News Cover

ຊ້າງນ້ອຍ ຄວ້າແຊ້ມ ການແຂ່ງຂັນບານເຕະ ລາວລີກ ຍິງ ປະຈຳປີ 2023

10/12/2023

ການແຂ່ງຂັນເຕະບານ ລາວລີກ ປະຈຳປີ 2023 ເປັນຄັ້ງທໍາອິດ ທີ່ຈັດເປັນແບບລະບົບລີກ ເພື່ອເປັນການສົ່ງເສີມກິລາບານເຕະຍິງ ໄດ້ມີເວທີເຄື່ອນໄຫວຝຶກແອບແຂ່ງຂັນຢ່າງຕໍ່ເນື່ອງ ໂດຍງົບປະມານຫຼັກໃນການຈັດຄັ້ງນີ້ ແມ່ນໄດ້ຮັບການສະໜັບສະໜູນຈາກ ສະຫະພັນບານເຕະນາໆຊາດ ຫຼື(FIFA), ເພື່ອຈັດການແຂ່ງຂັນແບບຢືນຢົງ ແລະ ຈັດຂຶ້ນທຸກໆປີ ທັງນີ້ກໍເພື່ອພັດທະນານັກກີລາ ທັງເປັນການຄັດເລືອກນັກກິລາສູ່ທີມຊາດ ເຊິ່ງນັບແຕ່ປີ 2023 ເປັນຕົ້ນໄປ ລີກບານເຕະທີມຍິງ ຈະຈັດໃຫ້ຄຽງຄູ່ກັບທີມຊາຍ ແລະ ຈະເພີ່ມຈໍານວນທີມເຂົ້າຮ່ວມຂຶ້ນເລື້ອຍໆຕາມມາດຖານເງື່ອນໄຂ ແລະ ຈະມີການພິຈາລະນາວ່າຈະໃຫ້ມີການຕົກຊັ້ນ ເລື່ອນຊັ້ນໃນອະນາຄົດ. ໂດຍເລີ່ມແຂ່ງຂັນມາແຕ່ວັນທີ 21 ຕຸລາ ແລະ ຈະໄດ້ສຳເລັດວັນທີ 10 ທັນວາ 2023 ໂດຍມີ 8 ທີມເຂົ້າຮ່ວມຄື: ຊ້າງນ້ອຍ, ມາສເຕີ ເຊເວັ້ນ, ເອສຣາ, ກອງທັບ, ຫຼວງພະບາງ, ຈຳປາສັກ, ນໍ້າທາ ແລະ ວຽງຈັນ.


 ສຳລັບພິທີປິດການແຂ່ງຂັນໄດ້ມີຂຶ້ນຢູ່ທີ່ສະຫນາມສູນຝຶກ ສະຫະພັນບານເຕະແຫ່ງຊາດລາວ ໃນວັນທີ 10 ທັນວາ 2023 ໂດຍເປັນກຽດເຂົ້າຮ່ວມຂອງ ທ່ານ ຄຳໄພ ປຣະເສີດ ຮອງປະທານ ສະຫະພັນບານເຕະແຫ່ງຊາດລາວ, ທ່ານ ນາງ ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ ພ້ອມດ້ວຍຄະນະບໍລິຫານງານ ສະຫະພັນບານເຕະແຫ່ງຊາດ, ຕະຫລອດຮອດຄູຝຶກ,ນັກກິລາ,ແຟນບານ ແລະ ສື່ມວນຊົນ ເຂົ້າຮ່ວມ.


 ຜົນການແຂ່ງຂັນບານເຕະ ລາວລີກຍິງ ປະຈຳປີ 2023 ທີມຊະນະເລີດ ຊ້າງນ້ອຍ ໄດ້ຮັບຂັນ,ຫລຽນຊະນະເລີດ ແລະ ໄດ້ຮັບເງິນລາງວັນ 100 ລ້ານກີບ ໂດຍລົງສະຫນາມ 14 ນັດ ຊະນະ 13 ນັດ ເສຍ 1 ນັດ ມີ 39 ຄະແນນ, ຮອງຊະນະເລີດອັນດັບ 1 ຫລື ອັນດັບ 2 ເອສະຣາ ໄດ້ຮັບເງິນ 50 ລ້ານກີບ ລົງສະຫນາມ 14 ນັດ ຊະນະ 8 ນັດ ສະເຫມີ 4 ນັດ ເສຍ 2 ນັດ ມີ 28 ຄະແນນ ເທົ່າກັບ ມາສເຕີ້ ເຊເວັ້ນ ແຕ່ ເອສະຣາ HEAD TO HEAD ດີກວ່າ, ຮອງຊະນະເລີດອັນດັບ 2 ຫລື ອັນດັບ 3 ມາສເຕີ້ ເຊເວັ້ນ ໄດ້ຮັບເງິນ 20 ລ້ານກີບ ລົງສະຫນາມ 14 ນັດ ຊະນະ 9 ນັດ ສະເຫມີ 1 ນັດ ເສຍ 4 ນັດ ມີ 28 ຄະແນນ, ອັນດັບ 5 ນໍ້າທາ ລົງສະຫນາມ 14 ນັດ ຊະນະ 6 ນັດ ສະເຫມີ 3 ນັດ ເສບ 4 ນັດ ມີ 21 ຄະແນນ, ອັນດັບ 6 ຈຳປາສັກ ລົງສະຫນາມ 14 ນັດ ຊະນະ 6 ນັດ ເສຍ 8 ນັດ ມີ 18 ຄະແນນ,ອັນດັບ 7 ກອງທັບ ລົງສະຫນາມ 14 ນັດ ຊະນະ 5 ນັດ ສະເຫມີ 3 ນັດ ເສຍ 6 ນັດ ມີ 18 ຄະແນນ, ອັນດັບ 7 ຫຼວງພະບາງ ລົງສະຫນາມ 14 ນັດ ຊະນະ 3 ນັດ ສະເຫມີ 1 ນັດ ເສບ 10 ນັດ ມີ 10 ຄະແນນ ແລະ ອັນດັບສຸດທ້າຍ ວຽງຈັນ ລົງສະຫນາມ 14 ນັດ ເສຍ 14 ນັດ ມີ 0 ຄະແນນ, ຂະນະ ທີ່ ລາງວັນປະເພດບຸກຄົນ ຄູຝຶກດີເດັ່ນຕົກເປັນຂອງ ພຸດປະສົງ ແສງດາລາວົງ ຄູຝຶກ ຈາກ ສະໂມສອນ ຊ້າງນ້ອຍ, ລາງວັນຜູ້ຮັກສາປະຕູດີເດັ່ນ ບັງອອນ ພອນໄຊ ຈາກ ສະໂມສອນ ກິລາບານເຕະ ຊ້າງນ້ອຍ ລົງສະຫນາມ 11 ນັດ ເສຍພຽງ 7 ປະຕູ, ລາງວັນນັກກິລາດີເດັ່ນ ວິລິນທອນ ວົງແສງທອງ ຈາກ ສະໂມສອນ ຊ້າງນ້ອຍ ລົງສະຫນາມ 14 ນັດ ຍິງໄດ້ 2 ປະຕູ ແລະ ລາງວັນຜູ້ຍິງປະຕູສູງສຸດ ໃຈຄຳ ໄຊຍະປະເສິດ ຈາກ ສະໂມສອນ ມາສເຕິ້ ເຊເວັ້ນ ລົງສະຫນາມ 14 ນັດ ຍິງໄດ້ 31 ປະຕູ. ການແຂ່ງຂັນຄັ້ງນີ້ແມ່ນໄດ້ຮັບການສະຫນັບສະຫນູນຫຼັກຈາກ ສະຫະພັນບານເຕະນາໆຊາດ ຫຼື ຟີຟາ, ບໍລິສັດລາວໂທລະຄົມມະຫາຄົມ ຈຳກັດ, ວຽງຈັນໄອສ໌, ບໍລິສັດ ວາຣີິ ແລະ ບໍລິສັດ ອີໂວ ສະຕໍ.



News Cover

ຜົນການແຂ່ງຂັນລາວລີກ ຍິງ ປະຈໍາປີ 2023 ໃຈຄຳ ໄຊຍະປະເສີດ ຍິງ 2 ປະຕູ ພາ ມາສເຕີ ເຊເວັ້ນ ຊະນະ ກອງທັບ 3-2

27/11/2023

ການແຂ່ງຂັນເຕະບານລາວລີກຍິງ ປະຈໍາປີ 2023, ນັດທີ 10 ວັນທີ 25 ພະຈິກນີ້, ມາສເຕີ ເຊເວັ້ນ ເອົາຊະນະ ກອງທັບ 3-2,ໂດຍມາສເຕີເຊເວັ້ນໄດ້ 3 ປະຕູຈາກ ຈີນດາ ສີຫາລາດ ນາທີ 3', ໃຈຄຳ ໄຊຍະປະເສີດ ນາທີ 5', 66', ສ່ວນ ກອງທັບ ໄດ້ປະຕູຈາກ ລິວ ຟອງສະໝຸດ ນາທີ 45' ແລະ ນົກ ໄພສະຫວັນ ນາທີ 45'+1.

  ຂະນະທີ່ ນໍ້າທາ ເອົາຊະນະ ວຽງຈັນ 5-0, ແມ໋ກຈັນທາ ພິມມະສອນ ນາທີ 20', 37', ພອນທິບ ພົມມະຈັນ ນາທີ 40', ກ້ອຍ ສີປະຈວບ ນາທີ 67' ແລະ ຄຳອົ້ນ ວິລິວົງ ນາທີ 85'.

 ສ່ວນຜົນການແຂ່ງຂັນໃນວັນອາທິດ 26 ພະຈິກ 2023 ຈຳປາສັກ ເສບໃຫ້ ຫຼວງພະບາງ 1-2, ຈຳປາສັກ ໄດ້ປະຕູຈາກ ວິໄລວັນ ແກ້ວສະຫມຸດ ນາທີ 67', ຫຼວງພະບາງ ໄດ້ປະຕູຈາກ ນຸ້ນ ຈັນທະນາຮັກ ນາທີ 44', ສາຍສະຫມອນ ອິນທະພອນ ນາທີ 75'.

  ຕາຕະລາງຄະແນນ ອັນດັບ 1 ຊ້າງນ້ອຍ ມີ 27 ຄະແນນ, ອັນດັບ 2 ມາສເຕີ້ ເຊເວັ້ນ ມີ 22 ຄະແນນ, ອັນດັບ 3 ນໍ້າທາ ມີ 17 ຄະແນນ, ອັນດັບ 4 ເອສະຣາ ມີ 16 ຄະແນນ, ອັນດັບ 5 ກອງທັບ ມີ 14 ຄະແນນ, ອັນດັບ 6 ຈຳປາສັກ ມີ 12 ຄະແນນ, ອັນດັບ 7 ຫຼວງພະບາງ ມີ 7 ຄະແນນ ແລະ ອັນດັບ ສຸດທ້າຍ ວຽງຈັນ ມີ 0 ຄະແນນ. ສຳລັບນັກກິລາຍິງປະຕູສູງສຸດແມ່ນ ສຸພາວັນ ໄພວັນ ຈາກ ເອສຣາ ຍິງ 24 ປະຕູ, ໃຈຄໍາ ໄຊຍະປະເສີດ ຈາກມາສເຕີ້ ເຊເວັ້ນ ຍິງ 21 ປະຕູ, ຈິນດາ ສີຫາລາດ ຈາກມາສເຕີ້ ເຊເວັ້ນ ຍິງ 18 ປະຕູ.

  ຕາຕະລາງ ການແຂ່ງຂັນນັດທີ 11 ນັດວັນພຸດ ທີ29 ພະຈິກ 2023 ເວລາ 16:00 ຊ້າງນ້ອຍ ພົບ ນ້ຳ ແຂ່ງຂັນຢູ່ທີ່ສະຫນາມສູນຝຶກຫ້ວຍຫົງ ສະຫນາມ 1, ເວລາ 16:00 ກອງທັບ ພົບ ຈຳປາສັກ ແຂ່ງຂັນຢູ່ທີ່ສະຫນາມສູນຝຶກຫ້ວຍຫົງ ສະຫນາມ 2, ເວລາ 19:00 ມາສເຕີ້ ເຊເວັ້ນ ພົບ ວຽງຈັນ ນ້ຳ ແຂ່ງຂັນຢູ່ທີ່ສະຫນາມສູນຝຶກຫ້ວຍຫົງ ສະຫນາມ 1, ເວລາ 19:00 ຫຼວງພະບາງ ພົບ ເອສະຣາ ນ້ຳ ແຂ່ງຂັນຢູ່ທີ່ສະຫນາມສູນຝຶກຫ້ວຍຫົງ ສະຫນາມ 2.

  ການແຂ່ງຂັນເຕະບານ ລາວລີກ ເພດຍິງ ປີນີ້ ເປັນຄັ້ງທໍາອິດ ທີ່ຈັດເປັນແບບລະບົບລີກ ເພື່ອເປັນການສົ່ງເສີມກິລາບານເຕະຍິງ ໄດ້ມີເວທີເຄື່ອນໄຫວຝຶກແອບແຂ່ງຂັນຢ່າງຕໍ່ເນື່ອງ ໂດຍງົບປະມານຫຼັກໃນການຈັດຄັ້ງນີ້ ແມ່ນໄດ້ຮັບການສະໜັບສະໜູນຈາກ ສະຫະພັນບານເຕະນາໆຊາດ ຫຼື(FIFA), ເພື່ອຈັດການແຂ່ງຂັນແບບຢືນຢົງ ແລະ ຈັດຂຶ້ນທຸກໆປີ ທັງນີ້ກໍເພື່ອພັດທະນານັກກີລາ ທັງເປັນການຄັດເລືອກນັກກິລາສູ່ທີມຊາດ ເຊິ່ງນັບແຕ່ປີ 2023 ເປັນຕົ້ນໄປ ລີກບານເຕະທີມຍິງ ຈະຈັດໃຫ້ຄຽງຄູ່ກັບທີມຊາຍ ແລະ ຈະເພີ່ມຈໍານວນທີມເຂົ້າຮ່ວມຂຶ້ນເລື້ອຍໆຕາມມາດຖານເງື່ອນໄຂ ແລະ ຈະມີການພິຈາລະນາວ່າຈະໃຫ້ມີການຕົກຊັ້ນ ເລື່ອນຊັ້ນໃນອະນາຄົດ. ໂດຍເລີ່ມແຂ່ງຂັນາແຕ່ວັນທີ 21 ຕຸລາ ແລະ ຈະໃຫ້ສຳເລັດວັນທີ 10 ທັນວາ 2023 ໂດຍມີ 8 ທີມເຂົ້າຮ່ວມຄື: ຊ້າງນ້ອຍ, ມາສເຕີ ເຊເວັ້ນ, ເອສຣາ, ກອງທັບ, ຫຼວງພະບາງ, ຈຳປາສັກ, ນໍ້າທາ ແລະ ວຽງຈັນ.


News Cover

ເກມມີ້ ພັດດາລາ ແລະ ແມກຈັນທາ ພິມມະສອນ ຍິງຜູ້ລະປະຕູ ພາ ນ້ຳທາ ເອົາຊະນະ ມາສເຕີ້ ເຊເວັ້ນ 2-0

23/11/2023

ການແຂ່ງຂັນບານເຕະ ລາວລີກ ຍິງ ປະຈຳປີ 2023 ຫລຶ Lao Women’s League 2023 ໃນວັນທີ 22 ພະຈິກ 2023 ທີ່ຜ່ານມາ ຢູ່ທີ່ສະຫນາມສູນຝຶກ ສະຫະພັນບານເຕະແຫ່ງຊາດລາວ ມີການແຂ່ງຂັນ 4 ຄູ່ ເຊິ່ງຄູ່ທີ່ຫນ້າສົນໃຈ ເປັນການພົບກັນລະຫວ່າງ ນ້ຳທາ ພົບ ມາສເຕີ້ ເຊເວັ້ນ ໂດຍນັດທຳອິດໃນຮອບຂາໄປ ມາສເຕີ້ ເຊເວັ້ນ ເອົາຊະນະ ນ້ຳທາ 3-1, ສຳລັບເກມໃນນັດນີ້ ນ້ຳທາ ໄດ້ມີການປັບປ່ຽນຜູ້ຫລິ້ນລົງສະຫນາມເພື່ອຫວັງເກັບໄຊຊະນະນັດດັ່ງກ່າວ ຜ່ານການແຂ່ງຂັນຜົນປະກົດວ່າ ນ້ຳທາ ເອົາຊະນະ ມາສເຕີ້ ເຊເວັ້ນ 2-0 ໂດຍໄດ້ປະຕູໃນເຄິ່ງເວລາທີ 2 ຈາກເກມມີ້ ພັດດາລາ ນາທີ 56’ ແລະ ແມ໋ກຈັນທາ ພິມມະສອນ ນາທີ 75’ ຈາກໄຊຊະນະດັ່ງກ່າວເຮັດໃຫ້ ນ້ຳທາ ຫຍັບຂຶ້ນມາຢູ່ອັນດັບທີ 4 ຂອງ ຕາຕະລາງຄະແນນ ລົງສະຫນາມ 9 ນັດ ຊະນະ 4 ນັດ ສະເຫມີ 2 ນັດ ເສຍ 3 ນັດ ມີ 14 ຄະແນນ. ສ່ວນ ມາສເຕີ້ ເຊເວັ້ນ ຍັງຢູ່ອັນດັບ 2 ລົງສະຫນາມ 9 ນັດ ຊະນະ 6 ນັດ ສະເຫມີ 1 ນັດ ເສຍ 2 ນັດ ມີ 19 ຄະແນນ ຕາມຫລັງ ຊ້າງນ້ອຍ ທີມນຳ 5 ຄະແນນ.ສ່ວນຜົນຄູ່ອື່ນ ວຽງຈັນ ເສຍໃຫ້ ເອສະຣາ 0-10, ຈຳປາສັກ ເສຍໃຫ້ ຊ້າງນ້ອຍ 0-1 ແລະ ກອງທັບ ຊະນະ ຫຼວງພະບາງ 1-0.

 ສຳລັບຕາຕະລາງ ການແຂ່ງຂັນນັດທີ 10 ວັນເສົາ 25 ພະຈິກ 2023 ເວລາ 17:00 ມາສເຕີ້ ເຊເວັ້ນ ພົບ ກອງທັບ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 1, ເວລາ 17:00 ນ້ຳທາ ພົບ ວຽງຈັນ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 2, ແລະ ວັນອາທິດ 26 ພະຈິກ 2023 ເວລາ 17:00 ຈຳປາສັກ ພົບ ຫຼວງພະບາງ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 1, ເວລາ 17:00 ເອສະຣາ ພົບ ຊ້າງນ້ອຍ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 2.

ທ່ານສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.


News Cover

ຊ້າງນ້ອຍ ຍັງຜົນງານດີ ເປັນທີມນຳຕາຕະລາງ ການແຂ່ງຂັນບານເຕະ ລາວລີກ ຍິງ ປະຈຳປີ 2023 ນັດທີ 8

20/11/2023

ຜົນການແຂ່ງຂັນບານເຕະ ລາວລີກ ຍິງ ປະຈຳປີ 2023 ນັດທີ 8 ຮອບຂາກັບ ວັນເສົາ 19 ພະຈິກ 2023 ນ້ຳທາ ເອົາຊະນະ ເອສະຣາ 1-0 ນໍ້າທາ ໄດ້ປະຕູຈາກ: ເບີ 11 ແມກຈັນທາ ພິມມະສອນ ນາທີ 12', ຫຼວງພະບາງ ເສຍໃຫ້ ມາສເຕີ້ ເຊເວັ້ນ 1-2, ຫຼວງພະບາງ ໄດ້ປະຕູຈາກ: ເບີ 13 ນໍ້າເຜິ້ງ ອິນທິຈັນ ນາທີ 34' (OG), ເບີ 29 ສາຍຝົນ ທະມະນີ ນາທີ 74', ມາສເຕີ້ ເຊເວັ້ນ ໄດ້ປະຕູຈາກ: ເບີ 7 ໃຈຄຳ ໄຊຍະປະເສີດ ນາທີ 17', ວັນທີ 19 ພະຈິກ 2023 ກອງທັບ ເສຍໃຫ້ ຊ້າງນ້ອຍ 1-3, ກອງທັບ ໄດ້ປະຕູຈາກ: ເບີ 15 ແຫລ້ ອິນທະວົງ ນາທີ 62', ຊ້າງນ້ອຍ ໄດ້ປະຕູຈາກ: ເບີ 19 ອານຸຕາ ຈັນທີທອງ ນາທີ 7', ເບີ 7 ແຂກ ມະນີວົງ ນາທີ 44', ເບີ 10 ອາພັດສະລາ ຈັນທະວົງໄຊ ນາທີ 89', ວຽງຈັນ ເສຍໃຫ້ ຈຳປາສັກ 0-10, ຈຳປາສັກ ໄດ້ປະຕູຈາກ: ເບີ 7 ລັດດາ ວໍລະຈິດ ນາທີ 10', ເບີ 18 ແອ່ນນ້າ ນາທີ 23', 29', 32', ເບີ 2 ຫັດລືໄທ ທຳມະວົງ ນາທີ 4', 35', 45', ເບີ 15 ປ່ອງແກ້ວ ແກ້ວສະຫວ່າງ ນາທີ 42', ເບີ 17 ທອງດີ ຫຼວງທຸມມາລາ ນາທີ 19', ເບີ 16 ສຸກສະຫວັນ ພົມມະວົງໄຊ ນາທີ 66'

 ສະຫລຸບຕາຕະລາງຄະແນນ ອັນດັບ 1 ຊ້າງນ້ອຍ ລົງສະຫນາມ 8 ນັດ ຊະນະ 7 ນັດ ເສຍ 1 ນັດ ມີ 21 ຄະແນນ, ອັນດັບ 2 ມາສເຕີ້ ເຊເວັ້ນ ລົງສະຫນາມ 8 ນັດ ຊະນະ 6 ນັດ ສະເຫມີ 1 ນັດ ເສຍ 1 ນັດ ມີ 19 ຄະແນນ, ອັນດັບ 3 ເອສະຣາ ລົງສະຫນາມ 8 ນັດ ຊະນະ 3 ນັດ ສະເຫມີ 4 ນັດ ເສຍ 1 ນັດ ມີ 13 ຄະແນນ, ອັນດັບ 4 ຈຳປາສັກ ລົງສະຫນາມ 8 ນັດ ຊະນະ 4 ນັດ ເສຍ 4 ນັດ ມີ 12 ຄະແນນ, ອັນດັບ 5 ນ້ຳທາ ລົງສະຫນາມ 8 ນັດ ຊະນະ 3 ນັດ ສະເຫມີ 2 ນັດ ເສຍ 3 ນັດ ມີ 11 ຄະແນນ, ອັນດັບ 6 ກອງທັບ ລົງສະຫນາມ 8 ນັດ ຊະນະ 3 ນັດ ສະເຫມີ 2 ນັດ ເສຍ 3 ນັດ ມີ 11 ຄະແນນ, ອັນດັບ 7 ຫຼວງພະບາງ ລົງສະຫນາມ 8 ນັດ ຊະນະ 1 ນັດ ສະເຫມີ 1 ນັດ ເສຍ 5 ນັດ ມີ 4 ຄະແນນ ແລະ ອັນດັບ ສຸດທ້າຍ ວຽງຈັນ ລົງສະຫນາມ 8 ນັດ ເສຍ 8 ນັດ ມີ 0 ຄະແນນ, ຂະນະທີ່ ອັນດັບຜູ້ຍິງປະຕູສູງສຸດ ໃຈຄຳ ໄຊຍະປະເສີດ ຈາກ ສະໂມສອນ ມາສເຕີ້ ເຊເວັ້ນ ຍິງໄດ້ 19 ປະຕູ.

ສຳລັບ ຕາຕະລາງ ການແຂ່ງຂັນນັດກາງອາທິດນີ້ ວັນພຸດ 22 ພະຈິກ 2023 ເວລາ 16:00 ມາສເຕີ້ ເຊເວັ້ນ ພົບ ນ້ຳທາ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 1, ເວລາ 16:00 ກອງທັບ ພົບ ຫຼວງພະບາງແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 2, ເວລາ 19:00 ວຽງຈັນ ພົບ ເອສະຣາ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 1, ເວລາ 19:00 ຈຳປາສັກ ພົບ ຊ້າງນ້ອຍ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 2, ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.


News Cover

ທີມບານເຕະຍິງ ຊ້າງນ້ອຍ ຂຶ້ນເປັນທີມນຳ ຕາຕະລາງ ຄະແນນ ການແຂ່ງຂັນບານເຕະ ລາວລີກ ຍິງ ປະຈຳປີ 2023 ຮອບຂາໄປ

16/11/2023

ການແຂ່ງຂັນບານເຕະ ລາວລີກ ຍິງ ປະຈຳປີ 2023 ແມ່ນໄດ້ດຳເນີນການແຂ່ງຂັນສຳເລັດໃນຮອບຂາໄປເປັນທີ່ເປັນຮຽບຮ້ອຍແລ້ວ ພາຍຫຼັງໄດ້ດຳເນີນການແຂ່ງຂັນມານັບຕັ້ງແຕ່ວັນທີ 21 ຕຸລາ 2023 ໂດຍມີທີມເຂົ້າຮ່ວມການແຂ່ງຂັນ 8 ທີມປະກອບມີ: ຊ້າງນ້ອຍ, ມາສເຕີ້ ເຊເວັ້ນ, ເອສະຣາ, ກອງທັບ,ຫຼວງພະບາງ, ຈຳປາສັກ,ນໍ້າທາ ແລະ ວຽງຈັນ.

 ສຳລັບທີມທີ່ເຂົ້າຮ່ວມນັ້ນແມ່ນໄດ້ຮັບເງິນອຸດຫນູນຈຳນວນ 150 ລ້ານກີບ ຂະນະທີ່ ເງິນລາງວັນ ອັນດັບ 1 ແມ່ນຈະໄດ້ຮັບຂັນແຊັມພ້ອມເງິນລາງວັນ 100 ລ້ານກີບ, ອັນດັບ 2 ໄດ້ 50 ລ້ານກີບ ແລະ ອັນດັບ 3 ໄດ້ 20 ລ້ານກີບ.

 ສະຫລຸບຕາຕະລາງຄະແນນ ການແຂ່ງຂັນໃນຮອບຂາໄປ ອັນດັບ 1 ຊ້າງນ້ອຍ ລົງສະຫນາມ 7 ນັດ ຊະນະ 6 ນັດ ເສຍ 1 ນັດ ມີ 18 ຄະແນນ, ອັນດັບ 2 ມາສເຕີ້ ເຊເວັ້ນ ລົງສະຫນາມ 7 ນັດ ຊະນະ 5 ນັດ ສະເຫມີ 1 ນັດ ເສຍ 1 ນັດ ມີ 16 ຄະແນນ, ອັນດັບ 3 ເອສະຣາ ລົງສະຫນາມ 7 ນັດ ຊະນະ 3 ນັດ ສະເຫມີ 4 ນັດ ມີ 13 ຄະແນນ, ອັນດັບ 4 ກອງທັບ ລົງສະຫນາມ 7 ນັດ ຊະນະ 3 ນັດ ສະເຫມີ 2 ນັດ ເສຍ 2 ນັດ ມີ 11 ຄະແນນ, ອັນດັບ 5 ຈຳປາສັກ ລົງສະຫນາມ 7 ນັດ ຊະນະ 3 ນັດ ເສຍ 4 ນັດ ມີ 9 ຄະແນນ, ອັນດັບ 6 ນ້ຳທາ ລົງສະຫນາມ 7 ນັດ ຊະນະ 2 ນັດ ສະເຫມີ 2 ນັດ ເສຍ 3 ນັດ ມີ 8 ຄະແນນ, ອັນດັບ 7 ຫຼວງພະບາງ ລົງສະຫນາມ 7 ນັດ ຊະນະ 1 ນັດ 1 ສະເຫມີ 1 ນັດ ເສຍ 5 ມີ 4 ຄະແນນ ແລະ ອັນດັບ ສຸດທ້າຍ ວຽງຈັນ ລົງສະຫນາມ 7 ນັດ ເສຍ 7 ນັດ ມີ 0 ຄະແນນ, ຂະນະທີ່ ອັນດັບຜູ້ຍິງປະຕູສູງສຸດ ແມ່ນເທົ່າກັນຫມົດ 3 ຄົນ ໃຈຄຳ ໄຊຍະປະເສີດ, ຈິນດາ ສີຫາລາດ ຈາກ ສະໂມສອນ ມາສເຕີ້ ເຊເວັ້ນ ແລະ ສຸພາວັນ ໄພວັນ ຈາກ ສະໂມສອນ ເອສະຣາ ແມ່ນຍິງໄດ້ທັງຫມົດ 18 ປະຕູ.

 ສຳລັບ ຕາຕະລາງ ການແຂ່ງຂັນໃນອາທິດນີ້ ວັນເສົາ 18 ພະຈິກ 2023 ເວລາ 17:00 ຫຼວງພະບາງ ພົບ ມາສເຕີ້ ເຊເວັ້ນ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 1, ເວລາ 17:00 ນ້ຳທາ ພົບ ເອສະຣາ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 2 ແລະ ວັນອາທິດ 19 ພະຈິກ 2023 ເວລາ 17:00 ກອງທັບ ພົບ ຊ້າງນ້ອຍ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 1, ເວລາ 17:00 ວຽງຈັນ ພົບ ຈຳປາສັກ ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ ສະຫນາມ 2, ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.


News Cover

ສະຫຼຸບຜົນການແຂ່ງຂັນບານເຕະ ລາວລີກຍິງ 2023 ປະຈຳ ນັດທີ2

25/10/2023

ສະຫຼຸບຜົນການແຂ່ງຂັນບານເຕະ ລາວລີກຍິງ 2023 ປະຈຳ ນັດທີ2

- ນ້ຳ​ທາ 1-3 ມາ​ສ​ເຕີ້ ເຊ​ເວັ້ນ

- ຫຼວງ​ພະ​ບາງ 0-2 ກອງ​ທັບ

- ເອ​ສະ​ຣາ 28-0 ວຽງ​ຈັນ

- ຊ້າງ​ນ້ອຍ 4-1 ຈຳ​ປາ​ສັກ 

ການແຂ່ງຂັນບານເຕະ ລາວລີກຍິງ ປະຈຳອາທິດທີ2 ນັດທີ3 28-29 ຕຸລາ 2023

28 ຕຸລາ

🟣 ກອງທັບ ພົບ ມາສເຕີ້ ເຊເວັ້ນ

- ⏱ ວັນເສົາ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ1

🟣 ວຽງຈັນ ພົບ ນ້ຳທາ

- ⏱ ວັນເສົາ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ2

29 ຕຸລາ

🟣 ຫຼວງພະບາງ ພົບ ຈຳປາສັກ

- ⏱ ວັນອາທິດ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ1

🟣 ຊ້າງນ້ອຍ ພົບ ເອສະຣາ

- ⏱ ວັນອາທິດ ເວລາ 16:00 PM

- 🏟 ແຂ່ງຂັນຢຸ່ທີ່ສະໜາມສູນຝຶກ ຫ້ວຍຫົງ2

News Cover

ສຕລ ຈັດກອງປະຊຸມສຳມະນາ ການພັດທະນາກິລາບານເຕະຍິງ 2023

24/10/2023

ນະຄອນຫຼວງວຽງຈັນ ວັນທີ 24 ຕຸລາ 2023 ຢູ່ທີ່ຫ້ອງປະຊຸມໂຮງແຮມ ແລນມາກ ນະຄອນຫຼວງວຽງຈັນ,ສະຫະພັນບານເຕະແຫ່ງຊາດລາວ ໄດ້ຈັດກອງປະຊຸມສຳມະນາ ການພັດທະນາກິລາບານເຕະຍິງ 2023 LFF WOMEN’S FOOTBALL DEVELOPMENT WORKSHOP 2023 ເປັນກຽດເຂົ້າຮ່ວມເປັນປະທານ ຂອງ ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ເປັນກຽດເຂົ້າຮ່ວມກອງປະຊຸມຄັ້ງນີ້ີຍັງມີີ ທ່ານ ແສງພອນ ພົນອາມາດ ຫົວຫນ້າກົມກິລະດັບສູງ ກະຊວງສຶກສາທິການ ແລະ ກິລາ, ຜູ້ຕາງໜ້າຈາກ ສະຫະພັນບານເຕະນາໆຊາດ ຫຼື ຟີຟາ, ຕົວແທນຈາກອົງການຈັດຕັ້ງລັດ ແລະ ເອກະຊົນ,ຄະນະບໍລິຫານງານ ສຕລ, ຜູ້ແທນຈາກບັນດາສະຫະພັນບານເຕະແຂວງ, ນະຄອນຫຼວງ, ຜູ້ສະຫນັບສະຫນູນ, ຜູ້ຕາງໜ້າຈາກສະໂມສອນກິລາບານເຕະລາວລີກ 1 ປະຈໍາປີ 2023, ບັນດາຄູຝຶກທີມຊາດລາວ, ບັນດາສື່ມວນຊົນ ພ້ອມດ້ວຍ ບັນດາວິຊາການ ສຕລ. ກ່າວເປີດກອງປະຊຸມຢ່າງເປັນທາງການ, ທ່ານ ວີເພັດ ສີຫາຈັກຣ໌ ປະທານສະຫະພັນບານເຕະແຫ່ງຊາດລາວໄດ້ກ່າວວ່າ: ‘’ ສຕລ ໄດ້ເຫັນຄວາມສຳຄັນໃນການພັດທະນາກິລາບານເຕະຍິງ ໂດຍມີການສົ່ງເສີມໃຫ້ການແຂ່ງຂັນພາຍໃນ ເຊັ່ນ:ການແຂ່ງຂັນບານເຕະ ລາວລີກຍິງ ປະຈຳປີ 2023 ທີ່ໄດ້ເລີ້ມຂຶ້ນໃນທ້າຍອາທິດທີ່ຜ່ານມາ ລວມທັງການແຂ່ງຂັນບານເຕະເຍົາວະຊົນໃນແຕ່ລະແຂວງ, ພ້ອມດຽວກັນນັ້ນ ສຕລ ຍັງໄດ້ສົ່ງເສີມການພັດທະນາບຸກຄະລາກອນທີ່ເປັນເພດຍິງ ແລະ ຊຸກຍູ້ໃຫ້ເຂົາເຈົ້າກ້າວສູ່ລະດັບເວທີສາກົນ ເຊັ່ນ: ທ່ານ ນ. ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ ພ້ອມທັງເປັນຄະນະບໍລິຫານງານຂອງ FIFA ແລະ AFC ແລະ ທ່ານ ນ.ພຸດສະຫວັນ ຈັນທະວົງ ກຳມະການຕັດສິນຍິງລະດັບ AFC ELITE ທີ່ໄດ້ເຂົ້າຮ່ວມຕັດສິນລະດັບສາກົນມາຫລາຍຄັ້ງແລ້ວ, ການພັດທະນາກິລາບານເຕະຍິງໃນ ສປປລາວ ຈະບໍ່ສາມາດບັນລຸເປົ້າຫມາຍໄດ້ ຫາກຂາດການຮ່ວມມື ແລະ ສະຫນັບສະຫນູນຈາກພາກລັດກໍຄືກະຊວງສຶກສາທິການ ແລະ ກິລາ,ສະຫະພັນບານເຕະແຂວງ ນະຄອນຫຼວງ,ສະໂມສອນ ບານເຕະ, ສະຖາບັນການສຶກສາ, ໃນການພັດທະນາດ້ານກິລາ, ຜູ້ສະຫນັບສະຫນູນ,ສື່ມວນຊົນ ທີ່ຈະຊ່ວຍຜັກດັນ ແລະ ເປັນກະບອກສຽງໃຫ້ແກ່ການພັດທະນາກິລາບານເຕະຍິງໃນທົ່ວປະເທດ‘’ .

  ທ່ານ ນ.ກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ ໄດ້ກ່າວວ່າ ‘’ ສຳລັບໂຄງການການພັດທະນາກິລາບານເຕະຍິງນີ້ເກີດຂຶ້ນເຊິ່ງເປັນຄັ້ງທຳອິດ ທີ່ ສຕລ ໄດ້ມີການສ້າງແຜນຍຸດທະສາດ ພັດທະນາກິລາບານເຕະຍິງ ໂດຍເປັນການສຶກສາຄົ້ນຄວ້າຈາກ ພະແນກເຕັກນິກ - ວິທະຍາ ຂອງ ສຕລ ຮ່ວມກັບຟີຟາ ຕິດຕາມຢ່າງໃກ້ສິດໃນທຸກຂັ້ນຕອນ ເພື່ອສ້າງໃຫ້ແຜນຍຸດທະສາດນີ້ສົມບູນແບບທີ່ສຸດ ແລະ ສ້າງຄວາມຫມັ້ນໃຈແກ່ຜູ້ໃຫ້ທຶນ ກໍຄື ຟີຟາໃນການຮັບຮອງໂຄງການດັ່ງກ່າວ ແລະ ມອບທຶນໃຫ້ກັບ ສຕລ ເພື່ອຈັດຕັ້ງແຜນຍຸດທະສາດໃຫ້ເກີດຫມາກຜົນທີ່ສຸດ.

 ສຕລ ເລັ່ງເຫັນຄວາມສຳຄັນໃນການສ້າງໂຄງການພັດທະນາກິລາບານເຕະຍິງນີ້ໂດຍເລີ້ມຈາກການວາງແຜນຍຸດທະສາດເພື່ອເປັນແບບແຜນການຈັດຕັ້ງປະຕິບັດໃຫ້ມີການພັດທະນາແບບຍືນຍົງ

 ໃນວາລະຂອງການສຳມະນາ ຜູ້ເຂົ້າຮ່ວມສຳມະນາຍັງໄດ້ຮ່ວມສົນທະນາ ເພື່ອແລກປ່ຽນຄວາມຄິດເຫັນໂດຍແບ່ງການສົນທະນາເປັນກຸ່ມ 8 ເສົາຫລັກຍຸດທະສາດ ຄື: ບານເຕະຂັ້ນພື້ນຖານ, ການເຟັ້ນຫານັກກິລາພອນສະຫວັນ, ການພັດທະນາພອນສະຫວັນ, ພັດທະນາຄູຝຶກ, ລີກ / ສະໂມສອນ, ທີມຊາດ, ການບໍລິຫານ - ການປົກຄອງ ແລະ ການສະຫນັບສະຫນູນ.


News Cover

ຖະແຫລງຂ່າວແຂ່ງຂັນບານເຕະລາວລີກຍິງ ປະຈຳປີ 2023, ເລີ່ມ 21 ຕຸລາ ນີ້

20/10/2023

    ການແຂ່ງຂັນບານເຕະລາວລີກຍິງ ປະຈຳປີ 2023 ( Lao Women's League 2023 )ຈະເປີດສາກຢ່າງເປັນທາງການໃນວັນເສົາ 21 ຕຸລາ 2023 ເຊິ່ງໃຊ້ສະໜາມຫຍ້າທຽມສະຫະພັນບານເຕະແຫ່ງຊາດລາວ ສະໜາມ 1 ແລະ ສະໜາມ 2 ຕັ້ງຢູ່ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ ເປັນສະໜາມແຂ່ງຂັນ ໂດຍມີທີມເຂົ້າຮ່ວມທັງໝົດ 8 ທີມ.

   ພິທີຖະແຫຼງຂ່າວກະກຽມການແຂ່ງຂັນບານເຕະ ລາວລີກຍິງ ປະຈໍາປີ 2023 ໃຫ້ກຽດເຂົ້າຮ່ວມໂດຍ ທ່ານ ຈັນທະວົງ ສີລິມະໂນທຳ ຮອງເລຂາທິການ ສະຫະພັນບານເຕະແຫ່ງຊາດລາວ (ສຕລ), ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ, ທ່ານ ນາງ ອານຸລັກ ທອງຄໍາສະຫວັດ ຜູ້ຈັດການຝ່າຍຂາຍ ບໍລິສັດ ວາຣີິ, ທ່ານ ບຸນສູງ ຄົມຂາວ ຫົວໜ້າພະແນກການຕະຫຼາດ ບໍລິສັດ ອີໂວ ສະຕໍ.

   ໃນໂອກາດຖະແຫຼງຂ່າວ, ທ່ານ ຈັນທະວົງ ສີລິມະໂນທຳ ຮອງເລຂາທິການ ສຕລ ໄດ້ກ່າວວ່າ: ການຈັດການແຂ່ງຂັນບານເຕະ ລາວລີກ ຍິງ ຄັ້ງນີ້ເປັນຄັ້ງທໍາອິດທີ່ຈັດເປັນແບບລີກຂອງເພດຍິງ, ເຊິ່ງຕ້ອງຂໍຂອບໃຈມາຍັງທຸກໆພາກສ່ວນ ທັງຜູ້ສະໜັບສະໜູນ ແລະ ບັນດາທີມທີ່ສົ່ງທີມເຂົ້າຮ່ວມການແຂ່ງຂັນ ໂດຍງົບປະມານຫຼັກໄດ້ຈາກ ສະຫະພັນບານເຕະນາໆຊາດ (FIFA) ເພື່ອຈັດການແຂ່ງຂັນລີກບານເຕະຍິງແບບຍືນຍົງ ແລະ ຈັດຂຶ້ນທຸກໆປີ ເພື່ອພັດທະນານັກກີລາຍິງ ແລະ ເປັນຕົວເລືອກນັກກີລາສູ່ທີມຊາດ.

   ຂະນະດຽວກັນ ທ່ານ ສັນຕິກອນ ແສງດາລາ ຫົວຫນ້າພະແນກຈັດການແຂ່ງຂັນ ສຕລ ກ່າວວ່າ: ປີນີ້ເປັນປີທໍາອິດທີ່ ສຕລ ຈັດການແຂ່ງຂັນບານເຕະລາວລີກຍິງ ປະຈໍາປີ 2023 ຫວັງວ່າລາຍການນີ້ຈະໃຫ້ປະໂຫຍດ ແລະ ສາມາດສ້າງຖານນັກກີລາຍິງໃຫ້ມີມາດຕະຖານທີ່ສູງຂຶ້ນ ໂດຍໄດ້ຮັບການສະໜັບສະໜູນຈາກບັນດາສະໂມສອນໃນລາວລີກ 1 ຊ່ວຍໃຫ້ການສ້າງທີມຍິງ ເຂົ້າຮ່ວມການແຂ່ງຂັນບານເຕະ ລາວລີກ ຍິງ ນັບແຕ່ປີ 2023 ເປັນຕົ້ນໄປ ລວມເຖິງຈະເພີ່ມຈໍານວນທີມເຂົ້າຮ່ວມການແຂ່ງຂັນຂຶ້ນເລື້ອຍໆ ແລະ ຈະມີການພິຈາລະນາວ່າຈະໃຫ້ມີການຕົກຊັ້ນເລື່ອນຊັ້ນໃນອະນາຄົດ.

   ສໍາລັບ ການແຂ່ງຂັນບານເຕະ ລາວລີກຍິງ ປະຈຳປີ 2023 ເປີດສາກຢ່າງເປັນທາງການໃນວັນເສົາ 21 ຕຸລາ 2023 ແລະ ຈະໄປສິ້ນສຸດໃນວັນທີ 20 ທັນວາ 2023 ໂດຍມີທີມເຂົ້າຮ່ວມທັງຫມົດ 8 ທີມປະກອບມີ:

1. ຊ້າງນ້ອຍ

2. ມາສເຕີ້ ເຊເວັ້ນ

3. ເອສະຣາ

4. ກອງທັບ

5. ຫຼວງພະບາງ

6. ຈຳປາສັກ

7. ນໍ້າທາ

8. ວຽງຈັນ

   ສໍາລັບ ທີມທີ່ເຂົ້າຮ່ວມນັ້ນແມ່ນໄດ້ຮັບເງິນອຸດຫນູນຈຳນວນ 150 ລ້ານກີບ ຂະນະທີ່ ເງິນລາງວັນ ອັນດັບ 1 ແມ່ນຈະໄດ້ຮັບຂັນແຊັມພ້ອມເງິນລາງວັນ 100 ລ້ານກີບ, ອັນດັບ 2 ໄດ້ 50 ລ້ານກີບ ແລະ ອັນດັບ 3 ໄດ້ 20 ລ້ານກີບ.

ຕາຕະລາງ ການແຂ່ງຂັນໃນອາທິດທຳອິດ

ວັນເສົາ 21 ຕຸລາ 2023 ເວລາ 16:00 ມາສເຕີ້ ເຊເວັ້ນ ພົບ ຫຼວງພະບາງ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 1, ເວລາ 16:00 ຈຳປາສັກ ພົບ ວຽງຈັນ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 2 ແລະ ວັນທີ 22 ຕຸລາ 2023 ເວລາ 16:00 ເອສະຣາ ພົບ ນ້ຳທາ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 1 ແລະ ເວລາ 16:00 ຊ້າງນ້ອຍ ພົບ ກອງທັບ ແຂ່ງຂັນຢູ່ທີ່ຫຍ້າທຽມສະຫະພັນບານເຕະແຫ່ງຊາດລາວ ສະໜາມ 2.

ສາມາດໄປຊົມ ແລະ ເຊຍ ຕິດຂອບສະຫນາມທີມທີ່ຕົນເອງມັກໄດ້, ເຂົ້າຊົມບໍ່ເສຍຄ່າ(FREE) ແລະ ສາມາດຮັບຊົມ ການຖ່າຍທອດສົດໄດ້ທີ່ ເພສເຟສບຸກ LAOWOMEN'SLEAGUE ລາວລີກຍິງ ,Youtube LAOFF TV ແລະ Application LTC PLAY.

---------------------------------------------

ຕິດຕາມຂ່າວສານກ່ຽວກັບບານຍິງ

FB: Lao Women's League ລາວລີກຍິງ

https://www.facebook.com/Laowomensleague/

IG: laowomensleague_official https://www.instagram.com/laowomensleague_official/

Youtube: LAOFF TV ສະຫະພັນບານເຕະແຫ່ງຊາດລາວ https://www.youtube.com/channel/UCvFindEKBnIA2H9dDMWrwkQ

TikTok: laowomensleague_official

https://www.tiktok.com/@laowomensleague_official

#LaoWomensFootball

#LaoFootball

#LaoFootballFederation

#ບານເຕະຍິງລາວ

#LaowomensLeague

#ສະຫະພັນບານເຕະແຫ່ງຊາດລາວ

#Daretoplay

#ກ້າທີ່ຈະສູ້


News Cover

AFC Women’s Football Committeeຈັດກອງປະຊຸມຄັ້ງປະຖົມມະເລີກສົກປີ2023-2027 ພາຍໃຕ້ການເປັນປະທານຂອງ ທ່ານ ນາງ ກັນຍາ ແກ້ວມະນີ

23/08/2023

ວັນທີ 20 ສິງຫາ 2023, ອະນຸກໍາມະການບານເຕະຍິງຂອງສະຫະພັນບານເຕະອາຊີ (AFC Women’s Football Committee) ໄດ້ຈັດກອງປະຊຸມຄັ້ງປະຖົມມະເລີກຂອງສົກປີ 2023-2027 ຂື້ນ ທີ່ນະຄອນຊິດນີ ປະເທດ

ອົສະຕຣາລີ ໂດຍການເປັນປະທານຂອງ ທ່ານ ນາງ ກັນຍາ ແກ້ວມະນີ,ຫົວໜ້າອະນຸກໍາມະການບານເຕະຍິງສະຫະພັນບານເຕະອາຊີ,ທັງເປັນຄະນະບໍລິຫານງານຟີຟາ,ຄະນະບໍລິຫານງານເອເອັຟຊີ ແລະ ເລຂາທິການສະຫະພັນບານເຕະແຫ່ງຊາດລາວ.

ໃນກອງປະຊຸມໄດ້ປຶກສາຫາລືປະເດັນທີ່ສໍາຄັນແມ່ນການຮັບຮອງເອົາເງື່ອນໄຂຂອງສະໂມສອນບານເຕະຍິງທີ່ຈະເຂົ້າຮ່ວມການແຂ່ງຂັນບານເຕະຍິງ AFC Women’s Champions League ເຊິ່ງຈະອະນຸຍາດໃຫ້ 1 ສະໂມສອນຈາກ 1 ປະເທດສະມາຊິກ ເຂົ້້າຮ່ວມການແຂ່ງຂັນຕັ້ງແຕ່ລະດູການ 2024/2025 ຫາ ລະດູການ 2027/2028 ຫຼັງຈາກນັ້ນ ຈະໄດ້ບັງຄັບໃຊ້ການອອກໃບອະນຸຍາດສະໂມສອນ (Club Licensing) ຕັ້ງແຕ່ລະດູການ 2028/2029 ເປັນຕົ້ນໄປ ສໍາລັບສະໂມສອນທີ່ຈະເຂົ້າຮ່ວມລາຍການດັ່ງກ່າວ.

ສໍາລັບຮູບແບບການແຂ່ງຂັນ ປະກອບມີການແຂ່ງຂັນຮອບຄັດເລືອກ ແລະ ຮອບແບ່ງກຸ່ມມີທັງໝົດ 12 ສະໂມສອນ ໂດຍແບ່ງອອກເປັນ 3 ກຸ່ມ ຕໍ່ດ້ວຍຮອບຄັດທີມອອກ ໂດຍຈະມີການຈັດອັນດັບຕາມ AFC ranking.

ນອກນັ້ນ, ອະນຸກໍາມະການ ຍັງເຫັນດີໃນດ້ານຫຼັກການ ໃນການປັບປຸງການແຂ່ງຂັນບານເຕະຍິງຊິງແຊ້ມອາຊີ, ການຄັດເລືອກຂອງການແຂ່ງຂັນບານໂລກຍິງ ແລະ ການແຂ່ງຂັນບານເຕະຍິງໃນມະຫາກໍາກິິລາໂອແລັມປິກ ໃຫ້ສອດຄ່ອງກັບສະພາບຕົວຈິງ.

News Cover

ສຕລແລະຫຼວງພະບາງຈັດກິດຈະກໍາ ສະຫຼອງ ວັນແມ່ຍິງສາກົນ

08/03/2023

ສະຫະພັນບານເຕະແຫ່ງຊາດລາວ(ສຕລ) ແລະ ສະຫະພັນບານເຕະຫລວງພະບາງ ໄດ້ຈັດພິທີເປີດກິດຈະກໍາບານເຕະຍິງ ສະຫລອງວັນແມ່ຍິງສາກົນຄົບຮອບ113ປີຂຶ້ນທີ່ ສະຫນາມກິລາຫລວງພະບາງ ໃນວັນທີ 8 ມີນາ 2023 ໂດຍ ເປັນກຽດເຂົ້າຮ່ວມຂອງ ທ່ານ ນາງ ພູໄຊ ແພງພົງ ຄະນະບໍລິຫານງານ ສຕລ.ທ່ານ ວັນທອງ ແພງສະຫວັດ ຮອງປະທານສະຫະພັນບານເຕະແຂວງ; ພ້ອມດ້ວຍຄະນະບໍລິຫານງານ, ຄະນະຄູຝຶກ ນັກກິລາ ແລະ ພໍ່ແມ່ຜູ້ປົກຄອງເຂົ້າຮ່ວມ

ໃນພິທີດັ່ງກ່າວ ທ່ານນາງ ພູໄຊ ແພງພົງໄດ້ກ່າວວ່າ . ການສະເຫລີມສະຫລອງຈັດກິດຈະກໍາບານເຕະຍິງຄັ້ງນີ້ ແມ່ນເປັນຄັ້ງທີ່ VII ຂອງປະເທດລາວ ທີ່ຈັດຂຶ້ນ ພາຍໃຕ້ການສະຫນັບສະຫນຸນ ຈາກໂຄງການ AFC Women's day

ໂຄງການນີ້ແມ່ນເປີດໃຫ້ເດັກນ້ອຍເພດຍິງໄດ້ມີໂອກາດຝຶກຊ້ອມ ແລະ ຫລິ້ນກິລາບານເຕະ ເພື່ອພັດທະນາໂຕເອງກ້າວຂຶ້ນໄປສູ່ລະດັບແຂວງ ແລະ ລະດັບຊາດໃນອະນາຄົດ ການເປີດກິດຈະກໍາສະເຫລີມສະຫລອງບານເຕະຍິງທີ່ແຂວງຫລວງພະບາງນີ້ແມ່ນການຕົກລົງເຫັນດີຂອງຄະນະບໍລິຫານງານ ສະຫະພັນບານເຕະແຫ່ງຊາດລາວ ໃນກອງປະຊຸມໃຫຍ່ສະໄຫມສາມັນປະຈໍາປີ 2022 ໂດຍເລັ່ງເຫັນວ່ານັກກິລາເຍົາວະຊົນເພດຍິງຂອງແຂວງຫລວງພະບາງແມ່ນມີທັກສະຄວາມສາມາດດ້ານກິລາບານເຕະທີ່ດີເດັນ ເຫັນໄດ້ຈາກຜົນງານການເຂົ້າຮ່ວມແຂ່ງຂັນລາຍການ ລະດັບປະເທດ ທີ່ຈັດຂຶ້ນໃນປີທີ່ຜ່ານມາ ໃນນາມຕາງຫນ້າໃຫ້ແກ່ສຕລແລະໃນນາມສ່ວນຕົວຂ້າພະເຈົ້າຂໍສະແດງຄວາມຂອບໃຈເປັນຢ່າງສູງທີ່ຄະນະບໍລິຫານງານສະຫະພັນບານເຕະຫລວງພະບາງໄດ້ໃຫ້ການຮ່ວມມື ແລະ ປະສານວຽກງານຕ່າງໆ ເປັນຢ່າງດີ ເພື່ອໃຫ້ການຈັດງານຄັ້ງນີ້ເກີດຂຶ້ນ.

ຈາກນັ້ນ ທ່ານ ວັນທອງ ແພງສະຫວັດ ຮອງປະທານສະຫະພັນບານເຕະແຫ່ງແຂວງ ໄດ້ກ່າວຂອບໃຈຕໍ່ທາງສະຫະພັນແຫ່ງຊາດລາວທີ່ປີນີ້ໄດ້ ຍາດໂອກາດ ແລະ ມາຈັດງານກິດຈະກໍາວັນແມ່ຍິງສາກົນທີ່ມີຄວາມໝາຍຄວາມສໍາຄັນນີ້ ຢູ່ຫຼວງພະບາງອີກຄັ້ງ ຖືເປັນກິດຈະກໍາດີໆທີ່ໃຫ້ເອື້ອຍນ້ອງແມ່ຍິງໄດ້ພັດທະນາຕົນເອງ, ກ້າສະແດງອອກ ເປີດໂອກາດໄດ້ເຂົ້າຮ່ວມໃນກິດຈະກໍາບານເຕະ ເຊິ່ງທີ່ຜ່ານມາແຂວງຫຼວງພະບາງໄດ້ສົ່ງນັກກິລາເຂົ້າຮ່ວມໃນລາຍການ, ໃນການແຂ່ງຂັນຕ່າງໆ ຖືເປັນປະສົບການ ເພື່ອພັດທະນາຕົນເອງ ກໍຄືປະເທດຊາດ.

ພາຍໃນງານສຕລຍັງໄດ້ມອບບານເຕະໃຫ້ 6 ພາກສ່ວນຄື ມສ ເດັກກໍາພ້າ ຈໍານວນ 5 ຫນ່ວຍ; ມສ ຊົນເຜົ່າສວນຫລວງ ຈໍານວນ 5 ຫນ່ວຍ; ໂຮງຮຽນຊົນເຜົ່ານໍ້າບາກ 5 ຫນ່ວຍ; ມສ ບ້ານຄອຍ ຈໍານວນ 5 ຫນ່ວຍ ; ມສ ສັນຕິພາບ ຈໍານວນ 10 ຫນ່ວຍ; ສະຫະພັນບານເຕະແຂວງ 10 ຫນ່ວຍ ນອກນັ້ນຍັງໄດ້ຫລິ້ນກິດຈະກໍາລາກຫລາຍຢ່າງ ບໍ່ວ່າຈະເປັນຫລອກບານ, ຊຸດບານ, ສົ່ງບານ;ເກມມ່ວນຊື່ນ;ຈັບບານ ແລະ ໃນຕອນທ້າຍ ຍັງມີການແຂ່ງຂັນບານເຕະ ທີ່ມີການມອບລາງວັນໃຫ້ທີມທີ່ຊະນະເລີດ ແລະ ຮອງ ຈາກສະຫະພັນບານເຕະແຫ່ງຊາດລາວ ຄື ໄດ້ທີ່ 1 ທີມນາງແມວ ໄດ້ບານເຕະ 10 ຫນ່ວຍ. ທີມທີ 2 ທີມ ຄໍເຊັນເຕີ ໄດ້ບານເຕະ 5 ຫນ່ວຍ; ທີມທີ 3 ທິມ AFC ໄດ້ບານເຕະ 3 ຫນ່ວຍ ແລະ ທີມ ທີ 4 ທີມ ສໍ່ານີ້ລ້າລ້າ ໄດ້ບານເຕະ 2 ຫນ່ວຍ .

News Cover

KANYA KEOMANY ຕໍ່ສູ້ເພື່ອການສ້າງຄວາມເຂັ້ມແຂງຂອງແມ່ຍິງ ໂດຍ: LIAM GARNIER

15/02/2023
  • ກິລາບານເຕະຍິງກຳລັງໄດ້ຮັບຄວາມນິຍົມໃນທົ່ວໂລກ ແລະ ພັດທະນາໄວກວ່າທີ່່ເຄີຍມີມາ. ໃນຕົ້້ນປີກາຍນີ້້, ນີ້້ທ່ານນາງ ກັນຍາ ແກ້ວມະນີ ໄດ້ີ ຮັບເລືອກຕັ້້ງເປັນສະມາຊິກິສະພາຟີຟ່າຂອງລາວຄົນທຳອິດ. ນາງໄດ້ເຮັັດວຽກຫຼຼາຍປີເພື່່ອສົ່ງເສີມກິລາບານເຕະຍິິງໃນອາຊີີໃນຖານະເປັນສະມາຊິິກຂອງຄະນະກໍໍາມະການບານເຕະຍິງຂອງ AFC. ການສໍໍາພາດນີ້້ຫວັງວ່າຈະສ່ອງແສງໃຫ້ເຫັັນເຖິງອະນາຄົດຂອງບານເຕະຍິງ ແລະ ແມ່ຍິງທີ່່ເຮັັດວຽກຢູ່ໃນອຸດສາຫະກໍໍາບານເຕະ.
  • ໃນຖານະເປັນສະມາຊິິກລາວຄົົນທໍໍາອິິດໃນສະພາ FIFA, ທ່ານຢາກເຫັັນແນວຄວາມຄິິດແນວໃດໃນຕາຕະລາງ? 
  •   ກ່ອນອື່່ນໝົດ, ຖືວ່າເປັນກຽດຢ່າງແທ້ຈິງທີ່່ໄດ້ຮັບເລືືອກ ຕັ້້ງປັນສະມາຊິກສະມາຊິກິສະພາຂອງ FIFA ເພື່່ອເປັນຕົວແທນໃຫ້ແກ່ແມ່ຍິງອາຊີເຂົ້້າຮ່ວມ ການແຂ່ງຂັນກິລາທີ່່ໃຫຍ່ທີ່່່ສຸດໃນໂລກ. ບໍ່ວ່າຂ້ອຍຢູ່ໃສ, ເປົ້າໝາຍຂອງຂ້ອຍແມ່ນຜູ້ຍິງສະເໝີີ. ການພັດທະນາກິລາບານເຕະຍິງແມ່ນສິ່່ງທີ່່ຂ້ອຍມຸ່ງຫມັ້້ນທີ່່ຈະເຮັັດບໍ່ພຽງແຕ່ຢູ່ໃນສະຫນາມເທົ່ານັ້້ນແຕ່ນອກສະຫນາມເຊັ່ນກັນ. ຂ້າພະເຈົ້້າຫວັງວ່າຈະເປັນສຽງສໍໍາລັບຜູ້ຍິງ, ຄູຝຶກສອນແມ່ຍິງ, ຜູ້ຕັດສິນ, ຜູ້ບໍໍລິຫານ, ແລະ ອື່່ນໆ, ເພື່່ອເຮັັດໃຫ້ສຽງຂອງເຂົາເຈົ້າໄດ້ຍິິນໃນທຸກ ລະດັບຂອງອົງການປົກຄອງບານເຕະ ແລະ ສໍໍາຄັນທີ່່ສຸດ , ສົ່ງເສີມຄວາມລວມຂອງສັັງຄົົມສໍໍາລັບແມ່ຍິງໃນກິລາບານເຕະ ແລະ ໃຫ້ແນ່ໃຈ່ວ່າແມ່ຍິງທຸກຄົນຍິນິດີຕ້ອນຮັບໃນອຸດສາຫະກໍໍາບານເຕະ.

  • ບານເຕະຍິິງໃນອາຊີີໄດ້ເປັນສ່ວນຫນຶ່່ງທີ່່ສໍໍາຄັັນຂອງການເຮັັດວຽກຂອງທ່ານສໍໍາລັັບ 15 ປີທີ່່ຜ່ານມາ. ສິ່່ງທ້າທາຍທີ່່ຍັັງເຫຼືືອ ແມ່ນຍັງຕ້ອງໄດ້ຜ່ານຜ່າເພື່່ອໃຫ້ກິິລາພັດທະນາຕໍ່ໄປ?

  ເມື່່ອບໍ່ດົນມານີ້ FIFA ແລະ AFC ໄດ້ນີ້້ລົງທຶຶນຫຼຼາຍໃນການພັດທະນາກິລາບານເຕະຍິງ. ຄວາມນິຍົມຂອງກິລາບານເຕະຍິງໄດ້ເພີ່່ມຂຶ້້ນຢ່າງຫຼວງຫຼຼາຍຫຼັັງຈາກການແຂ່ງຂັນເຕະບານໂລກແມ່ຍິງໃນປີ 2019, ປະເທດຝຣັ່ງ. ໃນປັດຈຸບັນພວກເຮົົາເຫັັນແມ່ຍິງໃນຕໍໍາແຫນ່ງ ບໍໍລິິຫານບານເຕະຫຼາຍຂຶ້້ນ. ເຈົ້້າໜ້າທີ່່ເພດຍິງໄດ້ຮັບການແຕ່ງຕັ້ງໃຫ້ເປັນເຈົ້າໜ້າທີ່່ໃນການແຂ່ງຂັນບານເຕະຊາຍໂລກຄັ້ງສຸດທ້າຍທີ່່ປະເທດກາຕາ ແລະ ສື່ມວນຊົນຈໍໍານວນຫຼາຍໄດ້ເນັ້ນໃສ່ການສົ່ງເສີມນັກເຕະຍິງ ແລະ ຄູຝຶກບານເຕະ. ມັນເປັນສັນຍານໃນທາງບວກສໍໍາລັບບານເຕະຍິງໂດຍທົ່ວໄປ. ຢ່າງໃດກໍ່ຕາມ, ຍັງມີບາງຈຸດທີ່່ດທີ່່ຈະປັບປຸງໂດຍສະເພາະໃນສະມາຄົມສະມາຊິກບານເຕະຂະຫນາດນ້ອຍທີ່່ບານເຕະຍິງຍັງບໍ່ເປັນທີ່່ນິຍົມ ແລະ ຂາດການສະຫນັບສະຫນູນ.ພວກເຂົົາຕ້ອງການການຊ່ວຍເຫຼືືອທີ່່ຖືກຕ້ອງເພື່່ອເສີມສ້າງຄວາມສາມາດຂອງເຂົາເຈົ້າເພື່ອໃຫ້ພວກເຂົາສາມາດແຂ່ງຂັນກັບທີມບານເຕະແຫ່ງຊາດທີ່່ໃຫຍ່ກວ່າການແຂ່ງຂັນໂດຍສະເພາະໃນເວທີບານເຕະທີ່່ໃຫຍ່ທີ່ສຸດຂອງໂລກເຊັ່ນ:FIFA Women’s World Cup.

  • ານປ່ຽນແປງໃຫມ່ຂອງຮູບແບບເຕະບານໂລກຈະຊ່ວຍໃຫ້ສະຫະພັນບານເຕະທີ່ຮູ້ຈັັກຫນ້ອຍເຊັ່ນ AFF ແນວໃດ?

  ບານເຕະຍິງໂລກ 2023 ຈະເປັນບານເຕະໂລກຄັ້ງທຳອິດທີ່່ມີ 32 ທີີໃນອົດສະຕາລີີ ແລະ ນິວິຊີແລນ. ສໍໍາລັບ AFF, ນີ້ຫມາຍຄວາມວ່າໂອກາດຫຼາຍສໍໍາລັບປະເທດອາຊຽນທີ່່ຈະຢູ່ໃນເຕະບານໂລກ. ປັດຈຸບັນພວກເຮົາມີ 2 ທີີມອາຊຽນທີ່່ຈະເປີດຕົວໃນບານໂລກຄື: ຫວຽດນາມ ແລະ ຟີລິບປິນ, ໃນຂະນະທີ່່ລໍໍຖ້າ ໄທຜ່ານເຂົ້້າຮອບ Play-off ເຊິ່ງຈະຕັດສິນໃນກາງເດືອນກຸມພານີ້. ມັນເປັນແຮງບັນດານໃຈທີ່່ຈະເຫັນທີີມຊາດຂະຫນາດນ້ອຍຢູ່ທີ່່ນັ້ນ, ຊຶ່່ງຫມາຍຄວາມວ່າທຸກຄົນຈະມີໂອກາດໄດ້ເຫັນທຸງຊາດຂອງພວກເຂົາໃນການແຂ່ງຂັນບານເຕະທີ່່ໃຫຍ່ທີ່່ສຸດຂອງໂລກ. ຈໍໍານວນທີມທີ່່ເພີ່່ມຂຶ້ນໃນຮອບຊິງຊະນະເລີດເຕະບານໂລກແມ່ນການປ່ຽນແປງເກມ ແລະ ເປັນບາດກ້າວທີ່ສໍໍາທີ່່ຄັນສໍໍາລັບການພັດທະນາເກມຂອງແມ່ຍິ່ງ, ຈັງຫວະຈະໄວຂຶ້້ນສໍໍາລັບການພັດທະນາກິລາບານເຕະຂອງແມ່ຍິງ ຍ້ອນວ່າທຸກຄົນກໍໍາລັງມຸ່ງໄປສູ່ຈຸດຫມາຍຂອງເຂົາເຈົ້າໃນເຕະບານໂລກ.ບານເຕະ.

News Cover

ເລຂາທິການ ສະຫະພັນບານເຕະແຫ່ງຊາດລາວ ສູ່ ການເປັນຄະນະບໍລິຫານງານ ອົງກອນກິລາລະດັບໂລກ FIFA

02/02/2023

ເລຂາທິການ ສະຫະພັນບານເຕະແຫ່ງຊາດລາວ ສູ່ ການເປັນຄະນະບໍລິຫານງານ ອົງກອນກິລາລະດັບໂລກ FIFA.


ທ່ານ ນາງ ກັນຍາ ແກ້ວມະນີ ເລຂາທິການ ສະຫະພັນບານເຕະ ແຫ່ງຊາດລາວ ໄດ້ຮັບການເລືອກຕັ້ງ ເປັນຄະນະບໍລິຫານງານ ສະຫະພັນບານເຕະນາໆຊາດ ຫລື FIFA ສົກປີ 2023-2027 ທີ່ ກອງປະຊຸມໃຫຍ່ ສະຫະພັນບານເຕະອາຊີ ຄັ້ງທີ 33 ທີ່ປະເທດບາເຣນ.  ທ່ານ  ນາງ ກັນຍາ ແກ້ວມະນີ ໄດ້ຖືກສະເໜີ ຊື່ ຈາກ ສະຫະພັນບານເຕະແຫ່ງຊາດລາວ ເຂົ້າເລືອກຕັ້ງ ໃນຕຳແໜ່ງຄະນະບໍລິຫານງານ FIFA ຫລື FIFA Council Member ໂດຍຕຳແໜ່ງດັ່ງກ່າວແມ່ນຈະເປັນຕົວແທນຈາກທະວີບອາຊີ ໃນເວທີບໍລິຫານກິລາບານເຕະລະດັບໂລກ ເຊິ່ງຕົວແທນ ຈາກທະວີບອາຊີ ຈະມີ 6 ທ່ານ ທີ່ຕ້ອງຜ່ານການເລືອກຕັ້ງຈາກຊາດສະມາຊິກຂອງ ສະຫະພັນບານເຕະອາຊີ ໂດຍບັນດາທ່ານ ທີ່ຖືກເລືອກຕັ້ງໃນຄັ້ງນີ້ໄດ້ແກ່:


1. ທ່ານ ນາງກັນຍາ ແກ້ວມະນີ ເລຂາທິການ ສະຫະພັນບານເຕະແຫ່ງຊາດລາວ

2. ທ່ານ Hamad bin Khalifa bin Ahmed al-Thani ປະທານ ສະຫະພັນບານເຕະກາຕ້າ

3. ທ່ານ Yasser Al-Misehal  ປະທານ ສະຫະພັນບານເຕະຊາອຸດິອາເຣເບຍ

4. ທ່ານ Kozo Tashima  ປະທານ ສະພັນບານເຕະຢີ່ປຸ່ນ 

5. ທ່ານ Mariano V. Araneta ປະທານ ສະຫະພັນບານເຕະຟິລິບປິນ

6. ທ່ານ Datuk Hamidin Mohd Amin ປະທານສະຫະພັນບານເຕະມາເລເຊຍ


ທັ້ງນີ້ ທ່ານ ນາງ ກັນຍາ ແກ້ວມະນີ້ ແມ່ນສະມາຊິກຈາກປະເທດລາວຄົນທຳອິດທີ່ ໄດ້ຮັບຕຳແໜ່ງໃນການເປັນຄະນະບໍລິຫານງານ FIFA ເຊິ່ງປັດຈຸບັນຖືວ່າເປັນ ອົງກອນກິລາທີ່ໃຫຍ່ທີ່ສຸດໃນໂລກ ຮັບຜິດຊອບການພັດທະນາກິລາບານເຕະ ແລະ ຈັດການແຂ່ງຂັນກິລາຍອດນິຍົມສູງສຸດໃນໂລກ ກໍຄື ການແຂ່ງຂັນບານໂລກ ຫລື FIFA World Cup.