News Cover

ປະກາດຮັບສະຫມັກ ຄູຝຶກບານເຕະລະດັບ AFC '' B '' DIPLOMA COACHING COURSE

28/09/2023

ສະຫະພັນບານເຕະແຫ່ງຊາດລາວ ຈະໄດ້ຈັດການຝຶກອົບຮົມຄູຝຶກບານເຕະລະດັບ AFC “ B“ Coaching Certificate Course ເຊິ່ງຈະໄດ້ຈັດຂື້ນຢູ່ທີ່ ຫ້ອງການ ສະຫະພັນບານເຕະແຫ່ງຊາດລາວ(ບ້ານ ຫ້ວຍຫົງ)ນະຄອນຫຼວງວຽງຈັນ, ສປປ ລາວ,ດັ່ງລາຍລະອຽດ ແລະ ເງື່ອນໄຂດັ່ງລຸ່ມນີ້:

+ ກຳນົດການ:

ການຝຶກອົບຮົມແມ່ນຈະຈັດຂຶ້ນ 2 ໄລ​ຍະ​ຄື: 

ໃນໄລ​ຍະ​ທີ 1 ຈັດ​ຂຶ້ນ ລະຫວ່າງວັນທີ 1-10 / 11 / 2023 

ໄລ​ຍະ​ທີ 2 ໃນ​ລະ​ຫວ່າງ ວັນ​ທີ 19-28/ 02 /2024 

(ປິດຮັບສະໝັກ ວັນທີ 25/10/2023 , ຍ້ອນວ່າ ຕ້ອງສົ່ງລົງທະບຽນ ແລະ ຕາມກົດລະບຽບ ຂອງ ສະຫະພັນບານເຕະອາຊີ AFC).


+ ເງື່ອນໄຂຜູ້ເຂົ້າຮ່ວມຝຶກອົບຮົມ:

1. ບັນດາສະຫະພັນບານເຕະແຂວງ/ສະໂມສອນບານເຕະ/ມະຫາວິທະຍາໄລ/ວິທະຍາໄລ/ໂຮງຮຽນ ຫຼື ອົງການຈັດຕັ້ງຕ່າງໆສາມາດເຂົ້າ​ຮ່ວມ​ໄດ້

2. ຕ້ອງມີໃບປະກາດ AFC “ C” Certificate Coaching Course ມາກ່ອນ ຢ່າງໜ້ອຍ 1 ປີຂື້ນໄປ.

3. ປະກອບເອກະສານເຂົ້າຝຶກອົບຮົມຕາມແບບຟອມທີ່ ສຕລ, ສົ່ງໃຫ້ບໍ່ໃຫ້ກາຍ ວັນທີ 23 ຕຸລາ 2023.

4. ການຍື່ນໃບສະໝັກຕ້ອງມີ: ຟອມສະໝັກຂອງ ສຕລ, ກ໋ອບປີ້ສີ ໃບປະ

ກາດສະນີຍະບັດ ‘ຊີ’ ຄັດຕິດມາພ້ອມ.

5. ຜູ້ມີສິດເຂົ້າຝຶກອົບຮົມຕ້ອງຜ່ານການພິລະນາ, ຮັບຮອງຈາກ ສະຫະພັນບານເຕະ ອາຊີ ແລະ ສຕລ ກ່ອນ.

6. ຕ້ອງຮັບປະກັນຄວາມພ້ອມຂອງຮ່າງກາຍຕະຫຼອດການຝຶກອົບຮົມ.

7. ຕ້ອງປະຕິບັດຕາມກົດລະບຽບການຝຶກອົບຮົມຂອງ ສະຫະພັນບານເຕະ ອາຊີ ວາງອອກຢ່າງເຂັ້ມງວດ.

8. ຟັງ,ຂຽນ,ອ່ານ ພາສາອັງກິດໄດ້ຍິ່ງເປັນການດີ.


+ ຄວາມຮັບຜິດຊອບຂອງ ສຕລ:

1. ສະຖານທີ່ການຝຶກອົບຮົມ (ຫ້ອງຮຽນ ແລະ ສະໜາມຝຶກແອບ).

2. ເຄື່ອງນຸ່ງສຳລັບການຝຶກອົບຮົມຈຳນວນ 2 ຊຸດ.

3. ອາຫານຫວ່າງ, ນ້ຳດື່ມ ແລະ ນໍ້າກ້ອນ ຮັບໃຊ້ໃນການຝຶກອົບຮົມ.

4. ອາຫານທ່ຽງ ສຳລັບ ນັກສຳມະນາກອນຜູ້ທີ່ເຂົ້າຮ່ວມຝຶກອົບຮົມ.

+ ຄວາມຮັບຜິດຊອບຂອງ ຜູ້ເຂົ້າຮ່ວມຝຶກອົບຮົມ:

1. ການເດີນທາງໄປ-ກັບ ສຳລັບຜູ້ເຂົ້າຮ່ວມການຝຶກອົບຮົມ.

2. ເສຍຄ່າສະໝັກເປັນຈຳນວນເງີນ 1,500,000 ກີບ (ສຳລັບຄົນລາວ) ແລະ 1000 $ ( ສຳ​ລັ​ບ​ຄົນ​ຕ່າງ​ປະ​ເທດ ) ພາຍຫຼັງໄດ້ຖືກຄັດເລືອກໃຫ້ເຂົ້າຮ່ວມ.

3. ເກີບສຳລັບເຕະບານ,ເກີບຜ້າໃບ ແລະ ອຸປະກອນຮັບໃຊ້ສ່ວນຕົວ ເວລາເຂົ້າຮ່ວມການຝຶກອົບຮົມ.

ໝາຍເຫດ:

+ ກະລຸນາສົ່ງລາຍຊື່ ແລະ ແບບຟອມສະໝັກເຂົ້າຮ່ວມການຝຶກອົບຮົມໃຫ້ ສະຫະພັນບານເຕະແຫ່ງຊາດລາວ ກ່ອນວັນປິດຮັບສະໝັກ, ເພື່ອລົງທະບຽນ ກັບ ສະຫະພັນບານເຕະ ອາຊີ (AFC).

+ ຜູ້ສະໝັກທີ່ສົ່ງແບບຟອມເຂົ້າຮ່ວມຫຼັງຈາກວັນປິດຮັບແລ້ວແມ່ນຈະບໍ່ມີການພິຈາລະນາຢ່າງເດັດຂາດ.

+ ສົ່ງກ່ອນມີສິດກ່ອນ.

ລິ​້ງ​ດາ​ວ​ໂຫລດ​ແບບ​ຟອມ : https://drive.google.com/drive/folders/197Mr4EsEPtQSgxBXMnMHKtJV9tZzvb2F?usp=share_link    


ຕິດຕໍ່ສອບຖາມຂໍ້ມູນໄດ້ທີ່ ເບີໂທ: 

+8562097744940 ທ່ານ ສຸດທານີ ລຸນສິລິ

                                    

E mail: [email protected]


#LaoFootballFederation

#coachingCourse

#LFFTechnical

News Cover

ສໍາເລັດການຝຶກອົບຮົມຄູຝຶກຜູ້ຮັກສາປະຕູກິລາບານເຕະລະດັບ ຊີ (c)

28/09/2023
ສະຫະພັນບານເຕະແຫ່ງຊາດລາວ( ສຕລ)ໄດ້ສໍາເລັດການຝຶກອົບຮົມຄູຝຶກຜູ້ຮັກສາປະຕູລະດັບຊີ(c)ໃນຕອນບ່າຍວັນທີ 28 ກັນຍາ 2023 ທີ່ ຫ້ອງປະຊຸມ ສຕລ, ໂດຍໃຫ້ກຽດເຂົ້າຮ່ວມພິທີປິດຂອງທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານສະຫະພັນບານເຕະແຫ່ງຊາດລາວ, ທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ຄຣີສ ຢອງ ( Cris Yong) ຜູ້ຝຶກສອນຫຼັກຈາກປະເທດມາເລເຊຍ ພ້ອມດ້ວຍວິຊາການ ສຕລ.
ໃນໂອກາດກ່າວປິດພິທີ ທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານສະຫະພັນບານເຕະແຫ່ງຊາດລາວໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງການຝຶກອົບຮົມຄັ້ງນີ້,ເຖິງວ່າຈະເປັນໄລຍະເວລາສັ້ນ,ແຕ່ດວ້ຍຄວາມເອົາໃຈໃສ່ຂອງຄູຝຶກສອນແລະການຕັ້ງໃຈຮັບເອົາບົດຮຽນຂອງນັກຝຶກອົບຮົມຈິ່ງເຮັດໃຫ້ການຝຶກອົບຮົມຄັ້ງນີ້ສຳເລັດຕາມຈຸດປະສົງທີ່ໄດ້ກຳນົດໄວ້.ຢ່າງໃດກໍຕາມທ່ານ ດຣ ໄຊຊະນະ ທອງຄຳຈັນກໍຍັງໄດ້ຮຽກຮ້ອງໃຫ້ສໍາມະນາກອນທຸກທ່ານ ຈົ່ງນໍາເອົາຄວາມຮູ້, ວິໄສທັດ,ໃນການຝຶກອົບຮົມຄັ້ງນີ້ໄປພັດທະນາໃຫ້ມີບົດບາດໃໝ່ໃນການເປັນຜູ້ຮັກສາປະຕູ ຊຶ່ງນີ້ເປັນສິ່ງທ້າທາຍໃນການພັດທະນາຜູ້ຮັກສາປະຕູໃໝ່ໃນອະນາຄົດຂອງປະເທດເຮົາ.
ການຝຶກອົບຮົມຄັ້ງນີ້ແມ່ນດໍາເນິນມາແຕ່ວັນທີ 20 ກັນຍາ 2023, ຊຶ່ງມີສໍາມະນາກອນເຂົ້າຮ່ວມ 11 ທ່ານ ໃນໄລຍະການຝຶກອົບຮົມສໍາມະນາກອນໄດ້ຮຽນທັງພາກທິດສະດີ ແລະພາກປະຕິບັດຕົວຈິງໃນພາກສະໜາມ.
News Cover

ສຕລເປີດຊຸດຝຶກອົບຮົມຄູຝຶກຜູ້ຮັກສາປະຕູກິລາບານເຕະລະດັບ c

20/09/2023

ສະຫະພັນບານເຕະແຫ່ງຊາດລາວ( ສຕລ) ໄດ້ຈັດພິທີເປີດການຝຶກອົບຮົມຄູຝຶກຜູ້ຮັກສາປະຕູກິລາບານເຕະ ລະດັບຊີ(c)ຂື້ນໃນຕອນເຊົ້າວັນທີ 20 ກັນຍາ 2023 ທີ່ ຫ້ອງປະຊຸມ ສຕລ,ໂດຍໃຫ້ກຽດເປັນປະທານກ່າວເປີດຂອງທ່ານ ດຣ ໄຊຊະນະ ທອງຄຳຈັນ ຄະນະບໍລິຫານງານສະຫະພັນບານເຕະແຫ່ງຊາດລາວ.

ທ່ານ ດຣ ໄຊຊະນະ ທອງຄຳຈັນໄດ້ກ່າວເປີດພິທີໂດຍໄດ້ຍົກໃຫ້ເຫັນຄວາມໝາຍສຳຄັນຂອງການຝຶກອົບຮົມຄັ້ງນີ້,ລວມທັງຄວາມສໍາຄັນຂອງຜູ້ຮັກສາປະຕູກິລາບານເຕະ,ເພາະຜູ້ຮັກສາປະຕູເຮັດໜ້າໄດ້ດີເທົ່າໃດໂອກາດຈະຊະນະຄູ່ຕໍ່ສູ້ຍິ່ງມີສູງ,ພ້ອມຮຽກຮ້ອງໃຫ້ຜູ້ເຂົ້າການຝຶກອົບຮົມທຸກທ່ານຈົ່ງຕັ້ງໃຈຮຽນຮູ້ແລກປ່ຽນປະສົບການ ນໍາເອົາບົດຮຽນໃນຄັ້ງນີ້ ໄປນໍາໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ເພື່ອພັດທະນາວົງການບານເຕະລາວໃຫ້ກ້າວໄປໃນຕໍ່ໜ້າ.ໄລຍະການຝຶກອົບຮົມ ແມ່ນແບ່ງອອກເປັນ 2 ພາກ ປະກອບມີ ພາກທິດສະດີ ແລະພາກປະຕິບັດຕົວຈິງໃນພາກສະໜາມ,

ສຳລັບການຝຶກອົບຮົມແມ່ນຈະດຳເນີນໄປຈົນຮອດ ວັນທີ27 ກັນຍາ 2023.

ເຂົ້າຮວ່ມກອງປະຊຸມນີ້ຍັງມີ,ທ່ານ ຊຸນດຣໍາ ມູນຕີ (Sundram Moorthy) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ຄຣີສ ຢອງ ( Cris Yong) ຜູ້ຝຶກສອນຫຼັກຈາກປະເທດມາເລເຊຍ ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນ ຈໍານວນ 13 ທ່ານ,ມາຈາກປະເທດໄທ 3ທ່ານ.


News Cover

ສຕລຈັດຝຶກອົບຮົມຄູຝຶກພາລະກໍາລັງລະດັບ 1A ປະຈໍາປີ 2023

07/09/2023

ສະຫະພັນບານເຕະແຫ່ງຊາດລາວ(ສຕລ)ໄດ້ຈັດພິທີເປີດການຝຶກອົບຮົມຄູຝຶກພາລະກໍາລັງ ລະດັບ 1A ປະຈໍາປີ 2023 ( LFF/AFC FITNESS LEVEL 1A COACHING COURSE 2023 ) ຄັ້ງທໍາອິດຂື້ນຢ່າງເປັນທາງການ ໃນຕອນເຊົ້າວັນທີ 7 ກັນຍາ 2023 ທີ່ຫ້ອງປະຊຸມ ສຕລ ໂດຍໃຫ້ກຽດເຂົ້າຮ່ວມຂອງ ທ່ານ ນາງ ກັນຍາ ແກ້ວມະນີ ເລຂາທີການສະຫະພັນບານເຕະແຫ່ງຊາດລາວ, ທ່ານ ຊູນດຣໍາ ມູຣຕີ ( Sundram Moorthy ) ຫົວໜ້າພະແນກເຕັກນິກ - ວິທະຍາ ສຕລ, ທ່ານ ມາກ ຈອນ( Mark Jones ) ສັນຊາດອົສຕຣາລີ ຄູຝຶກສອນຈາກສະຫະພັນບານເຕະອາຊີ(AFC) ເປັນວິທະຍາກອນ ພ້ອມດ້ວຍວິຊາການທີ່ກ່ຽວຂ້ອງ ແລະ ບັນດາສໍາມະນາກອນຝຶກອົບຮົມເຂົ້າຮ່ວມ.

ການຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກAFC ຮ່ວມກັບ ສຕລ ຮັບຮອງ ແລະ ຕົກລົງຈັດຝຶກອົບຮົມຢ່າງເປັນທາງການ ຊຶ່ງເປັນຄັ້ງທໍາອິດທີ່ ສຕລ ໄດ້ຮັບກຽດໃນການຈັດຝຶກອົບຮົມໃນຄັ້ງນີ້ ໂດຍມີບັນດາສໍາມະນາກອນຝຶກອົບຮົມຈໍານວນທັງໝົດ 21ທ່ານ,ໃນນັ້ນມາຈາກປະເທດໄທ 5 ທ່ານ.

ຈຸດປະສົງໃນການຝຶກອົບຮົມຄັ້ງນີ້ແມ່ນເພື່ອໃຫ້ຄູຝຶກທີ່ເຂົ້າຮ່ວມຝຶກອົບຮົມໄດ້ມີຄວາມຮູ້ກ່ຽວກັບວິທະຍາສາດການກິລາ,ມີການສຶກສາເຖິງຄວາມສໍາຄັນ ແລະ ຈຳເປັນດ້ານພາລະກໍາລັງສອດຄ່ອງກັບສະພາບຕົວຈິງ ເພື່ອນໍາຄວາມຮູ້, ປະສົບການໄປປັບປຸງພັດທະນານັກກິລາໃຫ້ມີຄວາມພ້ອມກັບການແຂ່ງຂັນກິລາບານເຕະທີ່ມີຄວາມເຂັ້ມຂຸ້ນແລະທັນສະໄໝຫຼາຍຂື້ນໃນປັດຈຸບັນ.

ທ່ານ ນາງ ກັນຍາ ແກ້ວມະນີ ເລຂາທິການ ສຕລ ໄດ້ກ່າວເປີດແລະໃຫ້ຄວາມເຫັນວ່າ: ເປັນໂອກາດດີທີ່ພວກເຮົາໄດ້ຮັບການຈັດຝຶກອົບຮົມໃນຄັ້ງນີ້ ເພື່ອສົ່ງຄວາມຮູ້ໃຫ້ບັນດາຄູຝຶກໃນລາວ ຊຶ່ງວຽກງານດັ່ງກ່າວ ເປັນທິດທາງແລະເປົ້າໝາຍທີ່ຕ້ອງການຍົກລະດັບຫຼາຍທີ່ສຸດ ແລະ ຢາກຮຽກຮ້ອງໃຫ້ຜູ້ເຂົ້າຮ່ວມຕັ້ງໃຈຮຽນຮູ້ໃຫ້ໄດ້ຫຼາຍທີ່ສຸດ ເພື່ອນໍາໄປໃຊ້ໃຫ້ເກີດປະໂຫຍດສູງສຸດໃນການພັດທະນາວົງການບານເຕະລາວ.

ການຝຶກອົບຮົມແມ່ນໃຊ້ເວລາ 5 ວັນ ແຕ່ວັນທີ 7-11 ກັນຍາ 2023 ຊື່ງຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບວິທະຍາດສາດການກິລາ, ຄວາມຮູ້ພື້ນຖານຂອງການອອກກໍາລັງກາຍ, ຄວາມສໍາຄັນດ້ານພາລະກໍາລັງ, ໂພສະນາການຕ່າງໆ ແລະ ສາມາດວາງແຜນລະອຽດກ່ຽວກັບການອອກກໍາລັງກາຍ.

News Cover

ສຳເລັດການຝືກອົບຮົມຄູຝືກກິລາບານເຕະລະດັບ “ຊີ” (LFF/AFC ”C” Diploma Coaching Course) 2023

25/08/2023

ສະຫະພັນບານເຕະແຫ່ງຊາດລາວ(ສຕລ)ໄດ້ຈັດພິທີປີດຊຸດຝຶກອົບຮົມຄູຝຶກກິລາບານເຕະລະດັບຊີ ”C”(LFF/AFC ”C” Diploma Coaching Course) 2023 ຂື້ນໃນຕອນແລງ ວັນທີ 25 ສິງຫາ 2023 ທີ່ຜ່ານມາ ຢູ່ທີ່ຫ້ອງປະຊຸມສຕລ,ໂດຍໃຫ້ກຽດເປັນປະທານກ່າວປີດຂອງທ່ານ ນາງກັນຍາ ແກ້ວມະນີ ເລຂາທິການສະຫະພັນບານເຕະແຫ່ງຊາດລາວ.

ຕະຫລອດໄລຍະການຝຶກອົບຮົມຜູ້ເຂົ້າຮ່ວມໄດ້ຮຽນຮູ້ກ່ຽວກັບ ການພັດທະນາຄູຝຶກ, ຄວາມຕ້ອງການຄູຝຶກຂອງ AFC, ພາລະບົດບາດ ແລະ ໜ້າທີຮັບຜິດຊອບ, ເຕັກນິກ ແລະ ຍຸດທະວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການຝຶກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການຝຶກແອບ, ການຝຶກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ.

ການຝຶກອົບຮົມຄັ້ງນີ້ແມ່ນແບ່ງອອກເປັນ 2 ພາກປະກອບມີ ພາກທິດສະດີ ແລະ ການປະຕິບັດຕົວຈິງໃນພາກສະໜາມແລະໄດ້ດຳເນີນການຝຶກ 2 ໄລຍະ ນັບຕັ້ງແຕ່ວັນທີ 06-10 ກໍລະກົດ 2023 ແລະ ໄລຍະທີ 2 ວັນທີ 21-25 ສິງຫາ 2023,ໂດຍໄດ້ມີການສອບເສັງ 6 ຄັ້ງ (ຕົວຈິງ 3 ຄັ້ງ ,ທິດສະດີ 2 ຄັ້ງ ແລະສອບເສັງ1ຄັ້ງ),

  ໃນຕອນທ້າຍພິທີຍັງມີການມອບໃບຢັ້ງຢືນໃຫ້ກັບຜູ້ເຂົ້າຮ່ວມເພື່ອຢັ້ງຢືນໃນການຝຶກອົບຮົມ, ສ່ວນຜົນການສອບເສັງນັ້ນແມ່ນຈະແຈ້ງໃຫ້ຮັບຊາບຕາມພາຍຫລັງ.

ເຂົ້າຮວ່ມໃນກອງປະຊຸມນີ້ຍັງມີທ່ານ SUNDRAM MOORTHY ຫົວຫນ້າພະແນກເຕັກນິກ- ວິທະຍາ ສຕລ, ພ້ອມດ້ວຍພະນັກງານວິຊາການກ່ຽວຂ້ອງ ແລະ ນັກສຳມະກອນ ທີ່ມາຈາກ ສະໂມສອນ ພາຍໃນປະເທດ,ຕ່າງປະເທດ ແລະ ນັກກິລາທີມຊາດລາວ.


News Cover

ເປີດຮັບສະໝັກຜູ້ເຂົ້າຮ່ວມຝຶກອົບຮົມຄູຝຶກຜູ້ຮັກສາປະຕູບານເຕະ ລະດັບ1 AFC / LFF Goalkeeping Coaching Certificate Course - Level 1

15/08/2023

ສະຫະພັນບານເຕະແຫ່ງຊາດລາວ(ສຕລ) ຂໍຖືເປັນກຽດແຈ້ງມາຍັງບັນດາສະຫະພັນບານເຕະແຂວງ, ສະໂມສອນກິລາບານເຕະ ທີ່ເປັນສະມາຊິກຂອງ ສຕລ ຊາບວ່າ: ສຕລຈະໄດ້ເປີດຮັບສະໝັກຜູ້ສົນໃຈເຂົ້າຮ່ວມຝຶກອົບຮົມຄູຝຶກຜູ້ຮັກສາປະຕູບານເຕະ ລະດັບ 1. ຝຶກສອນໂດຍວິທະຍາກອນທິ່ໄດ້ຖືກຮັບຮອງຈາກ ສະຫະພັນບານເຕະອາຊີ (AFC).

ຜູ້ເຂົ້າຮ່ວມຕ້ອງມີເງື່ອນໄຂດັ່ງລຸ່ມນີ້:

#ກຳນົດການ

- ວັນເວລາການຝຶກອົບຮົມ: ລະຫວ່າງວັນທີ 20-27 ກັນຍາ 2023

- ປິດຮັບສະໝັກ ວັນທີ 19 ສິງຫາ 2023, ເພື່ອໃຫ້ ສຕລ ລົງທະບຽນຜ່ານລະບົບຂອງສະຫະພັນບານເຕະອາຊີ (AFC)

#ສະຖານທີ່

- ສຳນັກງານໃຫຍ່ ສຕລ (ບ້ານຫ້ວຍຫົງ) ນະຄອນຫຼວງວຽງຈັນ, ສປປ ລາວ

#ເງື່ອນໄຂ:

- ຕິດຕໍ່ເອົາແບບຟອມສະໝັກໄດ້ທີ່ ພະແນກເຕັກນິກວິທະຍາ ສຕລ.

- ການຢື່ນສະໝັກຕ້ອງມີ: ຟອມສະໝັກຂອງ ສຕລ, ກ໋ອບປີ້ສີ ບັດປະຈໍາຕົວ, ປື້ມໜັງສືຜ່ານແດນ(ປາສະປໍ) ແລະ ຮູບສີ 1ໃບ.

- ຜູ້ເຂົ້າຮ່ວມຕ້ອງມີໃບປະກາດຄູຝຶກບານເຕະລະດັບ ຊີ(C) ຂື້ນໄປຈື່ງສາມາດເຂົ້າຮ່ວມການຝຶກອົບຮົມໄດ້.

- ໃນເວລາມາຍື່ນໃບສະໝັກເຂົ້າຮ່ວມຝຶກອົບຮົມຕ້ອງຈ່າຍຄ່າລົງທະບຽນພ້ອມ

• ຄົນລາວ 500,000 ກີບ / ທ່ານ

• ຄົນຕ່າງປະເທດ 500 ໂດລາ(USD) / ທ່ານ

- ຜູ້ສະໝັກເຂົ້າຮ່ວມຝຶກອົບຮົມຕ້ອງມີອາຍຸ 18ປີຂື້ນໄປ.

- ຮັບປະກັນຄວາມພ້ອມຂອງຮ່າງກາຍຕະຫຼອດໄລຍະການຝຶກອົບຮົມ.

- ຕ້ອງປະຕິບັດຕາມກົດລະບຽບການຝຶກອົບຮົມຂອງAFCວາງອອກຢ່າງເຂັ້ມງວດ.

#ຄວາມຮັບຜິດຊອບຂອງ ສຕລ:

- ສະຖານທີ່ການຝຶກອົບຮົມ (ຫ້ອງຮຽນ ແລະ ສະໜາມຝຶກແອບ).

- ອຸປະກອນຮັບໃຊ້, ເຄື່ອງນຸ່ງສໍາລັບການຝຶກອົບຮົມ

- ອາຫານຫວ່າງ, ນໍ້າດື່ມ ແລະ ນໍ້າກ້ອນ ຮັບໃຊ້ການຝຶກອົບຮົມ.

- ອາຫານທ່ຽງ ສຳລັບຜູ້ທີ່ເຂົ້າຮ່ວມຝຶກອົບຮົມ.

# ຄວາມຮັບຜິດຊອບຂອງຜູ້ເຂົ້າຮ່ວມຝຶກອົບຮົມ:

- ການເດີນທາງໄປ-ກັບ.

- ບ່ອນພັກເຊົາຕະຫຼອດໄລຍະການຝຶກອົບຮົມ.

- ເກີບສຳລັບເຕະບານ ແລະ ອຸປະກອນຮັບໃຊ້ສ່ວນຕົວ.

- ຖ້າຜູ້ເຂົ້າຮ່ວມນຳເອົາຄອມພິວເຕີໂນ໋ດບຸກ, USB ມາດ້ວຍຍິ່ງຈະເປັນການດີເພື່ອນໍາໃຊ້ເຂົ້າໃນການຝຶກອົບຮົມ.

ໝາຍເຫດ:

#ກະລຸນາສົ່ງລາຍຊື່ ແລະ ແບບຟອມສະໝັກເຂົ້າຮ່ວມການຝຶກອົບຮົມໃຫ້ ສຕລ ກ່ອນວັນປິດ

ຮັບສະໝັກ 20 ສິງຫາ 2023, ເພື່ອລົງທະບຽນ ກັບ AFC.

- ຜູ້ທີ່ຜ່ານການຄັດເລືອກເທົ່ານັ້ນຈິ່ງຈະສາມາດເຂົ້າຮ່ວມການຝຶກອົບຮົມໄດ້, ໂດຍອີງໃສ່ເງື່ອນໄຂ ແລະ ຄຸນສົມບັດຂອງຜູ້ສະໝັກ. (ສຕລ ຈະແຈ້ງໃຫ້ຮັບຊາບຜູ້ທີ່ຜ່ານການຄັດເລືອກ)

- ຜູ້ສະໝັກທີ່ສົ່ງແບບຟອມເຂົ້າຮ່ວມຫຼັງຈາກວັນທີປິດຮັບແລ້ວແມ່ນຈະບໍ່ໄດ້ຮັບການພິຈາລະນາໃນການເຂົ້າຮ່ວມຝຶກອົບຮົມ.

ຕິດຕໍ່ສອບຖາມຂໍ້ມູນໄດ້ທີ່ ເບີໂທ:

020 52213030 ທ່ານ ສົມໃຈ ແສນພິມມະຈັກ (ຜູ້ປະສານງານ)

E mail: [email protected]

ລິ້ງດາວໂຫລດແບບຟອມ: https://drive.google.com/drive/folders/145te8OJNenDw16T9ukbdp3jN25f1be-G?usp=sharing


News Cover

ສໍາເລັດການອົບຮົມຄູຝຶກບານເຕະຟຸດຊໍ ລະດັບ 1 ປະຈໍາປີ 2023

23/07/2023

ສະຫະພັນບານເຕະແຫ່ງຊາດລາວ( ສຕລ) ໄດ້ສໍາເລັດການຝຶກອົບຮົມຄູຝຶກບານເຕະຟຸດຊໍ ລະດັບ 1 ປະຈໍາປີ 2023 ໃນຕອນບ່າຍວັນທີ 23 ກໍລະກົດ 2023 ທີ່ຫ້ອງປະຊຸມ ສຕລ,ໂດຍໃຫ້ກຽດເຂົ້າຮ່ວມພິທີປິດຂອງທ່ານ ບຸນຍູ້ ສີສານ ຄະນະບໍລິຫານງານ ສຕລ ທັງເປັນຫົວໜ້າອະນຸກຳມະການຟຸດຊໍ, ທ່ານ Sundram Moorthy ຫົວຫນ້າພະ ແນກ ເຕັກນິກ -ວິທະຍາ ສຕລ, ທ່ານ Chiew Chun Yong ຄູຝຶກຟຸດຊໍຈາກ AFC , ພ້ອມດ້ວຍຜູ້ຊ່ວຍຝຶກສອນຈາກ ສຕລ.

ໃນໂອກາດນີ້ ທ່ານ ບຸນຍູ້ ສີສານ ໄດ້ສະແດງຄວາມຊົມເຊີຍມາຍັງຜົນສຳເລັດຂອງການອົບຮົມຄັ້ງນີ້ແລະຮຽກຮ້ອງໃຫ້ ນັກສໍາມະນາກອນທຸກທ່ານ ພາຍຫຼັງສໍາເລັດການຝຶກອົບຮົມໄປແລ້ວ ໃຫ້ຕັ້ງໃຈນໍາເອົາບົດຮຽນຄວາມຮູ້ ທີ່ໄດ້ຈາກການ ຮຽນຄັ້ງນີ້ໄປຜັນຂະຫຍາຍວຽກງານດັ່ງກ່າວຢ່າງເປັນຮູບປະທຳໃຫ້ມີຂະບວນການ, ຊ່ວຍກັນພັດທະນາສັງຄົມ.

ສໍາລັບການຝຶກອົບຮົມຄັ້ງນີ້ແມ່ນດຳເນີນເປັນເວລາ 6ວັນ ແຕ່ວັນທີ 18-23 ກໍລະກົດ 2023,ເຊິ່ງມີນັກສຳມະກອນ ເຂົ້າຮວ່ມ19 ທ່ານໄດ້ຮຽນຮູ້ທາງດ້ານທິດສະດີ ແລະ ຝຶກແອບຕົວຈິງ ,ໃນນັ້ນມີການສອບເສັ ພາກທິດສະດີແລະພາກປະຕິບັດຕົວຈິງ,ພາກລະ2ຄັ້ງ.

News Cover

ເປີດຊຸດຝຶກອົບຮົມຄູຝຶກບານເຕະຟຸດຊໍລະດັບ1ປະຈໍາປີ 2023 (LFF/AFC FUSAL LEVEL 1 COACHING COURSE 2023)

18/07/2023

ສະຫະພັນບານເຕະແຫ່ງຊາດລາວ( ສຕລ) ຮ່ວມກັບສະຫະພັນບານເຕະອາຊີ( AFC ) ໄດ້ຈັດພິທີເປີດຊຸດຝຶກອົບຮົມຄູຝຶກບານເຕະຟຸດຊໍ ລະດັບ 1 ປະຈໍາປີ 2023 ( LFF/AFC FUSAL LEVEL 1 COACHING COURSE 2023) ຂື້ນໃນຕອນເຊົ້າວັນທີ 18 ກໍລະກົດ 2023 ທີ່ ຫ້ອງປະຊຸມ ສຕລ,ໂດຍໃຫ້ກຽດເປັນປະທານກ່າວເປີດພິທີຂອງທ່ານ ດຣ ໄຊຊະນະ ທອງຄຳຈັນ ຮອງປະທານສະຫະພັນບານເຕະແຫ່ງຊາດລາວ,ເຊິ່ງໃນນັ້ນທ່ານໄດ້ຍົກໃຫ້ເຫັນຄວາມໝາຍສຳຄັນໃນການຈັດຝຶກອົບຮົມໃນຄັ້ງນີ້ເພື່ອຈຸດປະສົງຍົກລະດັບກິລາບານເຕະຟຸດຊໍຂອງສປປລາວກ້າວສູ່ຄຸນນະພາບສູງຂື້ນເລື້ອຍໆ.ພ້ອມນັ້ນທ່ານດຣ ໄຊຊະນະ ທອງຄຳຈັນຍັງໄດ້ຮຽກຮ້ອງໃຫ້ນັກຝຶກອົບຮົມຈົ່ງຕັ້ງໃຈຮັບເອົາບົດຮຽນທີ່ຄູຝຶກສິດສອນໃຫ້ໄດ້ນຳໄປຈັດຕັ້ງປະຕິບັດໃຫ້ມີຜົນສຳເລັດປະກອບສວ່ນຊວ່ຍພັດທະນາສະໂມສອນບານເຕະຟຸດຊໍທີ່ຕົນສັງກັດຢູ່ໃຫ້ມີຜົນງານດີເດ່ນຂື້ນ.

ເຂົ້າຮວ່ມໃນກອງປະຊຸມຍັງມີທ່ານ ບຸນຍູ້ ສີສານ ຄະນະບໍລິຫານງານ ສຕລ ທັງເປັນຫົວໜ້າອະນຸກຳມະການຟຸດຊໍ, ທ່ານ Sundram Moorthy ຫົວໜ້າພະແນກເຕັກນິກ -ວິທະຍາ ສຕລ, ທ່ານ Chiew Chun Yong ຄູຝຶກຟຸດຊໍຈາກ AFC , ພ້ອມດ້ວຍຜູ້ຊ່ວຍຝຶກສອນຈາກ ສຕລ ແລະ ນັກສຳມະກອນຈໍານວນ 19 ທ່ານ ໃນນີ້ເປັນຍິງ 2 ທ່ານ, 7 ທ່ານ ມາຈາກປະເທດໄທ ແລະບັນດາສະໂມສອນບານເຕະຟຸດຊໍທີ່ເຂົ້າຮ່ວມຊິງຂັນປະທານ ສຕລ.

ສໍາລັບການຝຶກອົບຮົມຄັ້ງນີ້ແມ່ນດຳເນີນເປັນເວລາ 6ວັນ ແຕ່ວັນທີ 18-23 ກໍລະກົດ 2023. ການຝຶກອົບຮົມແມ່ນຈະໄດ້ຮຽນຮູ້ທາງດ້ານທິດສະດີ ແລະ ຝຶກແອບຕົວຈິງ ຊຶ່ງຈະມີການສອບເສງພາກທິດສະດີ 2 ຄັ້ງ, ພາກປະຕິບັດຕົວຈິງ 2ຄັ້ງ.

News Cover

ຈົບການຝຶກອົບຮົມຄູຝຶກກິລາບານເຕະລະດັບ”C” ໄລຍະທີ 1 ( 06-10/07/2023 )

11/07/2023

ຈົບການຝຶກອົບຮົມຄູຝຶກກິລາບານເຕະລະດັບ”C” ໄລຍະທີ 1 ( 06-10/07/2023 ) 

 

ສະຫະພັນບານເຕະແຫ່ງຊາດລາວ(ສຕລ)ໄດ້ມີການຈັດຝຶກອົບຮົມຄູຝຶກກິລາບານເຕະລະດັບ ”C”(LFF/AFC ”C” Diploma Coaching Course) 2023 ຂື້ນຢ່າງເປັນທາງການທີ່ ສຕລ ເມື່ອວັນທີ 6 ກໍລະກົດ 2023 ໂດຍໃຫ້ກຽດເຂົ້າຮ່ວມຂອງທ່ານ ສົມສະໜຸນ ລຽນສະຫວັນ ຮອງເລຂາທິການ ສຕລ, ທ່ານ ຊູນດໍາ ມູຕີ ຫົວໜ້າພະແນກເຕັກນິກ - ວິທະຍາ ສຕລ, ທ່ານ ວົງມີໄຊ ສຸບົວຄຳ ຄູຝຶກສອນທັງເປັນວິທະຍາກອນ ພ້ອມດ້ວຍວິຊາການທີ່ກ່ຽວຂ້ອງ ແລະ ບັນດານັກສໍາມະນາກອນຝຶກອົບຮົມຄູຝຶກ “C” (Coaching Course)ເຂົ້າຮ່ວມ.

ການເປີດຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກສະຫະພັນບານເຕະອາຊີ ຫຼື AFC ຮ່ວມກັບ ສຕລ ຮັບຮອງ ໂດຍມີນັກສໍາມະນາກອນຝຶກອົບຮົມຄູຝຶກ ຈໍານວນທັງໝົດ 24 ທ່ານ,ທີ່ມາຈາກຕ່າງປະເທດ 6 ທ່ານ ແລະ ສໍາມະນາກອນ ທີ່ເປັນຄົນລາວ 18 ທ່ານເຂົ້າຮວ່ມ.ການຮຽນຄູຝຶກກິລາບານເຕະລະດັບ ”C” ໄດ້ແບ່ງເປັນ 2 ໄລຍະໃນການຮຽນຄືໄລຍະທີ່ 1 ແມ່ນເລີ່ມແຕ່ວັນທີ 06-10 ກໍລະກົດ 2023 ແລະ ໄລຍະທີ 2 ແມ່ນເລີ່ມ ວັນທີ 21-25 ສິງຫາ 2023.

ການຝຶກອົບຮົມຄູຝຶກກິລາບານເຕະລະດັບ ”C” ໃນຄັ້ງນີ້ນັບເປັນບາດກ້າວໃໝ່ ແລະເປັນຄັ້ງທໍາອິດຂອງທ່ານ ວົງມີໄຊ ສຸບົວຄຳຮັບໜ້າທີ່ເປັນຄູຝືກສອນ ທັງເປັນວິທະຍາກອນຈາກ ສປປ ລາວ ທີ່ໄດ້ຮັບການແຕ່ງຕັ້ງຈາກສະຫະພັນບານເຕະອາຊີ.

#LaoFootballFederation

#coachingCourse

#LFFTechnical

#LFFAFCCDIPLOMACOACHINGCOURSE

 

News Cover

ສ​ຕ​ລ ຈັດ​ຝຶກ​ອົບ​ຮົມ​ຄູ​ຝຶກ​ກິ​ລາ​ບານ​ເຕະ​ເຕະ​ລະ​ດັບ '' C ''

06/07/2023

ສະຫະພັນບານເຕະແຫ່ງຊາດລາວ(ສຕລ)ໄດ້ຈັດຝຶກອົບຮົມຄູຝຶກກິລາບານເຕະລະດັບ C(LFF/AFC C Diploma Coaching Course) 2023 ຂື້ນຢ່າງເປັນທາງການທີ່ ສຕລ ເມື່ອວັນທີ 6 ກໍລະກົດ 2023 ໂດຍໃຫ້ກຽດເຂົ້າຮ່ວມຂອງທ່ານ ສົມສະໜຸນ ລຽນສະຫວັນ ຮອງເລຂາທິການ ສຕລ, ທ່ານ ຊູນດໍາ ມູຕີ ຫົວໜ້າພະແນກເຕັກນິກ - ວິທະຍາ ສຕລ, ທ່ານ ວົງມີໄຊ ສຸບົວຄຳ ຄູຝຶກສອນທັງເປັນວິທະຍາກອນ ພ້ອມດ້ວຍວິຊາການທີ່ກ່ຽວຂ້ອງ ແລະ ບັນດານັກສໍາມະນາກອນຝຶກອົບຮົມຄູຝຶກ “C” (Coaching Course)ເຂົ້າຮ່ວມ.

ການເປີດຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກສະຫະພັນບານເຕະອາຊີ ຫຼື AFC ຮ່ວມກັບ ສຕລ ຮັບຮອງ ໂດຍມີນັກສໍາມະນາກອນຝຶກອົບຮົມຄູຝຶກ ຈໍານວນທັງໝົດ 24 ທ່ານ,ທີ່ມາຈາກຕ່າງປະເທດ 6 ທ່ານ ແລະ ສໍາມະນາກອນ ທີ່ເປັນຄົນລາວ 18 ທ່ານເຂົ້າຮວ່ມ.ການຮຽນຄູຝຶກກິລາບານເຕະລະດັບ C ໄດ້ແບ່ງເປັນ 2 ໄລຍະໃນການຮຽນຄືໄລຍະທີ່ 1 ແມ່ນເລີ່ມແຕ່ວັນທີ 06-10 ກໍລະກົດ 2023 ແລະ ໄລຍະທີ 2 ແມ່ນເລີ່ມ ວັນທີ 21-25 ສິງຫາ 2023.

ການຝຶກອົບຮົມຄູຝຶກກິລາບານເຕະລະດັບ C ໃນຄັ້ງນີ້ນັບເປັນບາດກ້າວໃໝ່ ແລະເປັນຄັ້ງທໍາອິດຂອງທ່ານ ວົງມີໄຊ ສຸບົວຄຳຮັບໜ້າທີ່ເປັນຄູຝືກສອນ ທັງເປັນວິທະຍາກອນຈາກ ສປປ ລາວ ທີ່ໄດ້ຮັບການແຕ່ງຕັ້ງຈາກສະຫະພັນບານເຕະອາຊີ.

#LaoFootballFederation

#coachingCourse

#LFFTechnical

#LFFAFCCDIPLOMACOACHINGCOURSE

News Cover

ເປີດຝຶກອົບຮົມຄູຝຶກກິລາບານເຕະລະດັບ “A”ຄັ້ງທີ 2

19/06/2023

ສະຫະພັນບານເຕະແຫ່ງຊາດລາວ(ສຕລ)ໄດ້ຈັດການຝຶກອົບຮົມຄູຝຶກກິລາບານເຕະລະດັບ “A”(LFF/AFC “A” Diploma Coaching Course 2023/2024)ຄັ້ງທີ 2 ຂື້ນຢ່າງເປັນທາງການທີ່ ສຕລ ເມື່ອວັນທີ 19 ມິຖຸນາ 2023 ໂດຍໃຫ້ກຽດເຂົ້າຮ່ວມຂອງທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ, ທ່ານ ຊູນດໍາ ມູຕີ ຫົວໜ້າພະແນກເຕັກນິກ - ວິທະຍາ ສຕລ, ທ່ານ ເຮີມັນ ຄູຝຶກສອນ ເປັນວິທະຍາກອນ ພ້ອມດ້ວຍວິຊາການທີ່ກ່ຽວຂ້ອງ ແລະ ບັນດານັກສໍາມະນາກອນຝຶກອົບຮົມຄູຝຶກ “A” (Coaching Course)ເຂົ້າຮ່ວມ.


ການເປີດຝຶກອົບຮົມຄູຝຶກໃນຄັ້ງນີ້ແມ່ນໄດ້ຮັບການຮັບຮອງຈາກສະຫະພັນບານເຕະອາຊີ ຫຼື AFC ຮ່ວມກັບ ສຕລ ຮັບຮອງ ແລະ ຕົກລົງຈັດຝຶກອົບຮົມຢ່າງເປັນທາງການ ໂດຍມີບັນດານັກສໍາມະນາກອນຝຶກອົບຮົມຄູຝຶກ ຈໍານວນທັງໝົດ 21 ທ່ານ,ທີ່ມາຈາກຕ່າງປະເທດ 6 ທ່ານ ແລະ ສໍາມະນາກອນເສັງຄືນ 3 ທ່ານ.ການຮຽນຄູຝຶກກິລາບານເຕະລະດັບ “A”ໄດ້ແບ່ງເປັນ 6 ໄລຍະໃນການຮຽນ ອາທິດທໍາອິດແມ່ນເລີ່ມຈາກວັນທີ 19-30 ເດືອນມິຖຸນາ, ໄລຍະທີ 2 ແມ່ນເດືອນກໍລະກົດ, ໄລຍະທີ3 ແມ່ນເດືອນກັນຍາ ແລະ ໄລຍະທີ 4 ແມ່ນເດືອນພະຈິກ ແລະ ຈາກນັ້ນກໍແມ່ນສືບຕໍ່ໃນປີ 2024 (ລາຍລະອຽດຕາຕະລາງການຮຽນຈະແຈ້ງໃຫ້ຊາບພາຍຫຼັງ).


ທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວໄດ້ໃຫ້ກຽດກ່າວເປີດງານຢ່າງເປັນທາງການ,ເຊິ່ງບາງຄຳເຫັນທ່ານໄດ້ກ່າວວ່າ:ນີ້ແມ່ນນິມິດໝາຍອັນດີ,ເຊິ່ງກ່ອນນີ້5ປີເຄີຍຝຶກອົບຮົມມາແລ້ວ, ຄັ້ງນີ້ເປັນຄັ້ງທີ່ 2 ໃນ ສປປ ລາວ ທີ່ພວກເຮົາເປີດຝຶກອົບຮົມຄູຝຶກ,ເພື່ອຈຸດປະສົງສ້າງຄຸຝຶກມາພັດທະນາບານເຕະປະເທດເຮົາເພີ່ມຂຶ້ນ, ເຊິ່ງການຮຽນເທື່ອນີ້ເປັນບົດຮຽນໃນຮູບແບບໃໝ່ ແບ່ງເປັນ 6 ພາກ ທັງໄດ້ຝຶກ ທັງໄດ້ຮຽນນໍາກັນເປັນປີ ຢາກໃຫ້ນັກສໍາມະນາກອນເອົາໃຈໃສ່ຍາດແຍ່ງເອົາໂອກາດທີ່ມີຄວາມໝາຍຄວາມສໍາຄັນນີ້, ເຊິ່ງໃນລາວລີກ 1 ປີໜ້າ ສະຫະພັນບານເຕະຂອງພວກເຮົາມີກົດລະບຽບຄືຮັບເອົາຄູຝຶກທີ່ຜ່ານ A license ແລະ B license ເປັນຄູຝຶກ ນີ້ກໍເປັນໂອກາດອັນດີໃຫ້ບັນດາຄູຝຶກໄດ້ໄປນໍາໃຊ້ໃນບັນດາສະໂມສອນຕ່າງໆຂອງລາວລີກ 1, ເປົ້າໝາຍຂອງຄະນະນໍາສຕລພວກເຮົາ,ຫຼັງຈາກຈົບລະດູການນີ້ກົດລະບຽບຂອງການແຂ່ງຂັນລາວລີກ1 ຜູ້ເປັນຄູຝຶກຕ້ອງມີໃບຢັ້ງຢືນ A license ເທົ່ານັ້ນ ແລະ ສວ່ນB ແມ່ນຈະມາເປັນຜູ້ຊ່ວຍຄູຝຶກທີມຊາດເທົ່ານັ້ນ.


ທ່ານປະທານສະຫະພັນບານເຕະແຫ່ງຊາດລາວກ່າວຕື່ມວ່າ:ທຸກທ່ານທີ່ເຂົ້າມາຮຽນ ສາມາດເປັນຄູຝຶກໃຫ້ກັບສະໂມສອນຕ່າງໆໄດ້. ສະນັ້ນບັນດາສະໂມສອນທີ່ຈະຂຶ້ນມາລາວລີກຕ້ອງມີ A license,ປັດຈຸບັນບັນດາສະໂມສອນໃນລາວລີກ1 ກໍມີການປັບປຸງພັດທະນາຫຼາຍຂື້ນແລະໄດ້ນໍາໃຊ້ຄູຝຶກທີ່ເປັນຄົນລາວ. ສະນັ້ນເພື່ອຍາດແຍ່ງບໍ່ໃຫ້ຄູຝຶກຕ່າງປະເທດເຂົ້າມາເຮັດວຽກໃນປະເທດເຮົາ,ພວກເຮົາຕ້ອງພັດທະນາຕົນເອງໃຫ້ແຂງແຮງ ແຂງແກ່ນຂຶ້ນ ໃຫ້ໄດ້ລະດັບ AFC ມາດຕະຖານການແຂ່ງຂັນ, ສຸດທ້າຍຂໍໃຫ້ທຸກທ່ານຈົ່ງສືບຕໍ່ຕັ້ງໃຈ ເຮັດໃຫ້ໄດ້  A license, ແລ້ວຕໍ່ Pro license ເພື່ອພັດທະນາວົງການບານເຕະ,ຄູຝຶກ,ນັກກິລາໃຫ້ປະສົບຜົນສໍາເລັດຮ່ວມກັນ.


ຂະນະທີ່ ທ່ານ ຊູນດໍາ ມູຕີ ຫົວໜ້າພະແນກເຕັກນິກວິທະຍາຂອງສຕລ ກໍໄດ້ກ່າວວ່າ: ຫຼັງຈາກ 5 ປີຜ່ານມາ ເຮົາກໍຫວນກັບມາ ເປີດການຝຶກກິລາບານເຕະລະດັບ “A” ອີກຄັ້ງໜຶ່ງ, ເປົ້າໝາຍຂອງການຝຶກຄັ້ງນີ້ກໍແມ່ນເພື່ອເພີ່ມບຸກຄະລາກອນ “A” Coaching  ຂອງປະເທດລາວ, ນີ້ເປັນນະໂຍບາຍ ແລະ ວິໃສທັດ ເພື່ອພັດທະນາ “A” Coaching ໃຫ້ສືບຕໍ່ເປັນຈໍານວນເພີ່ມຂຶ້ນໃນອະນາຄົດຂອງປະເທດເຮົາ, ຄຸນນະພາບຂອງຄູຝຶກແນ່ນອນສົ່ງຜົນສະທ້ອນເຖິງຄຸນນະພາບຂອງນັກກິລາແລະ ສົ່ງຜົນສະທ້ອນຂອງນັກກິລາອອກຈາກສະໂມສອນລີກ1, ລີກ2 ຫຼື ເຍົາວະຊົນກໍດີ, ພວກເຮົາໄດ້ສູ້ຊົນຜ່ານຜ່າຫຼາຍອຸປະສັກ ແລະ ຫຼັງຈາກເປີດ “A” Coaching Course ພວກເຮົາກໍຢາກຝາກໃຫ້ນັກສໍາມະນາກອນທຸກທ່ານ ທຸ້ມເທທຸກສິ່ງທຸກຢ່າງໃຫ້ປະສົບຜົນສໍາເລັດໄປນໍາກັນ ພວກເຮົາຈະພະຍາຍາມຊ່ວຍເປັນທິດທາງໃນການດໍາເນີນການຝຶກອົບຮົມຄັ້ງນີ້ ແລະ ຫວັງວ່າພວກເຮົາຈະໄດ້ຮ່ວມງານກັນພາຍຫຼັງຊຸດອົບຮົມນີ້ສຳເລັດລົງ.ໃນການຝຶກອົບຮົມຄັ້ງນີ້ແມ່ນຈະມີການຮຽນຮູ້ທາງດ້ານທິດສະດີ ແລະການປະຕິບັດຕົວຈິງ ພ້ອມດຽວກັນຍັງມີການສອບເສັງ.


News Cover

ວົງມີໄຊ ສຸບົວຄໍາ ຜູ້ຝຶກສອນຄູຝຶກຄົນທຳອິດ ສປປ ລາວ ໄດ້ສອນລະດັບ ຊີ 'AFC C Diploma'

09/06/2023
ວັນທີ 08 ມິຖຸນາ 2023 ສະຫະພັນບານເຕະອາຊີ (AFC) ສົ່ງຫນັງສືເຖິງ ສະຫະພັນບານເຕະແຫ່ງຊາດລາວ ເຫັນດີອະນຸມັດ ທ່ານ ວົງມີໄຊ ສຸບົວຄຳ ເປັນຄູຝຶກສອນຄົນລາວທຳອິດທີ່ມີສິດສອນຄູຝຶກລະດັບ ຊີ AFC C Diploma ຢູ່ໃນ ສປປລາວ. ປະຫວັດ ທ່ານ ວົງມີໄຊ ສຸບົວຄຳ ແມ່ນເຄີຍເປັນນັກກິລາ ທີມຊາດລາວ ເຄີຍໄດ້ອັນດັບ 1 ໃນຮຸ່ນອາຍຸ 14 ປີ ຮຸ່ນດຽວກັບ ກັນລະຍາ ສີສົມຫວັງ, ເລີ້ມເຂົ້າເຮັດວຽກຢູ່ທີ່ ສະຫະພັນບານເຕະແຫ່ງຊາດລາວ ໃນປີ 2011, ເປັນຜູ້ຊ່ວຍຄູຝຶກ ທີມຊາດລາວ ຊຸດໃຫຍ່, ຊຸດເຍົາວະຊົນ ແລະ ຫົວຫນ້າຄູຝຶກ ທີມບານເຕະຍິງ ຊຸດເຍົາວະຊົນ ແລະ ຊຸດໃຫຍ່.