ເອສະຣາ (EZRA FC) ທີມແຊ້ມລີກສູງສຸດຂອງ ສປປ ລາວ ແລະ ແຊ້ມຊິງຂັນພະນະທ່ານນາຍົກລັດຖະມົນຕີ ແຫ່ງ ສປປ ລາວ ລະດູການລ່າສຸດ ເປັນນ້ອງໃໝ່ໃນການແຂ່ງຂັນລາຍການນີ້ ຖືກຈັບສະຫລາກຢູ່ກຸ່ມ D ຮ່ວມກັບ SVAY RIENG FC ຈາກກຳປູເຈຍ ທີ່ມີ ບຸນພະຈັນ ບຸນກອງ ກອງໜ້າທີມຊາດລາວ, Manila Digger FC ຮອງແຊ້ມລີກສູງສູດຂອງຟີລິບປິນ ແລະ SP Falcons ແຊ້ມລີກສູງສຸດຂອງມົງໂກລີ.ໂດຍການແຂ່ງຂັນຮອບແບ່ງກຸ່ມ ກຸ່ມ D ຈະແຂ່ງຂັນຢູ່ປະເທດກຳປູເຈຍ ວັນທີ 26 ຕຸລາ - 1 ພະຈິກ 2025, ຕາຕະລາງການແຂ່ງຂັນມີດັ່ງນີ້: 

- ນັດທຳອິດ ວັນທີ 26/10/2025 ເວລາ 19:00 ເອສະຣາ ພົບ Manila Digger FC

- ນັດທີ 2 ວັນທີ 29/10/2025 ເວລາ 16:00 ເອສະຣາ ພົບ SVAY RIENG FC 

- ນັດທີ 3 ວັນທີ 01/11/2025 ເວລາ 19:00 ເອສະຣາ ພົບ SP Falcons 

  ທຸກໆນັດແມ່ນແຂ່ງຂັນຢູ່ທີ່ສະຫນາມກິລາ Morodok Techo National Stadium ນະຄອນຫຼວງພະນົມເປັນ ປະເທດກຳປູເຈຍ. ຮູບແບບການຄັດເລືອກ ເອົາທີ 1 ແລະ ທີ 2 ຂອງກຸ່ມ ເພື່ອເຂົ້າສູ່ຮອບ 8 ທີມສຸດທ້າຍຕໍ່ໄປ.

#PEPSILAOLEAGUE1 #ປະຕູສູ່ຄວາມສຳເລັດ #GREATWAYTOGREATNESS #ສະຫນາມແຫ່ງກຽດສັກສີ #ChallengeLeague #EZRAFC 

   ກ້າວເຂົ້າສູ່ໂຄ້ງສຸດທ້າຍ ສໍາລັບການຄັດເລືອກນັກເຕະບານທີມຊາດລາວ ຮຸ່ນອາຍຸບໍ່ເກີນ 17 ປີ ຫຼື U-17 ຫຼ້າສຸດ ທ່ານ ຈອງ ຊອງ ຊົນ (Jong Song-chon) ຫົວໜ້າຄູຝຶກທີມຊາດລາວ U-17 ໄດ້ລາຍງານໃຫ້ຮູ້ວ່າ:ມາຮອດປັດຈຸບັນໄດ້ຄັດເລືອກເອົານັກກິລາທິມຊາດ 28 ຄົນສຸດທ້າຍ ເພື່ອເຂົ້າເກັບໂຕຝຶກຊ້ອມຢູ່ສູນຝຶກບານເຕະ ຈຳປີ-ຈຳປາ (ຫຼັກ 16) ລະຫວ່າງວັນທີ 6-21 ຕຸລາ 2025 ເປັນໄລຍະທີ 2.

          ສໍາລັບ ນັກເຕະ 28 ຄົນທີ່ເຂົ້າຮ່ວມຄັດເລືອກ ທີມຊາດລາວ U-17 ຮອບທີ 2 ມີດັ່ງນີ້:

+ ຜູ້ຮັກສາປະຕູ: 

1. ຈັກກະລິນ ໄຊຍະສອນ ຈາກ ສະໂມສອນບານເຕະ ເອສະຣາ 

2. ໄຊຍະເພັດ ພຸດທະສີ ຈາກ ສະໂມສອນ ເອສະຣາ  

3. ຈັນທະວີ ສອນສຸພັນ ຈາກ ສະໂມສອນ ມັດສະດ້າ ຈີບີ 

4. ສານຄໍາ ທະວີທົງ ຈາກ ສະໂມສອນ ທີບີ ບໍ່ແກ້ວ 

+ ກອງຫຼັງ: 

5. ວິໄສທັດ ນັນທະວົງ ຈາກ ສະໂມສອນ ເອສະຣາ 

6. ກິ ມູນກັນຍາ ຈາກ ສະໂມສອນ ມັດສະດ້າ ຈີບີ 

7. ພິສິດ ອໍ້ ຈາກ ຈາກ Deakin College ທີ່ປະເທດອົດສະຕຣາລີ

8. ປະລິນເດດ ເພັດຕະກຸນ ຈາກ ສະໂມສອນ ບີໄອເອັສ ມາສເຕີ້

9. ພົງສະຫວັນ ບັນດາກອນ ຈາກ ສະໂມສອນ ທີບີ ບໍ່ແກ້ວ 

10. ບຸນທະສັກ ຈັນດາລາ ຈາກ ສະໂມສອນ ຊ້າງນ້ອຍ 

11. ເວດສະຫວັນ ວິໄລພັນ ຈາກ ສູນຝຶກ ຈໍາປີ-ຈໍາປີ 

12. ທັນຍະວຸດ ໄຊຈະເລີນ ຈາກ ສະໂມສອນ ເອສະຣາ 

13. ອະນຸລັກ ສິງສະຫວ່າງ ຈາກ ສະໂມສອນ ທີບີ ບໍ່ແກ້ວ

14. ⁠ໄຊພອນ ພົມມະໃຈ ຈາກ ສະໂມສອນ ທີບີ ບໍ່ແກ້ວ

15. ⁠ແກ້ວໄກສອນ ໄຊຍະສານ ຈາກ ສະໂມສອນ ເອສະຣາ

+ ກອງກາງ: 

16.ໄຊໂຍ ເພັດຊະລາດ ຈາກ ສະໂມສອນ ຊ້າງນ້ອຍ 

17.ບຸນປະເສີດ ແສງສະຫວ່າງ ຈາກ ສະໂມສອນ ເອສະຣາ

18. ອານຸສິດ ປະດິດ ຈາກ ສະໂມສອນ ມັດສະດ້າ ຈີບີ 

19. ສະຫວັນໄຊ ມູນລາດສະວົງ ຈາກ ສະໂມສອນ ທີບີ ບໍ່ແກ້ວ 

20. ຍານະວຸດ ມຸ່ຍພະຈັນ ຈາກ ສູນຝຶກ ຈໍາປີ-ຈໍາປາ 

+ ກອງໜ້າ: 

21. ໄຊຍະສິດ ເຄືອບພະພອນ ຈາກ ສະໂມສອນ ເອສະຣາ  

22. ອາຕິຍະ ອິນທະວົງ ຈາກສະໂມສອນ ເອສະຣາ  

23. ສິດທິລາດ ຈັນທະມາລີ ຈາກສະໂມສອນ ມັດສະດ້າ ຈີບີ 

24. ໂອດິນ ສີພານິດ ຈາກ ສະໂມສອນ ທີບີ ບໍ່ແກ້ວ

25. ສົມຄິດ ແກ້ວມະນິວົງ ສະໂມສອນ ບີໄອເອັສ ມາສເຕີ

26. ພຸດພະໄຕ ຈັນທະລັງສີ ຈາກ ສະໂມສອນ ຊ້າງນ້ອຍ 

27. ສີສົມບັດ ວິໄລສອນ ຈາກສູນຝຶກ ຈໍາປີ-ຈໍາປາ 

28. ພົມມະສອນ ນິລະວົງ ຈາກສະໂມສອນ ມາດສເຕີ້

        ສ່ວນໄລຍະການຝຶກຊ້ອມມີດັ່ງນີ້:

1. ໄລຍະທີ 1: ເອີ້ນນັກກິລາເປົ້າໝາຍເຂົ້າມາຝຶກຊ້ອມ ຈຳນວນ 43 ຄົນ ລະຫວ່າງວັນທີ 17 – 26 ກັນຍາ 2025

2. ໄລຍະທີ 2: ຄັດນັກກິລາຈາກໄລຍະທີ່ 1 ໃຫ້ເຫລືອ 35 ຄົນ ເພື່ອຝຶກຊ້ອມ ລະຫວ່າງວັນທີ 6 – 21 ຕຸລາ 2025

3. ໄລຍະທີ 3: ກະກຽມໄປອຸ່ນເຄື່ອງຢູ່ຕ່າງປະເທດ ກ່ອນຕັດໂຕນັກກິລາໃຫ້ເຫລືອ 23 ຄົນ ລະຫວ່າງວັນທີ 29 ຕຸລາ - 7 ພະຈິກ 2025.

        ເພື່ອກຽມຄວາມພ້ອມເຂົ້າຮ່ວມການແຂ່ງຂັນບານເຕະຊີງແຊ້ມອາຊີ 2026 ຮອບຄັດເລືອກ (AFC U-17 Asian Cup qualification 2026 Qualifiers), ສໍາລັບ ທີມຊາດລາວ U-17 ຖືກຈັບສະຫລາກຢູ່ກຸ່ມ B ຮ່ວມກັບ ເຢເມນ, ກຽກກິດສະຖານ, ກໍາປູເຈຍ, ກວມ ແລະ ປາກິດສະຖານ ໂດຍຮອບຄັດເລືອກຈະຄັດເອົາພຽງອັນດັບທີ 1 ຂອງກຸ່ມ ເຊິ່ງມີທັງໝົດ 7 ກຸ່ມ ( A-G ) ເທົ່ານັ້ນ ເພື່ອເຂົ້າຮອບສຸດທ້າຍ ທີ່ມີ 9 ທີມທີ່ໄດ້ສິດເຂົ້າຮອບສຸດທ້າຍໄປກ່ອນໜ້ານີ້ ເຊິ່ງປະກອບມີ: ຊາອຸດິດ ອາຣັບເບຍ (ເຈົ້າພາບ), ຮອງແຊ້ມເກົ່າ, ກາຕ້າ ເຈົ້າພາບບານໂລກ U-17, ອຸດສະເບກິດສະຖານ ແຊັມເກົ່າ, ສ ເກົາຫຼີ ກັບ ສປປ ເກົາຫຼີ (ເຂົ້າຮອບ 4 ທີມຄັ້ງທີ່ຜ່ານມາ, ສ່ວນອີກ 4 ທີມປະກອບມີ ຍີ່ປຸ່ນ, ທາຈິດກິດສະຖານ, ສະຫະລັດອາຣັບ ເອມິເຣດ ແລະ ອິນໂດເນເຊຍ ແມ່ນເຂົ້າຮອບ 8 ທີມສຸດທ້າຍໃນຄັ້ງທີ່ຜ່ານມາ).

ສ່ວນຕາຕະລາງການແຂ່ງຂັນຂອງທີມຊາດລາວ U-17 ທີ່ ເມືອງ ບິສເຄກ,ກຽກກິດສະຖານມີລາຍລະອຽດດັ່ງຕໍ່ໄປນີ້:

- ວັນທີ 22/11/2025 ເວລາ 16:00 ໂມງ (ເວລາໃນປະເທດລາວ) ທີມຊາດລາວ ພົບ ທີມຊາດກວມ

- ວັນທີ 24/11/2025 ເວລາ 16:00 ໂມງ (ເວລາໃນປະເທດລາວ) ທີມຊາດລາວ ພົບ ທີມຊາດກໍາປູເຈຍ

- ວັນທີ 26/11/2025 ເວລາ 16:00 ໂມງ (ເວລາໃນປະເທດລາວ) ທີມຊາດປາກິດສະຖານ ພົບ ທີມຊາດລາວ

- ວັນທີ 28/11/2025 ເວລາ 20:00 ໂມງ (ເວລາໃນປະເທດລາວ) ທີມຊາດລາວ ພົບ ທີມຊາດກຽກກິດສະຖານ

- ວັນທີ 30/11/2025 ເວລາ 20:00 ໂມງ (ເວລາໃນປະເທດລາວ) ທີມຊາດເຢເມນ ພົບ ທີມຊາດລາວ

Request for Proposals

External Audit for the Lao Football Federation (LFF) Financial Statements for the Year 2025

1. Title

Recruitment of External Auditor for the Audit of Lao Football Federation (LFF) Financial Statements for the Year Ended 31 December 2025.

2. Background

The Lao Football Federation (LFF) is the national governing body responsible for promoting, regulating, and developing football in Lao PDR. LFF receives financial support from various sources, including the Fédération Internationale de Football Association (FIFA), the Asian Football Confederation (AFC), the ASEAN Football Federation (AFF), sponsors, and domestic revenue.

To ensure transparency, accountability, and good governance in financial management, LFF requires the services of an independent and qualified external auditor to perform an audit of its financial statements for the fiscal year ending 31 December 2025.

The audit will cover all funds and activities managed by LFF during the year, including FIFA Forward Program funds, AFC development funds, sponsorships, and domestic operations.

3. Objective of the Assignment

The objective of this audit is to enable the auditor to express a professional and independent opinion on whether:

- The LFF’s financial statements for the year ended 31 December 2025 present fairly, in all material respects, the financial position and results of operations in accordance with applicable accounting standards; and

- The funds received have been used in accordance with the purposes intended, with due regard to principles of economy, efficiency, and effectiveness.

4. Scope of Work

The audit will be conducted in accordance with International Standards on Auditing (ISA) and will include such tests and procedures as the auditor considers necessary to form an opinion. Specifically, the auditor shall:

1. Verify that all revenues and expenditures have been properly recorded, classified, and disclosed in accordance with applicable accounting standards and LFF policies.

2. Confirm that funds received from FIFA, AFC, sponsors, and other sources have been used only for their intended purposes.

3. Review the internal control systems to determine whether adequate safeguards are in place to protect assets and prevent fraud or misuse of funds.

4. Examine procurement and payment procedures to ensure compliance with relevant financial and procurement regulations.

5. Review the bank accounts, reconciliation statements, and cash management systems.

6. Assess compliance with donor and partner requirements.

7. Identify any weaknesses in financial management and make recommendations for improvement.

5. Deliverables

The auditor shall provide:

1. Audit Report and Opinion: Expressing a clear opinion on the financial statements and use of funds.

2. Management Letter: Outlining any internal control weaknesses, non-compliance issues, and recommendations for improvement.

6. Reporting and Timeline

The audit shall cover the financial year from 1 January 2025 to 31 December 2025. The auditor will begin fieldwork no later than April 2026 and submit the final Audit Report and Management Letter to LFF management no later than 31 May 2026. Reports must be submitted in English.

7. Qualification Requirements

The external auditor (firm) must:

- Be a legally registered and independent audit firm in Lao PDR.

- Be a member of the Lao Chamber of Professional Accountants and Auditors (LCPAA).

- Have at least three (3) years of experience in auditing NGOs, sports federations, or international donor-funded organizations.

- Ensure that the audit team includes qualified professionals with CPA or equivalent credentials.

8. Submission of Proposals and Required Documentation

Interested and qualified firms should submit a technical and financial proposal that includes the following documents:

- Company profile with description of services, key clients, and past experience in external audit.

- Latest company registration certificate.

- Valid business license.

- Sector-specific license for audit or professional services.

- Latest tax payment certificate.

- Description of the proposed audit methodology.

- CVs of key staff.

- Proposed work plan and timeline.

- Financial proposal (audit fee and other costs).

Kindly submit the set of required documents listed above to email: contact@laoff.org.la no later than 31 October 2025

9. Payment Terms

The audit fee and payment schedule will be agreed upon between LFF and the selected audit firm prior to contract signing.

          ສະຫະພັນບານເຕະແຫ່ງຊາດລາວ (ສຕລ) ໄດ້ປະກາດແຕ່ງຕັ້ງ ທ່ານ ຄໍລະເດດ ພອນພະຈັນ ເປັນຫົວໜ້າ ຄະນະນໍາຂອງທີມຊາດລາວ U-17 ແລະ ທີມຊາດຊາຍ ຊຸດກຽມ SEA Games 2025, ເຊິ່ງ ທ່ານ ຄໍລະເດດ ໃນອະດີດເປັນນັກກິລາບານເຕະທີມຊາດ ຊຸດໄປແຂ່ງຂັນ SEA Games 1997 ຢູ່ປະເທດອິນໂດເນເຊຍ ແລະ Asian Games 1998 ຢູ່ປະເທດໄທ. ປະຈຸບັນ, ທ່ານ ຄໍລະເດດ ເປັນຫນຶ່ງໃນສະມາຊິກຂອງຄະນະບໍລິຫານງານ ສຕລ ສົກປີ 2024 - 2028.

          ຜ່ານການຈັບສະຫຼາກທີມຊາດລາວ U17 ໄດ້ຖືກຈັດຢູ່ ກຸ່ມ B ຮ່ວມກັບ ເຢເມນ, ຄີກິສຖານ (ເຈົ້າພາບ), ກໍາປູເຈຍ, ກວມ ແລະ ປາກິດສະຖານ. ໂດຍປະຈຸບັນທີມຊາດລາວ U17 ແມ່ນໄດ້ມີການເກັບໂຕຝຶກຊ້ອມຢູ່ສູນຝຶກບານເຕະ ຈຳປີ-ຈຳປາ (ຫຼັກ 16) ເຊິ່ງໄລຍະການຊ້ອມມີດັ່ງນີ້:

1. ໄລຍະທີ 1: ເອີ້ນນັກກິລາເປົ້າໝາຍເຂົ້າມາຝຶກຊ້ອມ ຈຳນວນ 43 ຄົນ ລະຫວ່າງວັນທີ 17 – 26 ກັນຍາ 2025

2. ໄລຍະທີ 2: ຄັດນັກກິລາຈາກໄລຍະທີ່ 1 ໃຫ້ເຫລືອ 35 ຄົນ ເພື່ອຝຶກຊ້ອມ ລະຫວ່າງວັນທີ 6 – 21 ຕຸລາ 2025

3. ໄລຍະທີ 3: ກະກຽມໄປອຸ່ນເຄື່ອງຢູ່ຕ່າງປະເທດ ກ່ອນຕັດໂຕນັກກິລາໃຫ້ເຫລືອ 23 ຄົນ ລະຫວ່າງວັນທີ 29 ຕຸລາ - 7 ພະຈິກ 2025.

            ໃນຊ່ວງໄລຍະຝຶກຊ້ອມ ທ່ານ ຄໍລະເດດ ພອນພະຈັນ ໄດ້ລົງຕິດຕາມການຝຶກຊ້ອມ, ການກິນ-ຢູ່ ຂອງນັກກິລາຢ່າງໃກ້ຊິດ ພ້ອມທັງໃຫ້ຄໍາແນະນໍາ ແລະ ສະແດງຄວາມຊົມເຊີຍນັກກິລາທຸກຄົນທີ່ເອົາໃຈໃສ່ໃນການຝຶກຊ້ອມນັບ ແຕ່ມື້ທໍາອິດຂອງການເຂົ້າຝຶກຊ້ອມຢູ່ສູນ ແລະ ໄດ້ກ່າວວ່າ: “ການແຂ່ງຂັນບານເຕະຄັ້ງນີ້ ທຸກຄົນຄືຄວາມຫວັງຂອງຊາດ ແລະ ນີ້ເປັນການເກັບກ່ຽວປະສົບການຕົວຈິງເພື່ອປູເສັ້ນທາງນັກກິລາບານເຕະອາຊີບໃຫ້ນ້ອງນັກກິລາທຸກຄົນໃນອະນາ ຄົດ ດັ່ງນັ້ນ, ຢາກຝາກໃຫ້ທຸກຄົນ ທັງນັກກິລາ ແລະ ຄະນະຄູຝຶກ ໃຫ້ຮ່ວມແຮງຮ່ວມໃຈກັນສາມັກຄີເພື່ອສ້າງຜົນງານ ອອກມາໃຫ້ດີທີ່ສຸດ ແລະ ສຸດທ້າຍຕ້ອງຂໍຂອບໃຈທຸກຄົນທີ່ເສຍສະລະຄວາມສຸກສະບາຍສ່ວນໂຕ ເພື່ອທຸ້ມເທ ເຫື່ອແຮງ, ອົດທົນຝຶກຊ້ອມ ແລະ ເປັນຕົວແທນຂອງປະເທດຊາດ.”

          ຂະນະດຽວກັນ ທ່ານ ຈອງ ຊອງ ຊົນ (Jong Song-chon) ຫົວໜ້າຄູຝຶກທີມຊາດລາວ U-17 ກ່າວວ່າ: “ເປັນຫຍັງພວກເຮົາຕ້ອງຊ້ອມໜັກ ແລະ ເປັນຫຍັງຂ້ອຍຈຶ່ງເລືອກນັກເຕະທີ່ທຸ້ມເທ, ອົດທົນ ແລະ ຫຼິ້ນໄດ້ເກີນຮ້ອຍ ເນື່ອງຈາກພວກເຮົາຕ້ອງກຽມພ້ອມໃຫ້ດີທີ່ສຸດ ເພາະລາຍການນີ້ເປັນລາຍການໃຫຍ່ ແລະ ທີ່ສໍາຄັນພວກເຮົາຢູ່ໃນກຸ່ມ ທີ່ມີການແຂ່ງຂັນເຖິງ 5 ນັດ ພ້ອມທັງແຂ່ງຂັນຢ່າງຕໍ່ເນື່ອງ (ແຂ່ງບາມື້). ດັ່ງນັ້ນ, ຂ້ອຍຕ້ອງການນັກເຕະທີ່ມີພາລະກຳລັງ ແລະ ທຸ້ມເທສຸດໃຈ ເຖິງຈະອິດເມື່ອຍເທົ່າໃດກໍຕ້ອງພ້ອມລົງສະໜາມຕະຫຼອດເວລາ ເພາະນີ້ຄືການຮັບໃຊ້ຊາດ ແລະ ເຮັດເພື່ອປະເທດລາວ.”

           ຫົວໜ້າຄູຝຶກທີມຊາດລາວ U-17 ກ່າວອີກວ່າ: “ຊົມເຊີຍນັກກິລາທຸກຄົນທີ່ທຸ້ມເທຫຼາຍໃນການຝຶກຊ້ອມ ຕະຫຼອດໄລຍະທີ່ຜ່ານມາ ແນ່ນອນນັກກິລາທຸກຄົນມີຄວາມສາມາດໃກ້ຄຽງກັນຫຼາຍ ແລະ ເຮັດໃຫ້ຕ້ອງໃຊ້ຄວາມຄິດຫຼາຍ ໃນການເລືອກຕັດນັກກິລາອອກ ເຊິ່ງຈະຕ້ອງໄດ້ປຶກສາພາຍໃນຄະນະຄູຝຶກອີກຄັ້ງໜຶ່ງ. ຢ່າງໃດກໍຕາມ ຜູ້ໃດທີ່ບໍ່ຖືກຄັດ ເລືອກຊຸດນີ້ ແມ່ນບໍ່ຕ້ອງເສຍໃຈ ໃຫ້ພະຍາຍາມກັບໄປຝຶກຝົນຕົນເອງ, ປັບປຸງ ແລະ ກັບມາຄັດເລືອກທີມຊາດໃໝ່, ສ່ວນຜູ້ທີ່ຖືກເລືອກກໍຂໍໃຫ້ເອົາໃຈໃສ່ພັດທະນາຕົນເອງໃຫ້ດີຂຶ້ນໄປເລື້ອຍໆ.”

ສ່ວນຕາຕະລາງການແຂ່ງຂັນຂອງທີມຊາດລາວ U-17 ທີ່ ເມືອງ ບິສເຄກ, ຄີກິສຖານ ມີລາຍລະອຽດດັ່ງຕໍ່ໄປນີ້:

- ວັນທີ 22/11/2025 ເວລາ 16:00 ໂມງ (ເວລາໃນປະເທດລາວ) ທີມຊາດລາວ ພົບ ທີມຊາດກວມ

- ວັນທີ 24/11/2025 ເວລາ 16:00 ໂມງ (ເວລາໃນປະເທດລາວ) ທີມຊາດລາວ ພົບ ທີມຊາດກໍາປູເຈຍ

- ວັນທີ 26/11/2025 ເວລາ 16:00 ໂມງ (ເວລາໃນປະເທດລາວ) ທີມຊາດປາກິດສະຖານ ພົບ ທີມຊາດລາວ

- ວັນທີ 28/11/2025 ເວລາ 20:00 ໂມງ (ເວລາໃນປະເທດລາວ) ທີມຊາດລາວ ພົບ ທີມຊາດຄີກິສຖານ

- ວັນທີ 30/11/2025 ເວລາ 20:00 ໂມງ (ເວລາໃນປະເທດລາວ) ທີມຊາດເຢເມນ ພົບ ທີມຊາດລາວ

               ສ່ວນການແຂ່ງຂັນ SEA Games ຄັ້ງທີ່ 33 ທີ່ຈະຈັດຂຶ້ນໃນປະເທດໄທ ລະຫວ່າງ ວັນທີ 9 – 22 ທັນວາ 2025 ປະຈຸບັນມີທັງຫມົດ 10 ທີມຕອບຮັບເຂົ້າຮ່ວມການແຂ່ງຂັນ. ສໍາລັບການຈັບສະຫລາກແບ່ງກຸ່ມ ທາງເຈົ້າພາບຈະຈັດຂຶ້ນໃນເດືອນ 10 ໄວໆນີ້. ຖ້າມີຄວາມຄືບຫນ້າແນວໃດ ທາງ ສຕລ ຈະມາສົ່ງຂ່າວໃຫ້ແຟນບານຮູ້ເພີ່ມເຕີມ.

ສະຫະພັນບານເຕະແຫ່ງຊາດລາວ (ສຕລ) ຂໍສະແດງຄວາມຍິນດີນຳຕົວແທນຂອງຄະນະບໍລິຫານງານຂອງ ສຕລ, ທີ່ໄດ້ຮັບການແຕ່ງຕັ້ງຈາກ ສະຫະພັນບານເຕະນານາຊາດ (FIFA) ໃນວັນທີ 7 ຕຸລາ 2025 ເພື່ອເຂົ້າຮັບຕຳແໜ່ງເປັນສະມາຊິກຂອງຄະນະກຳມະການຊີ້ນຳໃນຂະແຫນ່ງຕ່າງໆ ປະຈຳສົກປີ 2025 -2029, ເຊິ່ງມີລາຍລະອຽດດັ່ງຕໍ່ໄປນີ້:

1. ທ່ານ ວີເພັດ ສີຫາຈັກຣ, ປະທານ ສຕລ, ໄດ້ຮັບການແຕ່ງຕັ້ງເປັນສະມາຊິກຂອງຄະນະກຳມະການທີ່ປຶກສາດ້ານການຄ້າ ແລະ ການຕະຫຼາດ ຂອງ FIFA (FIFA’s Commercial and Marketing Advisory Committee).

2. ທ່ານ ນາງ ກັນຍາ ແກ້ວມະນີ, ຮອງປະທານ ສຕລ, ເຊິ່ງໄດ້ເຂົ້າຮັບຕຳແໜ່ງເປັນສະມາຊິກສະພາບໍລິຫານໃຫຍ່ ຂອງ FIFA (FIFA Council) ສົກປີ 2023 – 2027 ແລະ ຄັ້ງນີ້ກໍ່ໄດ້ຮັບການແຕ່ງຕັ້ງເປັນທາງການ ໂດຍເປັນຕົວແທນສະພາບໍລິຫານ ຊີ້ນຳ-ນໍາພາ ຄະນະກໍາມະການ-ການແຂ່ງຂັນສະໂມສອນບານເຕະຍິງຂອງ FIFA (FIFA Women’s Club Competition Committee)

3. ທ່ານ ປອ. ບຸນຍູ້ ສີສານ, ສະມາຊິກ ຄະນະບໍລິຫານງານ ສຕລ, ໄດ້ຮັບການແຕ່ງຕັ້ງເປັນສະມາຊິກຂອງຄະນະກຳມະການ ຕ້ານການຈຳແນກ ແລະ ຕໍ່ຕ້ານເຊື້ອຊາດ ຂອງ FIFA (FIFA’s Anti-Racism and Anti-Discrimination Committee).

ໃນວາລະໂອກາດນີ້ ສຕລ ຂໍສະແດງຄວາມຍິນດີຊົມເຊີຍມາຍັງທ່ານທັງສາມ ສຳລັບບາດກ້າວອັນສຳຄັນໃນການເປັນຕົວແທນຊາດລາວໃນເວທີບານເຕະສາກົນ ແລະ ຂໍອວຍພອນໄຊໃຫ້ທຸກທ່ານຈົ່ງປະສົບຜົນສຳເລັດໃນໜ້າທີ່ ການງານ ແລະ ການປະກອບສ່ວນເຂົ້າໃນການພັດທະນາບານເຕະໃນທົ່ວໂລກ.

          ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ ຈູນ (HA HYEOKJUN) ຄູຝຶກ ທີມຊາດລາວ ສັນຊາດ ສ.ເກົາຫລີ ໄດ້ປະກາດລາຍຊື່ນັກກິລາ 23 ຄົນ ເຂົ້າຮ່ວມ ການແຂ່ງຂັນບານເຕະ ຊີງແຊ້ມອາຊີ ຮອບຄັດເລືອກ 2027 AFC Asian Cup Saudi Arabia 2027 Qualifiers Final Round ນັດທີ 3 ແລະ ນັດ 4 ເຊິ່ງຈະແຂ່ງຂັນ ວັນທີ 09 ຕຸລາ 2025 ເວລາ 19:00 ທີມຊາດລາວ ພົບ ທີມຊາດມາເລເຊຍ ແຂ່ງຂັນຢູ່ທີ່ສະຫນາມກິລາແຫ່ງຊາດຫຼັກ 16 ແລະ ວັນທີ 14 ຕຸລາ 2025 ເວລາ 20:00 ມາເລເຊຍ ພົບ ລາວ ແຂ່ງຂັນຢູ່ທີ່ສະຫນາມກິລາ BUKIT JALIL ປະເທດມາເລເຊຍ, , ນັກກິລາ 23 ຄົນ ມີລາຍຊື່ດັ່ງລຸ່ມນີ໊:

+ ຜູ້ຮັກສາປະຕູ

- ກົບ ໂລກພະທິບ ຈາກ ສະໂມສອນ ເອສະຣາ

- ອານຸລັກ ວິລະຜົນ ຈາກ ສະໂມສອນ ມັດສະດ້າ ຈີບີ

- ທັດສະພອນ ໄຊຍະສອນ ຈາກ ສະໂມສອນ ມັດສະດ້າ ຈີບີ

+ ກອງຫຼັງ

- ອານັນຕະຊາ ສີພົງພັນ ຈາກ ສະໂມສອນ ເອສະຣາ

- ເພັດດາວັນ ສົມສະນິດ ຈາກ ສະໂມສອນ ເອສະຣາ

- ຄໍາຫມັ້ນ ທາປະເສີດ ຈາກ ສະໂມສອນ ເອສະຣາ

- ຊີດີ ພົມສະຫວັນ ຈາກ ສະໂມສອນ ເອສະຣາ

- ອຸ່ນ ເພັດວົງສາ ຈາກ ສະໂມສອນ ເອສະຣາ

- ພຸດທະວົງ ສັງວິໄລ ຈາກ ສະໂມສອນ ບີຈີ ປະທຸມ ຢູໄນເຕັດ ( ປະເທດໄທ )

- ໄຊຍະສິດ ສິງສະຫວ່າງ ຈາກ ສະໂມສອນ ນໍ້າທາ ຢູໄນເຕັດ

- ສອນວິໄລ ເພັດວຽງສີ ຈາກ ສະໂມສອນ ມັດສະດ້າ ຈີບີ

- ບຸນແພງ ໄຊສົມບັດ ຈາກ ສະໂມສອນ ຫຼວງພະບາງ ຟຟລ

+ ກອງກາງ

- ພຸດທະລັກ ທອງຊະນິດ ຈາກ ສະໂມສອນ ເອສະຣາ

- ຈັນທະວີໄຊ ຂຸນທຸມພອນ ຈາກ ສະໂມສອນ ເອສະຣາ

- ຄໍາປານ ດວງວິໄລ ຈາກ ສະໂມສອນ ສາລະວັນ ຢູໄນເຕັດ

- ສຸກພະຈັນ ເລື່ອນທະລາ ຈາກ ສະໂມສອນ ສາລະວັນ ຢູໄນເຕັດ

- ສົມຫວັງ ຈູມມະນີ ຈາກ ສະໂມສອນ ມັດສະດ້າ ຈີບີ

- ດາຫມົດ ທອງຄໍາສະຫວັດ ຈາກ ສະໂມສອນ ແທັງຮວາ ( ປະເທດຫວຽດນາມ )

 + ກອງຫນ້າ

- ບຸນພະຈັນ ບຸນກອງ ຈາກ ສະໂມສອນ ສວາຍຣຽງ ( ປະເທດກໍາປູເຈຍ )

- ຈໍ່າ ວັນປະເສີດ ຈາກ ສະໂມສອນ ຫຼວງພະບາງ ຟຟລ

- ປີເຕີ້ ພັນທະວົງ ຈາກ ສະໂມສອນ ເອສະຣາ

- ໂຈນີ້ ແຫວນປະເສີດ ຈາກ ສະໂມສອນ ເອສະຣາ

- ກີ້ດາວອນ ສຸວັນນີ ຈາກ ສະໂມສອນ ຊ້າງນ້ອຍ

ການແຂ່ງຂັນບານເຕະ ຊີງແຊ້ມອາຊີ 2027 ຮອບຄັດເລືອກ ຮອບສຸດທ້າຍ (AFC Asian Cup Saudi Arabia 2027 Qualifiers Final Round)

 ວັນພະຫັດ 09/10/2025

 ທີມຊາດລາວ ທີມຊາດມາເລເຊຍ

 ເວລາ 19:00

 ສະຫນາມກິລາແຫ່ງຊາດຫຼັກ 16

 ຖ່າຍທອດສົດທາງເຟສບຸກ ສະຫະພັນບານເຕະແຫ່ງຊາດລາວ Lao Football Federation

 ປີ້ເຂົ້າຊົມ ລາຄາ 20.000 ກີບ

ປະຕູທາງເຂົ້າສະຫນາມກິລາແຫ່ງຊາດຫຼັກ 16 ແມ່ນຈະເປີດ 2 ປະຕູ ຄື:

- ປະຕູໂຊນ VIP ສໍາລັບແຂກຖືກເຊີນ

- ປະຕູໂຊນ C ສໍາລັບແຟນບານ

 ສອບຖາມການຊື້ບັດເຂົ້າຊົມໄດ້ທີ່:

ເບີໂທຕິດຕໍ່: +856305266415

ໃນວັນ ແລະ ໂມງລັດຖະການ 9:00-11:30 ແລະ 14:00-17:00

        ສະຫະພັນບານເຕະແຫ່ງຊາດລາວ (ສຕລ) ໄດ້ສໍາເລັດການຝຶກອົບຮົມຄູຝຶກບານເຕະ ສູນຈໍາປີ - ຈໍາປາ ທົ່ວປະເທດ ປະຈຳປີ 2025, ເຊິ່ງພິທີປິດການຝຶກອົບຮົມໄດ້ຈັດຂຶ້ນຢູ່ທີ່ ສຳນັກງານໃຫຍ່ ສຕລ ທີ່ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ, ໂດຍມີທ່ານ Mohammad Herman B Zailani ຫົວໜ້າວຽກງານພັດທະນາຄູຝຶກ ສຕລ ພ້ອມດ້ວຍຜູ້ເຂົ້າຮ່ວມທັງໝົດ 13 ທ່ານ ຈາກ ສູນຝຶກຈໍາປີ-ຈໍາປາ ນະຄອນຫຼວງວຽງຈັນ, ຫຼວງນ້ຳທາ, ຄຳມ່ວນ, ສາລະວັນ ແລະ ຈຳປາສັກ.

         ການຝຶກອົບຮົມແມ່ນຈັດຂຶ້ນລະຫວ່າງວັນທີ 30 ກັນຍາ ຫາ 02 ຕຸລາ 2025, ເຊິ່ງຜູ້ເຂົ້າຮ່ວມແມ່ນໄດ້ຮຽນຮູ້ທັງພາກທິດສະດີ ແລະການລົງປະຕິບັດຕົວຈິງ, ເຊິ່ງໄດ້ຮັບການສະໜັບສະໜູນງົບປະມານຈາກ ສະຫະພັນບານເຕະນານາຊາດ FIFA ພາຍໃຕ້ໂຄງການ FIFA TALENT DEVELOPMENT SCHEME (FIFA TDS).ສຳລັບຈຸດປະສົງໃນການຝຶກອົບຮົມຄັ້ງນີ້ ກໍເພື່ອໃຫ້ຜູ້ເຂົ້າຮ່ວມເຂົ້າໃຈໃນການຊອກຫາບັນຫາ ແລະ ວິທີການແກ້ໄຂບັນຫາທີ່ແທດເໝາະໃນການສ້າງແຜນການຝຶກຊ້ອມທີ່ມີຄວາມຄິດສ້າງສັນ, ສ້າງຄວມໝັ້້ນໃຈໃຫ້ຄູຝຶກເພື່ອນຳພານັກກິລາໃນການຝຶກຊ້ອມ, ວິທີການທົບທວນຄືນ ແລະ ປັບປຸງ ເພື່ອພັດທະນາການສອນໃຫ້ດີຍິ່ງຂື້ນ.

         ພາຍຫຼັງສຳເລັດການຝຶກອົບຮົມ, ຄູຝຶກຈະໄດ້ນຳເອົາທິດສະດີ ແລະ ບົດຮຽນຕົວຈິງທີ່ໄດ້ຮັບການຝຶກອົບຮົມຄັ້ງນີ້ນໍາໄປຈັດຕັ້ງປະຕິບັດການສອນໃຫ້ນັກກິລາໃນສູນຝຶກຂອງຕົນເອງ ເພື່ອພັດທະນານັກກິລາພອນສະຫວັນໃນສູນຝຶກ ຈຳປີ-ຈຳປາ ກ້າວສູ່ການເປັນນັກກິລາທີມຊາດລາວໃນອະນາຄົດ.

       ສະຫະພັນບານເຕະແຫ່ງຊາດລາວ(ສຕລ) ໄດ້ສຳເລັດການແຂ່ງຂັນກິລາບານເຕະ ການແຂ່ງຂັນບານເຕະ ລາວລີກ ຍິງ 2025 LAO WOMEN'S LEAGUE 2025 ຂື້ນເມື່ອ ວັນທີ 30 ກັນຍາ 2025 ຢູ່ທີ່ສະຫນາມກິລາກອງທັບ ຫຼັກ 5 ພາຍຫຼັງດໍາເນີການແຂ່ງຂັນມາແຕ່ວັນທີ 22 ມິຖຸນາ 2025, ເຂົ້າຮ່ວມພິທີປິດມີ ທ່ານ ພັທ ຖາວອນ ຫຼວງຈັນດາວົງ, ທ່ານ ປອ ບຸນຍູ້ ສີສານ, ທ່ານ ນ.ພູໄຊ ແພງພົງ ຄະນະບໍລິຫານງານ ສະຫະພັນບານເຕະແຫ່ງຊາດລາວ ພ້ອມດ້ວຍຜູ້ໃຫ້ການສະຫນັບສະຫນູນແລະ ບັນດາແຟນບານເຂົ້າຮ່ວມຮັບຊົມການແຂ່ງຂັນ.

       ການແຂ່ງຂັນບານເຕະລາວລີກຍິງ ປະຈຳປີ 2025 LAO WOMEN’S LEAGUE 2025 ມີ 10 ທີມ ເຂົ້າຮ່ວມປະກອບມີ:

1. ມາດສເຕີ້

2. ກອງທັບ

3. ເອັສອີຊີ

4. ນໍ້າທາ

5. ມັດສະດ້າ ຈີບີ

6. ໄຊເສດຖາ

7. ມະຫາວິທະຍາໄລວິທະຍາສາດສຸຂະພາບ

8. ບໍລິຄຳໄຊ

9. ເຄພີເອັສ

10. ເຊໂນ ຈາກແຂວງສະຫວັນນະເຂດ

       ການແຂ່ງຂັນຄັ້ງນີ້ແມ່ນໄດ້ນຳໃຊ້ 6 ສະຫນາມຄື: ສະຫນາມກິລາແຫ່ງຊາດຫຼັກ 16 ສະຫນາມນອກ, ສະຫນາມກິລາສູນຝຶກຫ້ວຍຫົງ ( 2 ສະຫນາມ), ສະຫນາມກິລາກອງທັບ ຫຼັກ 5, ສະຫນາມກິລາສະຖາບັນກິລາ-ກາຍຍະກຳ ( ສີເກີດ ) ແລະ ສະຫນາມກິລາລ້ານຊ້າງ. ຮູບແບບການແຂ່ງຂັນພົບກັທັງໝົດ 2 ຮອບ ທີມໜຶ່ງແຂ່ງຂັນ 18 ນັດ, ທີມທີ່ມີຄະແນນຫລາຍສຸດເປັນແຊ້ມ ຖ້າຄະແນນເທົ່າກັນມາໄລ່ Head to Head ຫລື ສະຖິຕິການພົບກັນ, ຖ້າຫາກຄະແນນ ແລະ ສະຖິຕິຍັງເທົ່າກັນ ຈະມາໄລ່ປະຕູໄດ້ເສຍ.

        ສະຫລຸບຜົນການແຂ່ງຂັນ ອັນດັບ 1 ມາດສເຕີ້ໄດ້ຮັບຂັນແຊັມພ້ອມເງິນລາງວັນ 300 ລ້ານກີບ, ອັນດັບ 2 ເອັສອີຊີ ຢູໄນເຕັດ ໄດ້ຮັບເງິນລາງວັນ 100 ລ້ານກີບ, ອັນດັບ 3 ມັດສະດ້າ ຈີບີ ໄດ້ຮັບເງິນລາງວັນ 50 ລ້ານກີບ, ອັນດັບ 4 ມະຫາວິທະຍາໄລວິທະຍາສາດສຸຂະພາບ, ອັນດັບ 5 ກອງທັບ, ອັນດັບ 6 ນໍ້າທາ ຢູໄນເຕັດ, ອັນດັບ 7 ນໍ້າທາ ຢູໄນເຕັດ, ອັນດັບ 8 ໄຊເສດຖາ, ອັນດັບ 9 ບໍລິຄຳໄຊ ແລະ ອັນດັບ 10 ເຄພີເອັສ.

        ນອກຈາກນັ້ນ,ຍັງມີລາງວັນປະເພດບຸກຄົນຄື: ລາງວັນນັກກິລາທີ່ຍິງປະຕູສູງສຸດເປັນຂອງ ເກມມີ້ ພັດດາລາ ລົງສະຫນາມ 18 ນັດ ຍິງໄດ້ 43  ປະຕູ ໄດ້ຮັບຂັນລາງວັນ, ລາງວັນຜູ້ຮັກສາປະຕູດີເດັ່ນເປັນຂອງ ທອງສະຫມຸດ ວົງຄຳພັນ ຈາກ ສະໂມສອນ ມັດສະດ້າ ຈີບີ ໄດ້ຮັບຂັນລາງວັນ 1 ຫນ່ວຍ, ລາງວັນ ຄູຝຶກດີເດັ່ນແມ່ນ ທ່ານ ຕົ້ນ ເພັດເພັງທອງ ຈາກ ສະໂມສອນ ບານເຕະ ມາສເຕີ້ ເຊເວັ້ນ ໄດ້ຮັບຂັນລາງວັນ 1 ໜວ່ຍ ແລະ ລາງວັນນັກເຕະດີເດັ່ນແມ່ນ ໃຈຄຳ ໄຊຍະປະເສີດ ຈາກ ສະໂມສອນ ມາດສເຕີ້.

        ສະໂມສອນ ມາດສເຕີ້ ໄດ້ຮັບສິດເຂົ້າຮ່ວມ ການແຂ່ງຂັນເຕະບານຍິງ ຊິງແຊ້ມສະໂມສອນອາຊີ AFC WOMEN'S CHAMPIONS LEAGUE ລະດູການ 2026/27 ໃນຖານະແຊ້ມ ການແຂ່ງຂັນບານເຕະ ລາວລີກ ຍິງ ປະຈຳປີ 2025.

       ສະຫະພັນບານເຕະແຫ່ງຊາດລາວ(ສຕລ) ໄດ້ຈັດພິທີເປີດຝຶກອົບຮົມຍົກລະດັບກຳມະການຕັດສິນກິລາບານ ເຕະລະດັບສູງ ( FIFA MA REFEREEING COURSE 2025 ) ຂື້ນໃນຕອນບ່າຍ ຂອງວັນທີ 29 ກັນຍາ2025 ຢູ່ທີ່ຫ້ອງປະຊຸມຂອງສຕລ,ໃຫ້ກຽດເຂົ້າຮ່ວມຂອງທ່ານຄຳແພງ ວົງຂັນຕີ ຮອງປະທານ ສະຫະພັນບານເຕະແຫ່ງຊາດລາວ ທັງເປັນຫົວຫນ້າອະນຸກຳມະການຕັດສິນ ສຕລ, ທ່ານ ໂມຮາແມັດ ໂຣຊາຣີ ບິນຢາຄອບ (MOHAMAD RODZALI BIN YACOB ) ຄູຝຶກຈາກ ສະຫະພັນບານເຕະນາໆຊາດ ( FIFA ) ພ້ອມດ້ວຍຄະນະອີກ 3 ທ່ານ, ພ້ອມດວ້ຍສຳມະນາກອນເຂົ້າຮວ່ມທັງຫມົດ 57 ທ່ານ ເປັນຍິງ 10 ທ່ານ, ໃນນັ້ນຜູ້ປະເມີນ 10 ທ່ານ. ການຝຶກອົບຮົມຄັ້ງນີ້ແມ່ນໂຄງການປະຈຳປີຂອງ ສຕລທີ່ມີຈຸດປະສົງເພື່ອພັດທະນາທັກສະຄວາມຮູ້ຄວາມສາມາດທາງດ້ານທິດສະດີ ແລະ ການປະຕິບັດຕົວຈິງໃຫ້ແກ່ກຳມະການຕັດສິນ, ພ້ອມດຽວກັນນັ້ນ ຜູ້ເຂົ້າຮວ່ມຈະໄດ້ຮຽນຮູ້ກະຕິກາ ກິລາບານເຕະທີ່ມີການປັບປຸງໃຫມ່ ປະຈຳປີ 2025/ 2026.

      ໃນໂອກາດກ່າວເປີດພິທີ ທ່ານ ຄໍາແພງ ວົງຂັນຕີ  ໄດ້ປະກອບຄໍາເຫັນ ແລະ ແນະນໍາໃຫ້ຜູ້ເຂົ້າຮ່ວມຈົ່ງຕັ້ງໃຈຍາດເອົາຄວາມຮູ້ຈາກວິທະຍາກອນ ເພື່ອຮັບເອົາບົດຮຽນທີ່ໄດ້ປັບປຸງໃໝ່ເພື່ອພັດທະນາຕົວເອງໃຫ້ກ້າວຂຶ້ນເປັນກໍາມະການຕັດສິນໃນລະດັບສູງໃນຕໍ່ໜ້າ,ພ້ອມຮຽກຮ້ອງໃຫ້ສຳມະນາກອນຈົ່ງເອົາໃຈໃສ່ຕັ້ງໜ້າຮຽນນຳເອົາຄວາມຮູ້ທາງທິດສະດີ ແລະ ພາກປະຕິບັດຕົວຈິງໄປພັດທະນາຕົນເອງໃຫ້ກ້າວສູ່ຄຸນນະພາບໃໝ່.          ການຝຶກອົບຮົມຄັ້ງນີິ້ແມ່ນຈະໃຊ້ເວລາ 5 ມື້ ເຊິ່ງເລີ່ມແຕ່ວັນທີ 29 ກັນຍາ ຫາ 3 ຕຸລາ 2025 ຈຶ່ງຈະສິ້ນສຸດ.

ປະກາດຮັບສະໝັກພະນັກງານ

I. ປະກາດຮັບສະໝັກພະນັກງານ ປະຈໍາຢູ່ສະໜາມກິລາ ຫຼັກ 16 ທີ່ຂື້ນກັບ ຫ້ອງການ ສະຫະພັນບານເຕະແຫ່ງຊາດລາວ (ສຕລ):

1. ພະນັກງານອານາໄມປະຈໍາສະໜາມ:

• ພໍ່ບ້ານ 02 ຕໍາແໜ່ງ

• ແມ່ບ້ານ 01 ຕໍາແໜ່ງ

2. ເງື່ອນໄຂການສະໝັກ:

• ອາຍຸ 25 - 45 ປີ

• ມີສຸຂະພາບເເຂງແຮງດີ

• ບໍ່ຈໍາກັດວຸດທິການສຶກສາ

• ດຸໝັ່ນ, ຂະຫຍັນ, ອົດທົນ

• ອາໄສຢູ່ບ້ານອ້ອມແອ້ມໃກ້ກັບສະໜາມກິລາ ຫຼັກ16

3. ເອກະສານປະກອບການສະໝັກ:

• ບັດປະຈໍາໂຕ ແລະ ສໍາມະໂນຄົວ

• ໃບຢັ້ງຢືນທີ່ຢູ່ (ກຳນົດພາຍໃນ 03 ເດືອນ)

• ໃບແຈ້ງໂທດ (ກຳນົດພາຍໃນ 03 ເດືອນ)

ເບີໂທສອບຖາມ: 020 91464523, 020 94443782

II. ປະກາດຮັບສະໝັກພະນັກງານ ປະຈໍາຢູ່ຫ້ອງການສະຫະພັນບານເຕະແຫ່ງຊາດລາວ (ຕັ້ງຢູ່ ບ້ານ ຫ້ວຍຫົງ):

1. ຕໍາແໜ່ງວິຊາການປະຈໍາຫ້ອງການ:

• ວິຊາການຊ່ວຍວຽກບໍລິຫານ 02 ຕໍາແໜ່ງ

• ວິຊາການໄອທີ 01 ຕໍາແໜ່ງ

2. ເງື່ອນໄຂຕໍາເເໜ່ງ “ວິຊາການຊ່ວຍບໍລິຫານ” :

• ເພດຊາຍ-ຍິງ ອາຍຸ 23 ປີຂື້ນໄປ

• ຈົບຊັ້ນສູງຂື້ນໄປ ສາຂາບໍລິຫານ ຫຼື ສາຂາອື່ນທີ່ກ່ຽວຂ້ອງ

• ສາມາດນໍາໃຊ້ Microsoft Word, Excel, PowerPoint ໄດ້ດີ ແລະ ໂປຼແກມອື່ນໆ...

• ສາມາດສື່ສານພາສາອັງກິດໄດ້ (ພິຈາລະນາພິເສດ)

• ມີຄວາມດຸໝັ່ນ, ຫ້າວຫັນ, ມີມະນຸດສໍາພັນດີ, ມີຄວາມຮັບຜິດຊອບຕໍ່ໜ້າວຽກ

• ມັກຮັກໃນກິລາບານເຕະ

• ບໍ່ມີປະສົບການກໍສາມາດສະໝັກໄດ້

3. ເງື່ອນໄຂຕໍາເເໜ່ງ “ວິຊາການໄອທີ”:

• ເພດຊາຍ ອາຍຸ 23 ປີຂື້ນໄປ

• ຈົບຊັ້ນສູງຂື້ນໄປ ສາຂາໄອທີ ຫຼື ສາຂາອື່ນທີ່ກ່ຽວຂ້ອງ

• ມີຄວາມຮູ້ກ່ຽວກັບການຕິດຕັ້ງ, ສ້ອມແປງ, ບຳລຸງຮັກສາເຄື່ອງອີເລັກໂທຣນິກ ແລະ ຄອມພິວເຕີ້

• ສາມາດສື່ສານພາສາອັງກິດໄດ້ (ພິຈາລະນາພິເສດ)

• ສາມາດນໍາໃຊ້ Microsoft Word, Excel, PowerPoint ໄດ້ດີ ແລະ ໂປຼແກມອື່ນໆ...

• ຮັກໃນກິລາບານເຕະ

• ມີຄວາມດຸຫມັ່ນ, ຫ້າວຫັນ, ມີມະນຸດສໍາພັນດີ, ມີຄວາມຮັບຜິດຊອບຕໍ່ໜ້າວຽກ

4. ເອກະສານປະກອບການສະໝັກ:

• ຊີວະປະຫວັດຫຍໍ້

• ໃບປະກາດ ແລະ ໃບຄະແນນ

• ໃບຢັ້ງຢືນການຝຶກງານ ຫຼື ການຝຶກອົບຮົມຕ່າງໆ (ຖ້າມີ)

• ບັດປະຈໍາຕົວ ແລະ ສໍາມະໂນຄົວ

• ໃບຢັ້ງຢືນທີ່ຢູ່ (ກຳນົດພາຍໃນ 03 ເດືອນ)

• ໃບແຈ້ງໂທດ (ກຳນົດພາຍໃນ 03 ເດືອນ)

ຖ້າທ່ານສົນໃຈ ກະລຸນາສົ່ງຊີວະປະຫວັດ (CV) ມາທີ່ Email tuilaoff@gmail.com ຫລື ຍື່ນສະຫມັກດ້ວຍຕົນເອງທີ່ ຫ້ອງການ ສະຫະພັນບານເຕະແຫ່ງຊາດລາວ ເບີໂທສອບຖາມ: 020 94443782 ( ຕິດຕໍ່ໃນໂມງລັດຖະການເທົ່ານັ້ນ )

        ວັນທີ 25 ກັນຍາ 2025 ທີ່ຜ່ານມາ ຢູ່ທີ່ສະໜາມກິລາໃຫຍ່ຫຼັກ 4ແຂວງສະຫວັນນະເຂດ ໄດ້ມີພິທີປິດ ການແຂ່ງຂັນບານເຕະ ລາວລີກ 2 ປະຈໍາປີ 2025 ໂດຍການ ເປັນປະທານຂອງທ່ານ ປອ ສຸກສົມພອນ ອະໂນໄທ ກຳມະການພັກແຂວງ ຫົວໜ້າພະແນກສຶກສາທິການ ແລະກິລາ ແຂວງ, ທ່ານ ໄພສານ ຈັນ ສີນາ ຮອງຫົວໜ້າພະແນກການ ເງິນແຂວງທັງເປັນປະທານ ສະຫະພັນບານເຕະແຂວງ, ຄະນະບໍລິຫານງານ ສະຫະພັນບານເຕະແຂວງ, ຄະນະຮັບຜິດຊອບສະໂມສອນ ບານເຕະຂອງ 8 ສະໂມສອນ ພ້ອມດ້ວຍຄະນະ ຄູຝຶກ ແລະນັກ ກິລາບານເຕະທັງໝົດເຂົ້າຮ່ວມ.

       ການແຂ່ງຂັນ ລາວລີກ 2 ປະຈຳປີ 2025 ແມ່ນເລີ່ມແຂ່ງຂັນນັບແຕ່ວັນທີ 5 ກໍລະກົດ 2025 ເປັນຕົ້ນມາ, ລວມມີ 8 ສະໂມສອນ/ທີມ ເຂົ້າຮ່ວມແຂ່ງຂັນຄື: ສະໂມສອນ ສະຫວັນ ຢູໄນເຕັດ, ສະໂມສອນ ທະຫານແຂວງ, ສະໂມສອນ ເຊໂນ, ສະໂມສອນ ຊຸບເປີຄີມ, ສະໂມສອນ ມະຫາວິທະຍາໄລສະຫວັນນະເຂດ, ສະໂມສອນ ທອມມີ້ເ, ສະໂມສອນ ລີລາວະດີແລະສະໂມສອນສົງເປືອຍ, ຮູບແບບການແຂ່ງຂັນ ແມ່ນແຂ່ງຂັນແບບຂາ ໄປ-ຂາກັບ, ລວມ 56 ນັດ ໂດຍ ນໍາໃຊ້ 2 ສະໜາມແຂ່ງຂັນ ຄື:ມະຫາວິທະຍາໄລສະຫວັນນະເຂດ ແລະສະໜາມກິລາ ຫຼັກ 4.

       ຜ່ານການແຂ່ງຂັນຜົນປະກົດວ່າ: ສະໂມສອນ ສະຫວັນ ຢູໄນເຕັດ ສາມາດຄວ້າແຊ້ມໄປຄອງ ເຊິ່ງເປັນຄັ້ງທີ 3 ຕິດຕໍ່ກັນ, ໂດຍໄດ້ຮັບຂັນລາງວັນ, ຫຼຽນ ລາງວັນ ແລະເງິນຈຳນວນ 30 ລ້ານກີບ, ອັນດັບ 2 ແມ່ນ ສະໂມສອນທະຫານແຂວງໄດ້ຮັບເງິນຈຳນວນ 15 ລ້ານກີບ, ອັນດັບ 3 ສະໂມສອນ ເຊໂນ ໄດ້ຮັບເງິນຈຳນວນ 10 ລ້ານກີບ, ນອກຈາກນັ້ນຍັງ ມີລາງວັນຜູ້ຍິງປະຕູສູງສຸດ ແລະ ລາງວັນນັກເຕະດີເດັ່ນ ຈິດຕະກອນ ວໍລະເດດ ຈາກສະໂມສອນ ສະຫວັນ ຢູໄນເຕັດ ໄດ້ ຮັບເງິນຈຳນວນ 2 ລ້ານກີບ ພ້ອມໂລ້ລາງວັນ, ລາງວັນຜູ້ຮັກສາປະຕູດີີເດັ່ນ ແມ່ນ ຈັນທະວີສຸກ ໜູວໍລະວົງ ຈາກສະໂມສອນ ສະຫວັນ ຢູໄນເຕັດ ໄດ້ຮັບເງິນຈຳນວນ 1 ລ້ານກີບ ພ້ອມໂລ້ລາງວັນ ແລະ ລາງວັນຄະນະຄູຝຶກດີເດັ່ນ ແມ່ນທ່ານ ສຸກ ວົງວິມານ ຈາກ ສະໂມສອນ ສະຫວັນ ຢູໄນເຕັດ ໄດ້ຮັບເງິນຈຳນວນ 1 ລ້ານກີບ ພ້ອມໂລ້ລາງວັນ.ຈາກການຄວ້າຕຳແໜ່ງຊະນະເລີດໃນຄັ້ງນີ້, ສະໂມສອນ ສະຫວັນ ຢູໄນເຕັດ ໄດ້ຮັບສິດເຂົ້າຮ່ວມ ການແຂ່ງຂັນບານເຕະ ຊີງຂັນພະນະທ່ານນາຍົກລັດຖະມົນຕີແຫ່ງ ສປປ ລາວ ລະດູການ 2025/26 ໃນຖານະແຊ້ມ ລາວລີກ 2 ຂອງແຂວງສະຫວັນນະເຂດ.

         ທ່ານ ປາດຖະໜາ ຂັນຕິຍາວົງ, ພະນັກງານວິຊາການຂອງ ສະຫະພັນກິລາບານເຕະແຫ່ງຊາດລາວ (ສຕລ), ໄດ້ສໍາເລັດການຝຶກງານເປັນເວລາ 3 ເດືອນ ລະຫວ່າງເດືອນ ກໍລະກົດ - ກັນຍາ 2025 ທີ່ ສໍານັກງານໃຫຍ່ຂອງ ສະຫະພັນກິລາບານເຕະນາໆຊາດ (FIFA) ທີ່ ເມືອງ ຊູລິກ (Zurich) ປະເທດ ສະວິດເຊີແລນ (Switzerland).

         ໃນການເຂົ້າຮ່ວມຝຶກງານຄັ້ງນີ້ ທ່ານ ປາດຖະໜາ ໄດ້ເຂົ້າຝຶກກັບພະແນກ ການຄຸ້ມຄອງ ແລະ ປົກປ້ອງສິດທິເດັກ “Safeguarding ແລະ Child Protection” ທີ່ຮັບຜິດຊອບດ້ານການປົກປ້ອງ ແລະ ການຮັບປະກັນຄວາມປອດໄພສໍາລັບເດັກນ້ອຍ-ເຍົາວະຊົນ ໃນທຸກໂຄງການ, ການແຂ່ງຂັນ ແລະ ກິດຈະກຳການເຄື່ອນໄຫວທີ່ຈັດໂດຍ FIFA.

          ໂຄງການຝຶກງານດັ່ງກ່າວແມ່ນຈັດຂຶ້ນໂດຍ FIFA ພາຍໃຕ້ຊື່ໂຄງການ “FIFA Internship Programme for Member Associations” ທີ່ເປີດໂອກາດໃຫ້ບັນດາປະເທດສະມາຊິກຂອງ FIFA ສາມາດສົ່ງບຸກຄະລາກອນໃນເປົ້າໝາຍ ໄປຮ່ວມຝຶກງານທີ່ສໍານັກງານໃຫຍ່ຂອງ FIFA ທັງຕັ້ງຢູ່ ເມືອງ ຊູລິກ ປະເທດ ສະວິດເຊີແລນ ແລະ ສໍານັກງານຢູ່ ເມືອງ ປາຣີ (Paris) ປະເທດ ຝຣັ່ງ (France). ເພື່ອເປັນການເປີດໂອກາດໃຫ້ພະນັກງານເຂົ້າມາສຶກສາລະບົບ, ປຶກສາແລກປ່ຽນ ແລະ ເຮັດວຽກຕົວຈີງຮ່ວມກັບບຸກຄະນະລາກອນຂອງ FIFA ໂດຍກົງ ກ່ຽວກັບວຽກງານທີ່ຕົນເອງຮັບຜິດຊອບ. ເພື່ອສາມາດຖອດຖອນ ແລະ ດັດປັບກັບມານຳໃຊ້ຢູ່ພາຍໃນສະຫະພັນ ຫລື ສະມາຄົມບານເຕະຂອງຕົນ. ໃນປີ 2025 ນີ້, ມີທັງໝົດ 22 ປະເທດ ທີ່ໄດ້ຮັບການຄັດເລືອກເຂົ້າຮ່ວມໂຄງການນີ້ ແລະ ສຕລ ກໍ່ເປັນໜຶ່ງໃນນັ້ນ.

          ທ່ານ ປາດຖະໜາ ໄດ້ກ່າວວ່າ: “ຮູ້ສຶກດີໃຈ ແລະ ພາກພູມໃຈຫຼາຍທີ່ໄດ້ຮັບໂອກາດນີ້ ເຊິ່ງເປັນບາດກ້າວອັນສໍາຄັນອີກກ້າວໜຶ່ງໃນສາຍວຽກດ້ານກິລາບານເຕະ, ການເຂົ້າຮ່ວມຝຶກງານໃນຄັ້ງນີ້ ໄດ້ເປີດໂອກາດໃຫ້ຕົນໄດ້ຮຽນຮູ້ຈາກປະສົບການໂຕຈິງ ໂດຍສະເພາະໃນດ້ານວຽກການຄຸ້ມຄອງ ແລະ ປົກປ້ອງສິດທິເດັກໃນກິລາບານເຕະ “Safeguarding ແລະ Child Protection” ເຊິ່ງກໍ່ຖືວ່າເປັນຫົວຂໍ້ທີ່ຄອນຂ້າງໃໝ່ໃນ ສປປ ລາວ”

         ນອກຈາກການຮຽນວຽກຕົວຈີງ ຍັງໄດ້ມີໂອກາດພົບປະບຸກຄົນສໍາຄັນໃນວົງການບານເຕະສາກົນ ແລະ ສ້າງສາຍສຳພັນທີ່ດີກັບເພື່ອນຮ່ວມງານກິລາບານເຕະຈາກປະເທດຕ່າງໆທີ່ເຂົ້າຮ່ວມຝຶກງານໃນໂຄງການນີ້. ທ່ານ ປາດຖະໜາ ຍັງຫວັງວ່າໃນອະນາຄົດຈະສາມາດນໍາເອົາຄວາມຮູ້ ແລະ ປະສົບການທີ່ເກັບກ່ຽວເຫຼົ່ານີ້ ໄປປະຍຸກໃຊ້ໃນວຽກງານບານເຕະໃນລາວ ໂດຍສະເພາະວຽກງານທີ່ກ່ຽວຂ້ອງກັບການປົກປ້ອງສິດທິເດັກ-ເຍົາວະຊົນໃນກິລາບານເຕະ ເພື່ອໃຫ້ແນ່ໃຈວ່າເຍົາວະຊົນທຸກຄົນທີ່ເຂົ້າຮ່ວມກິດຈະກຳບານເຕະ ຈະໄດ້ຮັບການປົກປ້ອງຄຸ້ມຄອງ, ຮູ້ສຶກປອດໄພ ແລະ ມີສິດເຂົ້າຮ່ວມກິດຈະກຳຢ່າງເທົ່າທຽມ.

         ສຸດທ້າຍ ທ່ານ ປາດຖະໜາ ຂໍຂອບໃຈມາຍັງ FIFA ແລະ ສຕລ ທີ່ໄດ້ມອບໂອກາດ ແລະ ໄວ້ວາງໃຈໃນຄວາມສາມາດໃຫ້ໄດ້ເຂົ້າຮ່ວມເປັນສ່ວນໜຶ່ງໃນໂຄງການນີ້.