຮົມຜູ້ພັດທະນາຄູຝຶກບານເຕະ ສຕລ (LFF Coach Developer Workshop) ໃນຕອນແລງ ວັນທີ 05 ມີຖຸນາ 2026 ຢູ່ທີ່ ຫ້ອງການ ສຕລ. ໂດຍໃຫ້ກຽດເຂົ້າຮ່ວມຂອງ ທ່ານ ນາງ ຍອດແກ້ວ ພາວະດີ, ທ່ານ Sundram Moorthy ຫົວໜ້າພະແນກເຕັກນິກ - ວິທະຍາ, ທ່ານ Mohammad Herman B Zailani ຫົວໜ້າວຽກງານພັດທະນາຄູຝຶກ ສຕລ, ທ່ານ Dr Benedict Low ຈາກ ມະຫາວິທະຍາໄລ University of Essex ປະເທດ ອັງກິດ.

ການຝຶກອົບຮົມຄັ້ງນີ້, ຈຸດປະສົງເພື່ອສ້າງບຸກຄະລາກອນທາງດ້ານຄູຝຶກ ເພື່ອຕໍ່ຍອດໄປສູ່ການເປັນຜູ້ຝຶກສອນ LFF / AFC '' C '' DIPLOMA ໃນອະນາຄົດ. ການຝຶກອົບຮົມແມ່ນໃຊ້ເວລາ 5 ວັນ ເລີ້ມແຕ່ ວັນທີ 1 – 5 ມິຖຸນາ 2026. ໂດຍໄດ້ມີສຳມະນາກອນເຂົ້າຮ່ວມທັງໝົດ 11 ທ່ານ ຈາກສະໂມສອນ ບີໄອເອັສ, ສະໂມສອນ ກອງທັບ, ສະໂມສອນ ຄໍາໃສ ອະຄາເດມີ, ສະໂມສອນ ມັດສະດ້າ ຈີບີ ແລະ ຄູຝຶກ ທີມຊາດລາວ.

    ການຝຶກອົບຮົມໃນຄັ້ງນີ້ ມີຄວາມໝາຍຄວາມສໍາຄັນຫຼາຍເພາະເປັນການຍົກລະດັບ ແລະ ບົດບາດໃຫ້ຄູຝຶກສອນຄົນລາວ ກ້າວຂຶ້ນເປັນຜູ້ຝຶກສອນ ລະດັບ LFF/AFC ''C'' DIPLOMA, LFF/AFC ''B'' DIPLOMA, LFF/AFC ''A'' DIPLOMA ເພີ້ມຂຶ້ນ. ປັດຈຸບັນ, ສປປ ລາວ ມີບຸກຄະລາກອນທີ່ເປັນຄົນລາວພຽງແຕ່ຄົນດຽວກໍຄື ທ່ານ ວົງມີໄຊ ສຸບົວຄຳ ທີ່ສາມາດເປັນຜູ້ຝຶກສອນຄູຝຶກບານເຕະ ລະດັບ LFF / AFC ''C'' DIPLOMA, LFF / AFC ''B'' DIPLOMA ແລະ AFC ''A'' DIPLOMA.

ສະຫະພັນບານເຕະແຫ່ງຊາດລາວ (ສຕລ) ໄດ້ຈັດວັນກິລາບານເຕະ ສຕລ (LFF Football Day) ຕິດພັນກັບວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ 1/6/2026) ທີ່ ສູນຝຶກກິລາບານເຕະ ຈໍາປີ-ຈໍາປີ ຫຼັກ 16ໃນວັນທີ 30 ພຶດສະພາ 2026 ຜ່ານມາ, ໂດຍການເຂົ້າຮ່ວມຂອງທ່ານ ວີເພັດ ສີຫາຈັກຣ ປະ ທານ ສະຫະພັນບານເຕະແຫ່ງຊາດລາວ ພ້ອມດ້ວຍຄະນະບໍລິຫານງານ ສຕລ, ພະນັກງານ ສຕລ ແລະ ພໍ່ແມ່ຜູ້ປົກຄອງ ນັກກິລາເຍົາວະຊົນເຂົ້າຮ່ວມ 400 ກວ່າຄົນຈາກ 21 ສະໂມສອນ.

ທ່ານ ວີເພັດ ສີຫາຈັກຣ ໄດ້ກ່າວວ່າ: ງານກິດຈະກຳ ວັນກິລາບານເຕະ ສຕລ ເຊິ່ງປີນີ້ ຖືເປັນປີທີ 4 ທີ່ ສຕລ ໄດ້ຈັດຕັ້ງປະຕິບັດ ໂດຍຄັ້ງທຳອິດແມ່ນເລີ່ມໃນປີ 2023. ພ້ອມດຽວກັນນັ້ນ, ເພື່ອໃຫ້ງານມີຄວາມໝາຍຄວາມສໍາຄັນຍິ່ງຂຶ້ນ ວັນກິລາບານເຕະ ສຕລ ຍັງກົງກັບວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ກໍຄື ວັນທີ 1 ມິຖຸນາ. ເພາະສະນັ້ນ ນອກຈາກການສ້າງກິດຈະກຳກິລາບານເຕະ ເພື່ອສົ່ງເສີມໃຫ້ ອະນຸຊົນ-ເຍົາວະຊົນ ຫັນມາອອກກຳລັງກາຍ ໃຫ້ສຸຂະພາບແຂງແຮງແລ້ວ ຍັງໄດ້ນໍາໃຊ້ເວລາວ່າງໃຫ້ເປັນປະໂຫຍດ ດ້ວຍການຫັນມາຫລີ້ນກິລາບານເຕະ ແລະ ເພື່ອເຮັດໃຫ້ເຂົາເຈົ້າໄດ້ຫ່າງໄກຈາກສິ່ງເສບຕິດຕ່າງໆ. ນອກນັ້ນ, ທາງ ສຕລ ຍັງແນ່ໃສ່ສ້າງປູກຈິດສໍານຶກໃຫ້ແກ່ ອະນຸຊົນ-ເຍົາວະຊົນ ໃຫ້ມີນໍ້າໃຈນັກກິລາ ຮູ້ຮັກແພງສາມັກຄີ, ຮັກການປູກຕົ້ນໄມ້ ແລະ ເອົາໃຈໃສ່ໃນວຽກປົກປັກຮັກສາສິ່ງແວດລ້ອມ ຫລື ສ້າງພື້ນທີ່ສີຂຽວໄປພ້ອມກັນ.

ຕະຫຼອດໄລຍະ 3 ປີຜ່ານມາ ສຕລ ໄດ້ພາກັນປູກຕົ້ນໄມ້ ຈຳນວນ 600 ກວ່າຕົ້ນ ແລະ ໃນປີນີ້ໄດ້ສືບຕໍ່ປູກຕົ້ນໄມ້ຕື່ມອີກ 200 ຕົ້ນ ທີ່ສູນຝຶກກິລາບານເຕະ ຈໍາປີ-ຈໍາປາ ເຊິ່ງປະກອບມີ ຕົ້ນດູ່, ຕົ້ນຝາງແດງ, ຕົ້ນຄູນ, ຕົ້ນໝາກມ່ວງ ແລະ ຕົ້ນໝາກໝີ້. ພາຍຫຼັງສິ້ນສຸດການປູກຕົ້ນໄມ້, ລູກໆຫລານໆ ຍັງໄດ້ມີກິດຈະກຳກິລາບານເຕະນຳຄະນະຄູຝຶກຈາກ ສຕລ ພ້ອມທັງໄດ້ມອບອຸປະກອນກິລາໃຫ້ບັນດາສະໂມສອນ ເພື່ອນໍາໃຊ້ເຂົ້າໃນ ການຮຽນ-ການສອນ ກິລາບານເຕະໃນຂົງເຂດທີ່ຕົນເອງໄດ້ຮັບຜິດຊອບ ເປົ້າໝາຍເພື່ອສ້າງນັກກິລາບານເຕະເຍົາວະຊົນໃຫ້ມີຈຳນວນເພີ້ມຂຶ້ນເລື້ອຍໆ.

ການແຂ່ງຂັນ ບານເຕະ ລາວລີກຍິງ 2026 Lao Women's League 2026 ຈະເປີດສາກຢ່າງເປັນທາງການໃນວັນທີ 19 ມິຖຸນາ ຫາ 30 ສິງຫາ 2026, ຮູບແບບການແຂ່ງຂັນ ແບບລີກ ພົບກັນໝົດທັງ 2 ຮອບ ເພື່ອສະສົມຄະແນນ ໂດຍມີ 9 ທີມ ເຂົ້າຮ່ວມປະກອບມີ:

1. ສະໂມສອນ ມາດສເຕີ ( ແຊ້ມເກົ່າ )

2. ສະໂມສອນ ເອັສອີຊີ ຢູໄນເຕັດ

3. ສະໂມສອນ ມັດສະດ້າ ຈີບີ

4. ສະໂມສອນ ເຊໂນ

5. ສະໂມສອນ ເອວເອັສເອັມຊີ ເມດີຄໍ

6. ສະໂມສອນ ກອງທັບ

7. ສະໂມສອນ ໄຊເສດຖາ

8. ສະໂມສອນ ບໍລິຄໍາໄຊ

9. ສະໂມສອນ ເຄພີເອັັສ

  ສໍາລັບ ທີມທີ່ເຂົ້າຮ່ວມນັ້ນແມ່ນໄດ້ຮັບເງິນອຸດໜູນຈຳນວນ 150 ລ້ານກີບ ຂະນະທີ່ ເງິນລາງວັນ ອັນດັບ 1 ແມ່ນຈະໄດ້ຮັບຂັນແຊັມພ້ອມເງິນລາງວັນ 300 ລ້ານກີບ, ອັນດັບ 2 ໄດ້ 100 ລ້ານກີບ ແລະ ອັນດັບ 3 ໄດ້ 50 ລ້ານກີບ, ນອກຈາກນັ້ນ,ຍັງມີລາງວັນປະເພດບຸກຄົນລວມມີ: ລາງວັນນັກກິລາທີ່ຍິງປະຕູສູງສຸດ ໄດ້ຮັບຂັນລາງວັນ 1 ໜວ່ຍ, ຜູ້ຮັກສາປະຕູດີເດັ່ນ ໄດ້ຮັບຂັນລາງວັນ 1 ຫນ່ວຍ, ຄູຝຶກດີເດັ່ນ ໄດ້ຮັບຂັນລາງວັນ 1ໜວ່ຍ ແລະ ລາງວັນນັກກິລາດີເດັ່ນປະຈຳການແຂ່ງຂັນ ໄດ້ຮັບຂັນລາງວັນ 1 ໜວ່ຍ.

       ສະໂມສອນ ທີ່ຊະນະເລີດ ການແຂ່ງຂັນ ບານເຕະ ລາວລີກຍິງ 2026 ຈະໄດ້ຮັບສິດເຂົ້າຮ່ວມ ການແຂ່ງຂັນບານເຕະ ຍິງ ຊີງແຊ້ມ ອາຊີ ລະດູການ 2027/28 .

ການແຂ່ງຂັນກິລາບານເຕະ ຮຸ່ນອາຍຸບໍ່ເກີນ 16 ປີ ປະຈຳປີ 2026 ມີ 12 ທີມເຂົ້າຮ່ວມການແຂ່ງຂັນ ປະກອບມີ :

1. ຊ້າງນ້ອຍ ( ແຊ້ມເກົ່າ )

2. ສູນຝຶກບານເຕະ ຈໍາປີ - ຈໍາປາ

3. ມັດສະດ້າ ຈີບີ

4. ເອສະຣາ

5. ຈໍາປາສັກ

6. ກອງທັບ

7. ສາລະວັນ ຢູໄນເຕັດ

8. ນໍ້າທາ ຢູໄນເຕັດ

9. ບີໄອເອັສ

10. ສະຫວັນນະເຂດ

11. ຫຼວງພະບາງ ຟຟລ

12 ພົມມະທັດ

 ຮູບແບບການແຂ່ງຂັນແມ່ນພົບກັນຫມົດ 1 ຮອບ ເພື່ອສະສົມຄະແນນ, ເອົາອັນດັບ 1-4 ເຂົ້າຮອບຮອງຊະນະເລີດ ( SEMI FINAL ) ແລ້ວຈັບສະຫລາກປະກົບຄູ່ເຕະເສຍຄັດອອກ ( Knock - Out ), ທີມຊະນະຜ່ານເຂົ້າສູ່ຮອບຊີງຊະນະເລີດ ສ່ວນທີມທີ່ເສຍແມ່ນຊີງອັນດັບ 3, ທຸກໆນັດແມ່ນແຂ່ງຂັນຢູ່ທີ່ສູນຝຶກ ສະຫະພັນບານເຕະແຫ່ງຊາດລາວ ສະຫນາມ 1 ແລະ ສະຫນາມ 2. ການແຂ່ງຂັນແມ່ນຈະເລີ່ມແຂ່ງຂັນ ເປັນ 2 ໄລຍະ ຄື: ໄລຍະທີ 1 ວັນທີ 08-23 ກໍລະກົດ 2026 ແລະ ໄລຍະທີ 2 ວັນທີ 03 - 22 ສິງຫາ 2026.

 ສຳລັບເງິນລາງວັນ ທີມຊະນະເລີດ ຈະໄດ້ຮັບຂັນ, ຫລຽນ ແລະ ເງິນຈຳນວນ 70 ລ້ານກີບ, ອັນດັບ 2 ໄດ້ຮັບຫລຽນ ແລະ ເງິນຈຳນວນ 25 ລ້ານກີບ ແລະ ອັນດັບ 3 ໄດ້ຮັບຫລຽນ ແລະ ເງິນຈຳນວນ 15 ລ້ານກີບ, ນອກຈາກນັ້ນແລ້ວຍັງມີລາງວັນປະເພດບຸກຄົນດັ່ງນີ້: ລາງວັນນັກກິລາດີເດັ່ນ, ລາງວັນນັກກິລາຍິງປະຕູສູງສຸດ, ລາງວັນຜຸ້ຮັກສາປະຕູດີເດັ່ນ ແລະ ລາງວັນຄູຝຶກດີເດັ່ນ. 

ການແຂ່ງຂັນກິລາບານເຕະ ຮຸ່ນອາຍຸບໍ່ເກີນ 19 ປີ ປະຈຳປີ 2026 ມີ 8 ທີມເຂົ້າຮ່ວມການແຂ່ງຂັນ ປະກອບມີ :

1. ເອສະຣາ ( ແຊ້ມເກົ່າ )

2. ຊ້າງນ້ອຍ

3. ມັດສະດ້າ ຈີບີ

4. ກອງທັບ

5. ສາລະວັນ ຢູໄນເຕັດ

6. ນໍ້າທາ ຢູໄນເຕັດ

7. ບີໄອເອັສ

8. ສະຫວັນນະເຂດ

ຮູບແບບການແຂ່ງຂັນແມ່ນພົບກັນຫມົດ 1 ຮອບ ເພື່ອສະສົມຄະແນນ, ເອົາອັນດັບ 1-4 ເຂົ້າຮອບຮອງຊະນະເລີດ ( SEMI FINAL ) ແລ້ວຈັບສະຫລາກປະກົບຄູ່ເຕະເສຍຄັດອອກ ( Knock - Out ), ທີມຊະນະຜ່ານເຂົ້າສູ່ຮອບຊີງຊະນະເລີດ ສ່ວນທີມທີ່ເສຍແມ່ນຊີງອັນດັບ 3, ທຸກໆນັດແມ່ນແຂ່ງຂັນຢູ່ທີ່ສູນຝຶກ ສະຫະພັນບານເຕະແຫ່ງຊາດລາວ ສະຫນາມ 1 ແລະ ສະຫນາມ 2. ການແຂ່ງຂັນແມ່ນຈະເລີ່ມແຂ່ງຂັນ ເປັນ 2 ໄລຍະ ຄື: ໄລຍະທີ 1 ວັນທີ 27 ມິຖຸນາ- 06 ກໍລະກົດ 2026 ແລະ ໄລຍະທີ 2 ວັນທີ 13-26 ກໍລະກົດ 2026.

 ສຳລັບເງິນລາງວັນ ທີມຊະນະເລີດ ຈະໄດ້ຮັບຂັນ, ຫລຽນ ແລະ ເງິນຈຳນວນ 100 ລ້ານກີບ, ອັນດັບ 2 ໄດ້ຮັບຫລຽນ ແລະ ເງິນຈຳນວນ 25 ລ້ານກີບ ແລະ ອັນດັບ 3 ໄດ້ຮັບຫລຽນ ແລະ ເງິນຈຳນວນ 15 ລ້ານກີບ, ນອກຈາກນັ້ນແລ້ວຍັງມີລາງວັນປະເພດບຸກຄົນດັ່ງນີ້: ລາງວັນນັກກິລາດີເດັ່ນ, ລາງວັນນັກກິລາຍິງປະຕູສູງສຸດ, ລາງວັນຜຸ້ຮັກສາປະຕູດີເດັ່ນ ແລະ ລາງວັນຄູຝຶກດີເດັ່ນ. 

ວັນທີ 24 ພຶດສະພາ 2026 ທີ່ຜ່ານມາ ຢູ່ທີ່ສະຫນາມສູນຝຶກ ສະຫະພັນບານເຕະແຫ່ງຊາດລາວ ບ້ານຫ້ວຍຫົງ ເມືອງຈັນທະບູລີ ນະຄອນຫຼວງ, ສະຫະພັນບານເຕະແຫ່ງຊາດລາວ ໄດ້ຈັດກິດຈະກຳ '' ອອກມາຂະຫຍັບຮ່າງກາຍ World Football Week 2026 '' ມີເຍົາວະຊົນຈາກສູນຝຶກ ຈຳປີ - ຈຳປາ ເຂົ້າຮ່ວມທັງຫມົດ 188 ຄົນເປັນຍິງ 18 ຄົນ.

ສຳລັບຈຸດປະສົງໃນການຈັດຄັ້ງນີ້ແມ່ນກໍເພື່ອຕັອນຮັບການແຂ່ງຂັນບານເຕະໂລກ, ສ້າງໃຫ້ເຍົາວະຊົນມັກຮັກກິລາບານເຕະໃຫ້ຫລາຍຂຶ້ນ, ເຍົາວະຊົນຕ້ອງການເວລາ 60 ນາທີ.

          ສະຫະພັນບານເຕະແຫ່ງຊາດລາວ(ສຕລ) ຮ່ວມກັບສະຫະພັນບານເຕະແຂວງອຸດົມໄຊ ສົມທົບ ກັບພະແນກສຶກສາທິການ ແລະ ກິລາແຂວງໄດ້ຈັດກິດຈະກຳຝຶກສອນທັກສະການຫຼີ້ນກິລາບານເຕະຂັ້ນພື້ນຖານ ( AFC Grassroots Football Day )ໃຫ້ບັນດານ້ອງໆເຍົາວະຊົນພາຍໃນແຂວງດັ່ງກ່າວຂື້ນເມື່ອຕອນເຊົ້າວັນທີ 23 ພຶດສະພາ 2026 ທີ່ສະໜາມກິລາບານເຕະແຂວງ,ໂດຍໃຫ້ກຽດເຂົ້າຮ່ວມຂອງ ທ່ານ ພັທ ຖາວອນ ຫຼວງຈັນດາວົງ ຄະນະບໍລິຫານງານ ສຕລ, ທ່ານ ສີທອງ ທັນຂັນຕິ ຮອງຫົວໜ້າພະແນກສຶກສາທິການ ແລະ ກິລາແຂວງ, ທ່ານ ຄໍາສຸກ ສຣິດທິລາດ ຮອງປະທານສະຫະພັນບານເຕະແຂວງອຸດົມໄຊ.

         ຈຸດປະສົງແມ່ນເພື່ອເສີມສ້າງພັດທະນາກິລາບານເຕະຮຸ່ນສຶບທອດໃຫ້ເປີດກວ້າງໄປທົ່ວແຂວງແລະທົ່ວປະເທດ,ເພື່ອຮຽນຮູ້ແລະນຳໃຊ້ທັກສະກິລາບານເຕະຂັ້ນພື້ນຖານໃຫ້ຖືກຕ້ອງຕາມຂັ້ນຕອນ ແລະ ມີຄວາມຄ່ອງແຄ້ວ,ພ້ອມນັ້ນກໍເປັນການປັບປຸງ ແລະ ພັດທະນາຄູຝຶກໃຫ້ມີຄວາມຮູ້ຄວາມສາມາດ ໃນການເຂົ້າຮ່ວມການຝຶກອົບຮົມຄູຝຶກລະດັບຊາດ ແລະລະດັບແຂວງຕື່ມອີກ,ທັງເປັນການຊອກຫານັກກິລາອະນຸຊົນ-ເຍົາວະຊົນທີ່ມີພອນສະຫວັນໃນດ້ານກິລາບານເຕະມາເປັນນັກກິລາສືບທອດ,ເປັນນັກກິລາທີ່ໜຸ່ມນ້ອຍມີທັກສະ ແລະສາມາດພັດທະນາຕົວເອງ ໃຫ້ກາຍເປັນນັກກິລາຕົວແທນໃນຂະແໜງການຕ່າງໆ ກ້າວໄປເປັນນັກກິລາທີມຂອງແຂວງ ແລະ ນັກກິລາທີມຊາດໃນອະນາຄົດ. ນອກນັ້ນການຫຼີ້ນກິລາຍັງເປັນການຝຶກຝົນໃຫ້ນ້ອງໆນັກຮຽນມີສຸຂະພາບແຂງແຮງ,ມີຄວາມສາມັກຄິຮັກແພງ,ມີນໍ້າໃຈນັກກິລາ,ມັກຮັກໃນການຫຼີ້ນກິລາບານເຕະແລະ ຫ່າງໄກຈາກສິ່ງເສບຕິດ,ອະບາຍຍະມຸກຕ່າງໆ.

         ເຂົ້າຮ່ວມກິດຈະກໍາໃນຄັ້ງນີ້ຍັງມີ ຄະນະສະຫະພັນບານເຕະແຂວງອຸດົມໄຊ, ຄະນະຮັບຜິດ ຊອບ,ຄູຝຶກ, ນັກກິລາລວມ 200 ກວ່າຄົນ ແລະ ພໍ່ແມ່ນັກກິລາ ເຂົ້າຮ່ວມງານ.

ບົດສະຫລຸບ ການແຂ່ງຂັນບານເຕະເຍົາວະຊົນຍິງ ຮຸ່ນອາຍຸບໍ່ເກີນ 16 ປີ ຊີງຂັນ ສຕລ ປະຈຳປີ 2026

🏆 ຊະນະເລີດ : ສະໂມສອນ ມາດສເຕີ ໄດ້ຮັບຂັນ, ຫລຽນ ແລະ ເງິນລາງວັນ 50 ລ້ານກີບ.

🥈ອັນດັບທີ 2 : ສະໂມສອນ ເອັສອີຊີ ໄດ້ຮັບຫລຽນ ແລະ ເງິນຈຳນວນ 25 ລ້ານກີບ.

🔰 ນັກກິລາດີເດັ່ນ ແລະ ຜູ້ຍິງປະຕູສູງສຸດ : '' ອັນນ່າ ແກ້ວອ່ອນສີ '' ສະໂມສອນ ມາດສເຕີ້ ລົງສະຫນາມ 6 ນັດ ຍິງໄດ້ 22 ປະຕູ ເປັນນັກກິລາດີເດັ່ນປະຈຳນັດແຂ່ງຂັນທັງຫມົດ 4 ນັດ.

🔰 ຜູ້ຮັກສາປະຕູດີເດັ່ນ : '' ໄອລີນ ວິໄລສິດ '' ຈາກ ສະໂມສອນ ມາດສເຕີ ລົງສະຫນາມ 5 ນັດ ເສຍ 2 ປະຕູ.

🔰 ຄູຝຶກດີເດັ່ນ : '' ໂອເລ່ ຈັນທະວົງ '' ຄູຝຶກ ສະໂມສອນ ມາດສເຕີ້

         ການແຂ່ງຂັນກິລາບານເຕະ ລາວໂຕໂຢຕ້າ ພາກໃຕ້ ຈໍາປາສັກ ລາວລີກ 2 ປະຈໍາປີ 2026 ໄດ້ເລີ່ມເປີດການແຂ່ງຂັນຂື້ນແລ້ວຢ່າງເປັນທາງການ ໃນຕອນບ່າຍຂອງວັນທີ 8 ພຶດສະພາ 2026 ທີ່ຜ່ານມາ ຢູ່ທີ່ສະໜາມກິລາແຂວງຈໍາປາສັກ,ໂດຍການໃຫ້ກຽດເປັນປະທານຂອງ ທ່ານ ສົມບູນ ເຮືອງວົງສາ ຄະນະປະຈໍາພັກແຂວງ, ຮອງປະທານຄະນະກຳມະການປົກຄອງແຂວງຈໍາປາສັກ, ທ່ານ ຄໍາແພງ ວົງຂັນຕີ ຮອງປະທານສະຫະພັນບານເຕະແຫ່ງຊາດລາວ, ທ່ານ ແກ້ວລັດຕະນະ ສີຫາວົງ ຄະນະປະຈໍາພັກແຂວງ, ຮອງປະທານສະພາປະຊາຊົນແຂວງ, ຄະນະບໍລິຫານງານສະຫະພັນບານເຕະແຫ່ງຊາດລາວ ທັງເປັນປະທານສະຫະພັນກິລາບານເຕະແຂວງຈໍາປາສັກ, ທ່ານ ກິດດາ ພົມສົມບັດ ຜູ້ຈັດການ ອາວຸໂສ ທົ່ວໄປ ບໍລິສັດ ລາວໂຕໂຢຕ້າພາກໃຕ້ ຈໍາກັດຜູ້ດຽວ ພ້ອມດ້ວຍບັນດາທ່ານການນໍາພັກ-ລັດ, ນັກທຸລະກິດ, ແຂກຖືກເຊີນ, ຄະນະຈັດການແຂ່ງຂັນ, ວິຊາການຂອງບໍລິສັດ ລາວໂຕໂຢຕ້າ ພາກໃຕ້ ຈໍາກັດຜູ້ດຽວ,ຄະນະຄູຝຶກ ແລະ ນັກກິລາ ພ້ອມດ້ວຍແຟນບານ ເຂົ້າຮ່ວມຢ່າງພ້ອມພຽງ. ໃນພິທີ, ທ່ານ ແກ້ວລັດຕະນະ ສີຫາວົງ ປະທານສະຫະພັນກິລາບານເຕະແຂວງໄດ້ມີຄໍາເຫັນສະເໜີຈຸດປະສົງ ແລະ ລາຍງານກ່ຽວກັບການກະກຽມຄວາມພ້ອມຮອບດ້ານໃຫ້ແກ່ການຈັດການແຂ່ງຂັນ ເຊິ່ງທ່ານໃຫ້ຮູ້ວ່າ: ການແຂ່ງຂັນກິລາບານເຕະ ລາວໂຕໂຢຕ້າ ພາກໃຕ້ ຈໍາປາສັກ ລາວລີກ 2 ປະຈໍາປີ 2026 ຈະໄດ້ເປີດການແຂ່ງຂັນຢ່າງເປັນນັບແຕ່ວັນທີ 8 ພຶດສະພາເປັນຕົ້ນໄປ ແລະດໍາເນີນການແຂ່ງຂັນໄປເຖິງ ວັນທີ 16 ສິງຫາ 2026 ໂດຍມີ 8 ສະໂມສອນກິລາບານເຕະເຂົ້າຮ່ວມແຂ່ງຂັນ ຄື

1. ສະໂມສອນບານເຕະ ສຸລິຍະວົງ (ແຊ້ມເກົ່າ).

2. ສະໂມສອນບານເຕະ ໂຮງຫຼໍ່ ການໄຊ.

3. ສະໂມສອນບານເຕະ ບາຈຽງ.

4. ສະໂມສອນບານເຕະ ປິ່ນແກ້ວ.

5. ສະໂມສອນບານເຕະ ພົມປັນຍາ ຟຣາມ.

6. ສະໂມສອນບານເຕະ ຊ້າງເຜືອກ.

7. ສະໂມສອນບານເຕະ SP Sign & Led.

8. ສະໂມສອນບານເຕະ ປາຕິຫານ.

         ສຳລັບສະໂມສອນທີ່ຊະນະເລີດຈະໄດ້ຮັບຂັນ, ຫລຽນ ແລະ ເງິນລາງວັນ 25 ລ້ານກີບ, ອັນດັບ 2 ຈະໄດ້ຮັບຫລຽນ ແລະ ເງິນລາງວັນ 12 ລ້ານກີບ ແລະ ອັນດັບ 3 ຈະໄດ້ຮັບຫລຽນ ແລະ ເງິນຈຳນວນ 8 ລ້ານກີບ, ນອກນັ້ນ, ຍັງມີລາງວັນຄູຝຶກດີເດັ່ນ, ນັກກິລາດີເດັ່ນ, ດາວຍິງສູງສຸດ.

          ສ່ວນຜົນການແຂ່ງຂັນອາທິດຜ່ານມາມີການແຂ່ງຂັນ 4 ຄູ່ມີດັ່ງນີ້: ປິ່ນແກ້ວ ຊະນະ SP Sign & Led 6-0, ພົມປັນຍາ ຟຣາມ ເສຍໃຫ້ ສຸລິຍະວົງ 0-5, ບາຈຽງ ສະເຫມີ ໂຮງຫຼໍ່ ການໄຊ ແລະ ຊ້າງເຜືອກ ຊະນະ ປະຕິຫານ 11-0.

          ສະໂມສອນ ທີ່ຊະນະເລີດລາຍການດັ່ງກ່າວນີ້ ແມ່ນຈະໄດ້ຮັບສິດເຂົ້າຮ່ວມ ການແຂ່ງຂັນບານເຕະ ຊີງຂັນພະນະທ່ານນາຍົກລັດຖະມົນຕີແຫ່ງ ສປປ ລາວ ລະດູການ 2026/27 ໃນຖານະແຊ້ມ ລາວລີກ 2 ແຂວງຈຳປາສັກ ພ້ອມທັງໄດ້ຮັບສິດເລື່ອນຊັ້ນຂຶ້ນສູ່ ລາວລີກ 1 ລະດູການ 2027/28 ຖ້າຫາກຜ່ານເງື່ອນໄຂ.