ທີມຊາດຊາຍ U-16
News Cover

ທີມຊາດລາວ ຢູ່ກຸ່ມ A ຮ່ວມກັບ ອິນໂດເນເຊຍ ເຈົ້າພາບ, ຟີລິບປິນ ແລະ ສິງກະໂປ ໃນລາຍການແຂ່ງຂັນບານເຕະຊີງແຊ້ມອາຊຽນ U16

30/05/2024

ວັນທີ 30 ພຶດສະພາ 2024 ຢູ່ທີ່ປະເທດອິນໂດເນເຊຍ ໄດ້ມີພິທີຈັບສະຫລາກ ການແຂ່ງຂັນບານເຕະຊີງ

ແຊ້ມອາຊຽນ ຮຸ່ນອາຍຸບໍ່ເກີນ 16 ປີ(U16) ປະຈຳປີ 2024 ASEAN U16 BOY'S CHAMPIONSHIP 2024 ເຊິ່ງຈະຈັດຂຶ້ນຢູ່ທີ່ປະເທດອິນໂດເນເຊຍລະຫວ່າງວັນທີ 21 ມິຖຸນາ ຫາ 04 ກໍລະກົດ 2024.

  ການແຂ່ງຂັນລາຍການດັ່ງກ່າວມີ 12 ປະເທດເຂົ້າຮ່ວມແລະແບ່ງອອກເປັນ 3 ກຸ່ມ, ກຸ່ມລະ 4 ທີມ ຄັດເອົາອັນດັບ 1 ຂອງແຕ່ລະກຸ່ມ ຜ່ານເຂົ້າສູ່ຮອບຮອງຊະນະເລີດ ແລະ ອັນດັບ 2 ທີ່ມີຄະແນນດີທີ່ສຸດ 1 ທີມຜ່ານເຂົ້າຮອບຮອງຊະນະເລີດ. ຜົນການຈັບສະຫລາກມີດັ່ງນີ້:

- ກຸ່ມ A : ອິນໂດເນເຊຍ ເຈົ້າພາບ, ລາວ, ຟີລິບປິນ, ສິງກະໂປ

- ກຸ່ມ B: ຫວຽດນາມ, ມຽນມາ, ກຳປູເຈຍ, ບຣູໄນ

- ກຸ່ມ C: ໄທ, ມາເລເຊຍ, ຕີມໍ ເລສເຕ ແລະ ອົສຕຣາລີ.

  ສຳລັບ ທີມຊາດລາວ ຮຸ່ນອາຍຸບໍ່ເກີນ 16 ປິ ແມ່ນໄດ້ເກັບຕົວຝຶກຊ້ອມນັບຕັ້ງແຕ່ ວັນທີ 01 ພຶດສະພາ 2024 ເປັນຕົ້ນມາ ໂດຍແມ່ນທ່ານ ກັນລະຍາ ສີສົມຫວັງ ເປັນຫົວໜ້າຄູຝຶກໄດ້ຮຽກຕົວນັກກິລາເຍົາວະຊົນໃນເບື້ອງຕົ້ນຈຳນວນ 39 ຄົນເຂົ້າສູນຝຶກຊ້ອມ, ມາຮອດປັດຈຸບັນສາມາດຄັດເລືອກ ໄດ້ 29 ຄົນ ແລະ ຈະຄັດເລືອກໃຫ້ເຫລືອ 23 ຄົນສຸດທ້າຍ ກ່ອນເຂົ້າຮ່ວມແຂ່ງຂັນບານເຕະຊິງແຊ້ມອາຊຽນ ຮຸ່ນອາຍຸບໍ່ເກີນ 16 ປີ.


News Cover

ປະກາດລາຍຊື່ 29 ນັກກິລາບານເຕະ ຄັດເລືອກ ທີມຊາດລາວ U16 ເກັບຕົວຝຶກຊ້ອມ

28/05/2024

ຜ່ານການເກັບຕົວຝຶກຊ້ອມຢ່າງຂຸ້ນຂ້ຽວຕັ້ງແຕ່ວັນທີ 01 ພຶດສະພາ 2024 ເປັນຕົ້ນມາ ໂດຍແມ່ນທ່ານ ກັນລະຍາ ສີສົມຫວັງ ເປັນຫົວໜ້າຄູຝຶກໄດ້ຮຽກຕົວນັກກິລາເຍົາວະຊົນໃນເບື້ອງຕົ້ນຈຳນວນ 39 ຄົນເຂົ້າສູນຝຶກຊ້ອມ. ມາຮອດວັນທີ 27 ພຶດສະພາ 2024 ສະຫະພັນບານເຕະແຫ່ງຊາດລາວ(ສຕລ) ໄດ້ປະກາດລາຍຊື່ 29 ນັກກິລາບານເຕະ ຄັດເລືອກ ທີມຊາດລາວຮຸ່ນອາຍຸບໍ່ເກີນ16ປີ ຫຼື U16 ຈຳນວນ 29 ຄົນ ແລະ ຈະ​ຄັ​ດ​ເລ​ືອກ​ໃຫ້​ເຫລ​ືອ 23 ຄົນ​ສຸດ​ທ້າຍ ກ່ອນເຂົ້າຮ່ວມແຂ່ງຂັນບານເຕະຊິງແຊ້ມອາຊຽນ ຮຸ່ນ​ອາ​ຍຸ​ບໍ່​ເກີນ 16 ປີ ມີ​ລາຍ​ຊື່ດັ່ງນີ້:

# ຜູ້ຮັກສາປະຕູ

ແສງອາທິດ ອະໄພຍະລາດ ສະໂມສອນ ຊ້າງນ້ອຍ

ໄຊສົມພົງ ທິບພະວົງ ແຂວງ ບໍລິຄໍາໄຊ

ທິດສາຄອນ ສຳລີວົງຫວັດ ສະໂມສອນ ຈຳປາສັກ

# ກອງຫຼັງ:

ກົ້ງເມັ່ງ ຢ່າງຫວາເຢີ ສະໂມສອນ ເອສະຣາ

ທັນຍະວຸດ ໄຊຈະເລີນ ສະໂມສອນ ເອສະຣາ

ບຸນທະສັກ ຈັນດາລາ ໂຮງຮຽນ ມສ ເຄເອັນຊີ

ພີສີດ ອໍ້ຮ ໂຮງຮຽນ ປັນຍາທິບ

ສາຍສະໝອນ ແກ້ວມະນີວົງ ສະໂມສອນ ມາສະດາ ຈີບີ

ທັດສະພອນ ຄໍາພານິດ ແຂວງ ຈຳປາສັກ

# ກອງກາງ:

ບິນລີ້ ໂດນສະຫນູພິດ ສະໂມສອນ ເອສະຣາ

ພົມມະສອນ ນີລະວົງ ສະໂມສອນ ມາສເຕີ້ ເຊເວັ້ນ

ຄຳເພັດ ຜິວແສງທອງ ໂຮງຮຽນ ມສ ເຄເອັນຊີ

ປີ່ຢ້າ ໂຄດຕະກຸນ ໂຮງຮຽນ ມສ ເຄເອັນຊີ

ປະລິນເດດ ເພັດຕະກູນ ສະໂມສອນ ຄຳໃສ

ຊັບທະວີ ພົມມີໄຊ ສະໂມສອນ ຈັນທະບູລີ

ໄຊຍະວັດ ວັນສະຫວັດ ສະໂມສອນ ຈຳປາສັກ

ໄຊຍະສິດ ຈີດປະສົງ ສະໂມສອນ ຈຳປາສັກ

ກາດຳ ກອນເຍີ້ ສະໂມສອນ ຊ້າງນ້ອຍ

ບຸນປະເສີດ ແສງສະຫວ່າງ ແຂວງ ສະຫວັນນະເຂດ

ຊາຍຄິດ ໂຄດໂຍທາ ແຂວງ ອັດຕະປື

ກິ ມູນກັນຍາ ແຂວງ ຫຼວງພະບາງ

ວົງເດືອນ ສຸລິບັນ ແຂວງ ຫຼວງພະບາງ

ສູນທະວີ ແສງດາລາ ສະໂມສອນ ຫຼວງນໍ້າທາ

ພຸດທະສັກ ສີຫາໂຄດ ສະໂມສອນ ບໍ່ແກ້ວ

# ກອງໜ້າ:

ພະຍັກ ສີພະນົນ ໂຮງ​ຮຽນ​ອົງ​ການ​ບໍ​​ລິ​ຫານ​ສ່ວນ ແຂວງ​ໄຊ​ນາດ ( ປະ​ເທດ​ໄທ )

ຊີການດາ ໄຊສົງຄາມ ສະໂມສອນ ຈຳປາສັກ

ພຸດພະໄຕ ຈັນທະລັງສີ ໂຮງຮຽນ ມສ ພົງສະຫວັນ

ດາວພະຫັດ ກໍ່າກາຊົມພູ ສະໂມສອນ ເຄເອັມທີ

ທະນາກອນ ຈັນທະວົງ ສະໂມສອນ ວຽງຈັນ ເອັຟທີ

ການແຂ່ງຂັນບານເຕະຮຸ່ນບໍ່ເກີນ 16 ປີ AFF ASEAN Boy' Championship 2024 ໃນລະຫວ່າງວັນທີ 21 ມີຖຸນາ ຫາ 4 ກໍລະກົດ 2024 ທີ່ ປະເທດ ອິນໂດເນເຊຍ ໂດຍຈະມີການຈັບຫລາກການແຂ່ງຂັນໃນວັນທີ 30 ພຶດສະພາ 2024 .


News Cover

ທີມຊາດລາວ U16 ເກັບຕົວຝຶກຊ້ອມກຽມເຂົ້າຮ່ວມແຂ່ງຂັນບານເຕະຊິງແຊັມອາຊຽນ

21/05/2024

ທີມຊາດລາວ U16 ເກັບຕົວຝຶກຊ້ອມກຽມເຂົ້າຮ່ວມແຂ່ງຂັນບານເຕະຊິງແຊັມອາຊຽນ ທີມຊາດລາວ ຮຸ່ນອາຍຸບໍ່ເກີນ16 ປີ ຫຼື U16 ໄດ້ເລີ່ມເກັບຕົວຝຶກຊ້ອມຕັ້ງແຕ່ວັນທີ 01 ພຶດສະພາ 2024 ເປັນຕົ້ນມາ ໂດຍມີ ທ່ານ ກັນລະຍາ ສີສົມຫວັງ ເປັນຫົວໜ້າຄູຝຶກ ຊຶ່ງໃນເບື້ອງຕົ້ນໄດ້ຮຽກຕົວນັກກິລາເຍົາວະຊົນ ຈຳນວນ 39 ຄົນ ຈາກຫຼາຍສະໂມສອນ, ທັງຈາກບັນດາແຂວງຕ່າງໆໃນທົ່ວປະເທດ, ສູນຝຶກແອບພາຍໃນ ແລະ ຕ່າງປະເທດ ເຂົ້າຮ່ວມຝຶກແອບເພື່ອເລືອກເຟັ້ນເອົານັກກິລາທີ່ມີຄວາມພ້ອມທັງຮ່າງກາຍ ແລະຈິດໃຈ, ມີທັກສະຄວາມສາມາດທີ່ໂດດເດັ່ນ ໂດຍຈະມີການຄັດນັກກິລາອອກຢ່າງເປັນໄລຍະຈົນກ່ວາຈະໄດ້ນັກກິລາທີ່ມີຄວາມພ້ອມ 23 ຄົນສຸດທ້າຍ ເພື່ອກຽມເຂົ້າຮ່ວມແຂ່ງຂັນບານເຕະຮຸ່ນບໍ່ເກີນ 16 ປີ AFF ASEAN Boy' Championship 2024 ໃນລະຫວ່າງວັນທີ 21 ມີຖຸນາ ຫາ 4 ກໍລະກົດ 2024 ທີ່ ປະເທດ ອິນໂດເນເຊຍ.